‘हिंदी भाषेच्या प्रसाराची गरज’

नाशिक : हिंदी भाषेचा प्रचार व प्रसार करण्यासाठी प्रयत्नांची आवश्यकता आहे, असे प्रतिपादन मुख्याध्यापक एस. बी. देशमुख यांनी केले. पाताळेश्वर विद्यालयात राष्ट्रभाषा हिंदी दिवस साजरा करण्यात आला. त्या वेळी ते बोलत होते. हिंदीदिनाचे महत्त्व, हिंदीला बहुमान देण्याची कारणे या वेळी सांगण्यात आली. विद्यालयात मांगेराम और डॉक्टर, शिक्षा का महत्त्व, पेटूराम, सोना और लोहा आदी दहा नाटके सादर करण्यात आली. सविता देशमुख यांनी सूत्रसंचालन केले. एस. एम. कोटकर यांनी प्रास्ताविक केले. बालविज्ञान विकास शिक्षणप्रसारक संस्थेचे अध्यक्ष गोविंद लोखंडे, सेक्रेटरी प्रा. टी. एस. ढोली, संचालक अरुण गरगटे, शालेय व्यवस्थापन समितीचे चेअरमन अशोक रेवगडे आदी उपस्थित होते.