‘त्या’ नगरसेवकांना तूर्तास दिलासा

म. टा. वृत्तसेवा, निफाड

येथील नगरपंचायतीच्या पाच नगरसेवकांनी शासकीय जागेत अतिक्रमण केल्याचा ठपका ठेवत त्यांचे पद रद्द करण्याच्या आदेशाला राज्याचे नगरविकास राज्यमंत्री रणजित पाटील तात्पुरती स्थगिती दिली. त्यामुळे पाचही नगरसेवकांना दिलासा मिळाला आहे.

नगरपंचायतीवर भारतीय जनता पार्टी व शिवसेना युतीची सत्ता आहे. निफाड येथील मोहन जाधव, साहेबराव बर्डे यांनी निफाड नागरपंचायतीच्या नगरसेविका लक्ष्मी पवार, एकनाथ तळवाडे, आनंद बिवालकर, मंगला वाघ व जावेद शेख यांच्याविरोधात जिल्हाधिकाऱ्यांकडे याचिका दाखल केली होती. या नगरसेवकांनी शासकीय जागेत अतिक्रमण केल्याचे सांगत त्यांना अपात्र घोषित करण्यात यावे अशी मागणी याचिकेत केली होती. या याचिकेवर निकाल देताना अप्पर जिल्हाधिकरी यांनी पाचही नगरसेवकांना अपात्र ठरवविले होते. या अपिलावर सात जून रोजी सुनावणी होणार आहे.