म. टा. प्रतिनिधी, नाशिक
केवळ आधार कार्ड अपडेट नसल्याने नोकरदारांवर रोजगार गमावण्याची वेळ येऊन ठेपली आहे. नवीन नोकरीसाठी निवडल्या जाणाऱ्या नोकरदारांना पीएफ नोंदणीसाठी अपडेटेड आधारकार्डच सक्तीचे असून ते मिळविण्यासाठी वणवण करण्याची वेळ या नोकरदारांवर आली आहे.
आधारकार्ड ही आता प्रत्येक भारतीय नागरिकाची विशिष्ट ओळख बनली आहे. प्रत्येक ठिकाणी आधारकार्ड सक्तीचे होत असल्याने ते अपडेट ठेवणे अनिवार्य झाले आहे. त्यामुळे आधारकार्ड अपडेशनसाठी प्रत्येकाचीच धावपळ सुरू असल्याचे पहावयास मिळते आहे. खासगी आधार सेंटर्सबद्दलचे तक्रारी वाढू लागल्याने शहरातील असे सर्वच खासगी आधार सेंटर्स बंद करण्यात आले आहेत. नागरिकांना आधार संबंधीची कामे मार्गी लावता यावीत यासाठी सरकारी कार्यालये, महापालिकेच्या शाळांमध्ये आधार सेंटर्स सुरू करण्यात आली आहेत. परंतु, गर्दी अधिक आणि आधार केंद्रांची संख्या तोकडी यामुळे नागरिकांची वणवण काही कमी होऊ शकलेली नाही. भविष्य निर्वाह निधी कार्यालयानेही (पीएफ) जन्मतारखेचा पूर्ण उल्लेख असलेलीच आधारकार्ड स्वीकारण्याचा निर्णय घेतला आहे. त्यामुळे नवीन नोकरीवर रुजू होऊ पहाणाऱ्यांनाही या निर्णयाचा फटका बसू लागला आहे. पूर्वी काढलेल्या आधारकार्डवर केवळ जन्म वर्षाचा उल्लेख आहे. नवीन ठिकाणी रुजू होण्यापूर्वी नोकरदारांना कंपनीच्या मानव संसाधन (एचआर) विभागामार्फत पीएफची कार्यवाही पूर्ण करून द्यावी लागते. परंतु, अनेकांच्या आधारकार्डवर केवळ जन्मवर्षाचाच उल्लेख असल्याने त्यांना रूजू करवून घेताना आमचीच कोंडी होऊ लागल्याची माहिती सातपूर औद्योगिक वसाहतीमधील एका कंपनीच्या एच आर अधिकाऱ्याने दिली.
आधारकेंद्राची शोधाशोध
नोकरी सोडून अन्य ठिकाणी रुजू करू पहाणाऱ्यांना ऐनवेळी आधारकार्ड अपडेटसाठी धावाधाव करावी लागते आहे. खासगी केंद्र बंद असल्याने त्यांना सरकारी कार्यालयांमधील आधारकेंद्रांची शोधाशोध करावी लागत आहे. नोकरदारांपासून कंपन्यांच्या एचआर विभागातील सर्वांनाच या प्रक्रियेमुळे अडचणींचा सामना करावा लागतो आहे.
केवळ आधार कार्ड अपडेट नसल्याने नोकरदारांवर रोजगार गमावण्याची वेळ येऊन ठेपली आहे. नवीन नोकरीसाठी निवडल्या जाणाऱ्या नोकरदारांना पीएफ नोंदणीसाठी अपडेटेड आधारकार्डच सक्तीचे असून ते मिळविण्यासाठी वणवण करण्याची वेळ या नोकरदारांवर आली आहे.
आधारकार्ड ही आता प्रत्येक भारतीय नागरिकाची विशिष्ट ओळख बनली आहे. प्रत्येक ठिकाणी आधारकार्ड सक्तीचे होत असल्याने ते अपडेट ठेवणे अनिवार्य झाले आहे. त्यामुळे आधारकार्ड अपडेशनसाठी प्रत्येकाचीच धावपळ सुरू असल्याचे पहावयास मिळते आहे. खासगी आधार सेंटर्सबद्दलचे तक्रारी वाढू लागल्याने शहरातील असे सर्वच खासगी आधार सेंटर्स बंद करण्यात आले आहेत. नागरिकांना आधार संबंधीची कामे मार्गी लावता यावीत यासाठी सरकारी कार्यालये, महापालिकेच्या शाळांमध्ये आधार सेंटर्स सुरू करण्यात आली आहेत. परंतु, गर्दी अधिक आणि आधार केंद्रांची संख्या तोकडी यामुळे नागरिकांची वणवण काही कमी होऊ शकलेली नाही. भविष्य निर्वाह निधी कार्यालयानेही (पीएफ) जन्मतारखेचा पूर्ण उल्लेख असलेलीच आधारकार्ड स्वीकारण्याचा निर्णय घेतला आहे. त्यामुळे नवीन नोकरीवर रुजू होऊ पहाणाऱ्यांनाही या निर्णयाचा फटका बसू लागला आहे. पूर्वी काढलेल्या आधारकार्डवर केवळ जन्म वर्षाचा उल्लेख आहे. नवीन ठिकाणी रुजू होण्यापूर्वी नोकरदारांना कंपनीच्या मानव संसाधन (एचआर) विभागामार्फत पीएफची कार्यवाही पूर्ण करून द्यावी लागते. परंतु, अनेकांच्या आधारकार्डवर केवळ जन्मवर्षाचाच उल्लेख असल्याने त्यांना रूजू करवून घेताना आमचीच कोंडी होऊ लागल्याची माहिती सातपूर औद्योगिक वसाहतीमधील एका कंपनीच्या एच आर अधिकाऱ्याने दिली.
आधारकेंद्राची शोधाशोध
नोकरी सोडून अन्य ठिकाणी रुजू करू पहाणाऱ्यांना ऐनवेळी आधारकार्ड अपडेटसाठी धावाधाव करावी लागते आहे. खासगी केंद्र बंद असल्याने त्यांना सरकारी कार्यालयांमधील आधारकेंद्रांची शोधाशोध करावी लागत आहे. नोकरदारांपासून कंपन्यांच्या एचआर विभागातील सर्वांनाच या प्रक्रियेमुळे अडचणींचा सामना करावा लागतो आहे.