म. टा. वृत्तसेवा, मनमाड
मनमाड- मालेगाव मार्गावर मालेगाव चौफुलीनजीक इनोव्हा कारमधून एक कोटी ९७ लाख रुपयांच्या नवीन नोटा शुक्रवारी मध्यरात्री पोलिसांनी जप्त केल्या असून, महादेव मार्कंड व मोहन शेलार (दोघेही रा. कात्रज, पुणे) यांना अटक करण्यात आली आहे. पाच दिवसांपूर्वीच मालेगावमध्ये ८३ लाखांच्या जुन्या नोटा जप्त केल्यानंतर मनमाडमध्ये नव्या नोटा पोलिसांच्या हाती लागल्याने खळबळ उडाली आहे. हे दोन कोटी रुपये जमीन व्यवहाराशी संबंधित असून, पुण्याच्या एका सेवाभावी ट्रस्टचे असल्याचे व मालेगावहून नगरकडे नेले जात असल्याचे संशयितांनी सांगितले आहे.
नाशिकच्या प्राप्तिकर विभागाच्या सहकार्याने पोलिस अधीक्षक संजय दराडे यांच्या मार्गदर्शनाखाली मनमाड पोलिस ठाण्याचे निरीक्षक पुंडलिक सपकाळे व त्यांच्या पथकाने या नोटा पकडल्या. पोलिस सूत्रांनी दिलेल्या माहितीनुसार, शुक्रवारी मध्यरात्री मनमाड पोलिस ठाण्याचे निरीक्षक पुंडलिक सपकाळे व त्यांचे सहकारी ए. एच. शेख मनमाड-मालेगाव चौफुलीवर नाकेबंदी करून वाहनांची तपासणी करीत होते. मालेगावकडून नगरकडे जाणारी एमएच १२/ डीवाय ५७३६ या इनोव्हा कारची तपासणी केली असता एका बॅगेत सुमारे १ कोटी ९७ लाख रुपयांच्या नवीन नोटा आढळून आल्या. यात दोन हजार व पाचशेच्या नोटांचा समावेश आहे. या प्रकरणी पोलिसांनी कारमधील दोघांना ताब्यात घेतले असून, रात्रीच मनमाड अर्बन बँकेचे पदाधिकारी व कर्मचाऱ्यांच्या सहकार्याने नोटांची तातडीने मोजणी करण्यात आली.
रक्कम सेवाभावी ट्रस्टची; संशयितांचा दावा
पोलिसांनी ताब्यात घेतलेली १ कोटी ९७ लाखांची रक्कम पुणे येथील एका सेवाभावी ट्रस्टची असल्याचे संशयितांनी सांगितले. मालेगाव येथे जमीन व्यवहार फिस्कटल्याने पुन्हा नगरमार्गे पुण्याकडे ही रक्कम घेऊन जात असल्याचे संशयितांचे म्हणणे आहे. या प्रकरणी प्राप्तिकर विभागाचे अधिकारी चौकशी करीत असून, या रकमेची सत्यता पडताळून पाहत आहेत.
मनमाड- मालेगाव मार्गावर मालेगाव चौफुलीनजीक इनोव्हा कारमधून एक कोटी ९७ लाख रुपयांच्या नवीन नोटा शुक्रवारी मध्यरात्री पोलिसांनी जप्त केल्या असून, महादेव मार्कंड व मोहन शेलार (दोघेही रा. कात्रज, पुणे) यांना अटक करण्यात आली आहे. पाच दिवसांपूर्वीच मालेगावमध्ये ८३ लाखांच्या जुन्या नोटा जप्त केल्यानंतर मनमाडमध्ये नव्या नोटा पोलिसांच्या हाती लागल्याने खळबळ उडाली आहे. हे दोन कोटी रुपये जमीन व्यवहाराशी संबंधित असून, पुण्याच्या एका सेवाभावी ट्रस्टचे असल्याचे व मालेगावहून नगरकडे नेले जात असल्याचे संशयितांनी सांगितले आहे.
नाशिकच्या प्राप्तिकर विभागाच्या सहकार्याने पोलिस अधीक्षक संजय दराडे यांच्या मार्गदर्शनाखाली मनमाड पोलिस ठाण्याचे निरीक्षक पुंडलिक सपकाळे व त्यांच्या पथकाने या नोटा पकडल्या. पोलिस सूत्रांनी दिलेल्या माहितीनुसार, शुक्रवारी मध्यरात्री मनमाड पोलिस ठाण्याचे निरीक्षक पुंडलिक सपकाळे व त्यांचे सहकारी ए. एच. शेख मनमाड-मालेगाव चौफुलीवर नाकेबंदी करून वाहनांची तपासणी करीत होते. मालेगावकडून नगरकडे जाणारी एमएच १२/ डीवाय ५७३६ या इनोव्हा कारची तपासणी केली असता एका बॅगेत सुमारे १ कोटी ९७ लाख रुपयांच्या नवीन नोटा आढळून आल्या. यात दोन हजार व पाचशेच्या नोटांचा समावेश आहे. या प्रकरणी पोलिसांनी कारमधील दोघांना ताब्यात घेतले असून, रात्रीच मनमाड अर्बन बँकेचे पदाधिकारी व कर्मचाऱ्यांच्या सहकार्याने नोटांची तातडीने मोजणी करण्यात आली.
रक्कम सेवाभावी ट्रस्टची; संशयितांचा दावा
पोलिसांनी ताब्यात घेतलेली १ कोटी ९७ लाखांची रक्कम पुणे येथील एका सेवाभावी ट्रस्टची असल्याचे संशयितांनी सांगितले. मालेगाव येथे जमीन व्यवहार फिस्कटल्याने पुन्हा नगरमार्गे पुण्याकडे ही रक्कम घेऊन जात असल्याचे संशयितांचे म्हणणे आहे. या प्रकरणी प्राप्तिकर विभागाचे अधिकारी चौकशी करीत असून, या रकमेची सत्यता पडताळून पाहत आहेत.