म. टा. खास प्रतिनिधी, नाशिक
नवरात्रोत्सव, दसरा आणि येणाऱ्या दिवाळी सणाच्या पार्श्वभूमीवर शहरातील स्वच्छता व आरोग्य कायम ठेवण्यासाठी महापौरांनी आरोग्य विभागाची बैठक घेऊन सूचना दिल्या आहेत. सणासुदीत घाणीचे साम्राज्य पसरू नये यासाठी उत्सवकाळात रात्रपाळीतही शहरातील स्वच्छता केली जाणार आहे. त्यासाठी अतिरिक्त कर्मचारी उपलब्ध करून देण्याचे आश्वासन महापौर अशोक मुर्तडक यांनी दिले आहेत. सोबतच आरोग्य विभागातील कर्मचाऱ्यांना सुट्ट्या न घेण्याची सूचना त्यांनी केली असून, स्वच्छता व साफसफाईबाबत स्वच्छता घेण्याचे आदेश त्यांनी दिले आहेत.
महापौर मुर्तडक व उपमहापौर गुरूमित बग्गा यांनी शुक्रवारी आरोग्य विभागाची बैठक घेऊन सणासुदीतील स्वच्छता व साफसफाईच्या नियोजनाचा आढावा घेतला. या बैठकीला विभागीय अधिकारी, स्वच्छता निरीक्षक व मुकादम उपस्थित होते. यावेळी आरोग्य अधिकारी डॉ. डेकाटे, डॉ. बुकाणेही उपस्थित होते. या बैठकीत साफसफाई करणे, प्रत्येक प्रभागात घंटागाडी येणे, प्रभागातील ब्लॅकस्पॉटबाबत सहा प्रभागांतील विभागीय अधिकारी व विभागीय स्वछता निरीक्षक यांच्याशी चर्चा करण्यात आली. नवरात्रोत्सव, दसरा, दिवाळी व त्यानंतर येणाऱ्या नाताळच्या पार्श्वभूमीवर शहरातील स्वच्छता नियोजनाचा आढावा घेतला. दिवाळीच्या पार्श्वभूमीवर नागरिक घरातील घाण व खराब वस्तू बाहेर काढतात. त्या वस्तू रस्त्यावरच फेकल्या जातात. त्यामुळे दुर्गंधी तयार होवून रोगराईचा प्रश्न निर्माण होतो.
रात्रीच्या वेळी घंटागाडी सुरू ठेवण्यासह अतिरिक्त कर्मचारीही उपलब्ध करून देण्याच्या सूचना त्यांनी प्रशासनाला केल्या आहेत. प्रत्येक विभागात रात्रीच्या वेळी सहा घंटागाड्या उपलब्ध करून दिल्या जाणार आहेत. तर कार्यक्रमाच्या ठिकाणी अतिरिक्त मनुष्यबळ उपलब्ध केले जाणार आहे. स्वच्छता व आऱोग्य विभागातील कर्मचाऱ्यांनी या काळात सुट्ट्या घेणे टाळावे, तसेच सफाई कर्मचाऱ्यांसह स्वच्छता विभागातील कर्मचाऱ्यांचा ओव्हरटाईम सुरू केला जाणार असल्याचे आश्वासन महापौरांनी यावेळेस दिले.
नवरात्रोत्सव, दसरा आणि येणाऱ्या दिवाळी सणाच्या पार्श्वभूमीवर शहरातील स्वच्छता व आरोग्य कायम ठेवण्यासाठी महापौरांनी आरोग्य विभागाची बैठक घेऊन सूचना दिल्या आहेत. सणासुदीत घाणीचे साम्राज्य पसरू नये यासाठी उत्सवकाळात रात्रपाळीतही शहरातील स्वच्छता केली जाणार आहे. त्यासाठी अतिरिक्त कर्मचारी उपलब्ध करून देण्याचे आश्वासन महापौर अशोक मुर्तडक यांनी दिले आहेत. सोबतच आरोग्य विभागातील कर्मचाऱ्यांना सुट्ट्या न घेण्याची सूचना त्यांनी केली असून, स्वच्छता व साफसफाईबाबत स्वच्छता घेण्याचे आदेश त्यांनी दिले आहेत.
महापौर मुर्तडक व उपमहापौर गुरूमित बग्गा यांनी शुक्रवारी आरोग्य विभागाची बैठक घेऊन सणासुदीतील स्वच्छता व साफसफाईच्या नियोजनाचा आढावा घेतला. या बैठकीला विभागीय अधिकारी, स्वच्छता निरीक्षक व मुकादम उपस्थित होते. यावेळी आरोग्य अधिकारी डॉ. डेकाटे, डॉ. बुकाणेही उपस्थित होते. या बैठकीत साफसफाई करणे, प्रत्येक प्रभागात घंटागाडी येणे, प्रभागातील ब्लॅकस्पॉटबाबत सहा प्रभागांतील विभागीय अधिकारी व विभागीय स्वछता निरीक्षक यांच्याशी चर्चा करण्यात आली. नवरात्रोत्सव, दसरा, दिवाळी व त्यानंतर येणाऱ्या नाताळच्या पार्श्वभूमीवर शहरातील स्वच्छता नियोजनाचा आढावा घेतला. दिवाळीच्या पार्श्वभूमीवर नागरिक घरातील घाण व खराब वस्तू बाहेर काढतात. त्या वस्तू रस्त्यावरच फेकल्या जातात. त्यामुळे दुर्गंधी तयार होवून रोगराईचा प्रश्न निर्माण होतो.
रात्रीच्या वेळी घंटागाडी सुरू ठेवण्यासह अतिरिक्त कर्मचारीही उपलब्ध करून देण्याच्या सूचना त्यांनी प्रशासनाला केल्या आहेत. प्रत्येक विभागात रात्रीच्या वेळी सहा घंटागाड्या उपलब्ध करून दिल्या जाणार आहेत. तर कार्यक्रमाच्या ठिकाणी अतिरिक्त मनुष्यबळ उपलब्ध केले जाणार आहे. स्वच्छता व आऱोग्य विभागातील कर्मचाऱ्यांनी या काळात सुट्ट्या घेणे टाळावे, तसेच सफाई कर्मचाऱ्यांसह स्वच्छता विभागातील कर्मचाऱ्यांचा ओव्हरटाईम सुरू केला जाणार असल्याचे आश्वासन महापौरांनी यावेळेस दिले.