म. टा. वृत्तसेवा, येवला
एरवी कुठलेही लग्नकार्य म्हटले की, लग्नानंतर नवरदेव-नवरीसह वऱ्हाडी मंडळी कार अन् इतर वाहनातून घराकडे मार्गस्थ होतात. मात्र येवल्यातील पिंपळगाव जलाल गावात गुरुवारी झालेल्या एका विवाह समारंभानंतर नवदाम्पत्य चक्क एका सायकलवरून नवरदेवघरी पोहचले. 'सायकल चालवा, तंदुरुस्त राहा', 'सायकल चालवा, प्रदूषण टाळा' हा संदेश या नवदाम्पत्याने समाजमनाला दिला. सायकलवरून नवरीसह आपल्या घरी निघालेली नवरदेवाची ही स्वारी सर्वांचेच लक्ष वेधून गेली.
पिंपळगाव जलाल येथील कैलास लक्ष्मण वाघ यांची कन्या ज्योती आणि नजीकच्या तीन किलोमीटर अंतरावरील नांदेसर येथील सुभाष सूर्यभान वाघ यांचा मुलगा प्रशांत यांचा विवाह सोहळा गुरुवारी (दि. १३) दुपारी पिंपळगाव जलाल येथे पार पडला. लग्नानंतर हे नवदाम्पत्य कुठल्याही कार अथवा मोठ्या वाहनातून प्रवास न करता चक्क सायकवरून नांदेसर या गावी सायकलवरून पोहचले. सायकल चालविणारा नवरदेव अन् त्याच्या पाठीमागे बसलेली नवरी हे अनोखे दृश्य यानिमित्ताने पहायला मिळताना तीन किलोमीटरच्या या मार्गावर सर्वांच्याच नजरा वेधल्या गेल्या होत्या.
वर प्रशांत आणि वधू ज्योती यांची पिंपळगाव जलाल येथील लग्नस्थळापासून ते नवरदेव राहत असलेल्या नांदेसर गावाची सफर चर्चेचा विषय ठरतानाच समाजमनाला 'सायकल चालवा, पर्यावरण वाचवा', 'सायकल चालवा, तंदुरुस्त राहा' असाच अनमोल संदेश देणारी ठरली. प्रशांत वाघ (नांदेसर) हे गेल्या पाच वर्षांपासून भारतीय सैन्यदलात कार्यरत आहेत. पिंपळगाव जलाल गावातील जय तुळजा भवानी मित्र मंडळाने आजवर गेल्या १३ वर्षांत पिंपळगाव ते तुळजापूर काढलेल्या सायकल यात्रेतदेखील त्यांनी सहभाग नोंदवलेला. नांदेसर गावात पोहचलेल्या या नवदाम्पत्याचे जोरदार स्वागत करण्यात आले.
एरवी कुठलेही लग्नकार्य म्हटले की, लग्नानंतर नवरदेव-नवरीसह वऱ्हाडी मंडळी कार अन् इतर वाहनातून घराकडे मार्गस्थ होतात. मात्र येवल्यातील पिंपळगाव जलाल गावात गुरुवारी झालेल्या एका विवाह समारंभानंतर नवदाम्पत्य चक्क एका सायकलवरून नवरदेवघरी पोहचले. 'सायकल चालवा, तंदुरुस्त राहा', 'सायकल चालवा, प्रदूषण टाळा' हा संदेश या नवदाम्पत्याने समाजमनाला दिला. सायकलवरून नवरीसह आपल्या घरी निघालेली नवरदेवाची ही स्वारी सर्वांचेच लक्ष वेधून गेली.
पिंपळगाव जलाल येथील कैलास लक्ष्मण वाघ यांची कन्या ज्योती आणि नजीकच्या तीन किलोमीटर अंतरावरील नांदेसर येथील सुभाष सूर्यभान वाघ यांचा मुलगा प्रशांत यांचा विवाह सोहळा गुरुवारी (दि. १३) दुपारी पिंपळगाव जलाल येथे पार पडला. लग्नानंतर हे नवदाम्पत्य कुठल्याही कार अथवा मोठ्या वाहनातून प्रवास न करता चक्क सायकवरून नांदेसर या गावी सायकलवरून पोहचले. सायकल चालविणारा नवरदेव अन् त्याच्या पाठीमागे बसलेली नवरी हे अनोखे दृश्य यानिमित्ताने पहायला मिळताना तीन किलोमीटरच्या या मार्गावर सर्वांच्याच नजरा वेधल्या गेल्या होत्या.
वर प्रशांत आणि वधू ज्योती यांची पिंपळगाव जलाल येथील लग्नस्थळापासून ते नवरदेव राहत असलेल्या नांदेसर गावाची सफर चर्चेचा विषय ठरतानाच समाजमनाला 'सायकल चालवा, पर्यावरण वाचवा', 'सायकल चालवा, तंदुरुस्त राहा' असाच अनमोल संदेश देणारी ठरली. प्रशांत वाघ (नांदेसर) हे गेल्या पाच वर्षांपासून भारतीय सैन्यदलात कार्यरत आहेत. पिंपळगाव जलाल गावातील जय तुळजा भवानी मित्र मंडळाने आजवर गेल्या १३ वर्षांत पिंपळगाव ते तुळजापूर काढलेल्या सायकल यात्रेतदेखील त्यांनी सहभाग नोंदवलेला. नांदेसर गावात पोहचलेल्या या नवदाम्पत्याचे जोरदार स्वागत करण्यात आले.