मातब्बरांची प्रतिष्ठा पणाला
bhavesh.brahmankar
@timesgroup.com
Tweet - @BhaveshBMT
नाशिक ः शहराच्या मुख्य भागात असलेल्या आणि महापालिकेचे मुख्यालय ज्या हद्दीत येते अशा शहरातील सर्वाधिक मतदार असलेल्या पश्चिम प्रभागात यंदा मोठी चुरस पाहायला मिळणार आहे. गेल्या निवडणुकीत येथून पाच जागा जिंकणारा मनसे सध्या विजयी चेहऱ्याच्या शोधात असून, शिवसेनेचीही तीच अवस्था आहे. येथील भाजपचे तीन नगरसेवकच आता आमदार आहेत. त्या जोरावर भाजप जोरदार मुसंडी मारण्याच्या प्रयत्नात आहे. तसेच, तीन आमदार, दोन माजी महापौर आणि सर्वच पक्षांचे मातब्बर नेते या प्रभागात नशीब आजमावत असल्याने येथील लढती अतिशय रंगतदार होणार आहेत.
पक्षांतरामुळे बदलणार समीकरणे
गेल्या निवडणुकीत पश्चिम प्रभागामध्ये १३, १४, १५, २२, २३ आणि २४ असे एकूण ७ प्रभाग होते. आताच्या प्रभाग रचनेत प्रभाग क्रमांक ७, १२, १३ आणि १४ यांचा समावेश प्रभागात झाला आहे. गत निवडणुकीत मनसेच्या सुनीता मोटकरी, सुरेखा भोसले, अॅड. यतीन वाघ, सुजाता डेरे आणि माधुरी जाधव हे पाच नगरसेवक विजयी झाले, तर भाजपचे प्रा. देवयानी फरांदे, सीमा हिरे आणि डॉ. राहुल आहेर यांनी विजय मिळवला होता. काँग्रेसचे उत्तम कांबळे, शिवाजी गांगुर्डे आणि योगिता आहेर विजयी झाले होते. शिवसेनेचे अजय बोरस्ते आणि विनायक पांडे, तर राष्ट्रवादी काँग्रेसच्या छाया ठाकरे यांनीही विजय प्राप्त केला होता. गेल्या विधानसभा निवडणुकीत भाजपच्या प्रा. देवयानी फरांदे आणि सीमा हिरे यांना यश आले, तर प्रभागातीलच डॉ. राहुल आहेर हे चांदवड-देवळा मतदारसंघातून आमदार झाले. त्यामुळे भाजपचे तीन आमदार या प्रभागात सध्या वास्तव्यास आहेत. नगरसेवक आणि राजकीय नेत्यांच्या पक्षांतरामुळे प्रभागातील परिस्थिती बदलली आहे. मनसेचे पहिले महापौर अॅड. यतीन वाघ यांनी मनसेला सोडचिठ्ठी दिली आहे. सद्यःस्थितीत मनसेचे सुजाता डेरे, सुनीता मोटकरी आणि सुरेखा भोसले हे तीनच नगरसेवक आहेत. यातील आणखी एकजण सोडचिठ्ठी देण्याच्या तयारीत आहे. त्यामुळे या प्रभागात मनसेला विजयी चेहऱ्याची मोठी गरज आहे. यंदा प्रभाग विस्तारात गंगापूररोड, कॉलेजरोडपासून मुंबई नाका, तर महात्मानगरपासून सराफ बाजार, तसेच पुढे गंजमाळपर्यंत पसरला आहे. या भागात उच्चभ्रू, मध्यमवर्गीय वस्तीपासून झोपडपट्टीचाही भाग येतो. प्रभागातील चारही प्रभाग मिळून एकूण १६ नगरसेवक महापालिकेत प्रतिनिधित्व करणार आहेत. प्रभागात एकूण १ लाख ५७ हजार मतदार आहेत. या सर्वांनाच आकर्षित करण्यासाठी इच्छुक सरसावले असून, मतदार कुणाच्या पाठीशी उभे राहतात, ही मोठी उत्सुकता आहे.
प्रभाग ७
रंगतदार लढतींची चिन्हे
गंगापूररोडवरील प्रसाद मंगल कार्यालय, गोळे कॉलनी, अशोक स्तंभालगतचा घारपुरे घाट, कॉलेजरोड-डिसुझा कॉलनी, पाटील लेन, पंडित कॉलनी असा पसरलेला हा प्रभाग उच्चभ्रू आणि मध्यमवर्गीय वस्तीचा अधिक आहे. मात्र, मल्हार खाण झोपडपट्टीही याच प्रभागात येते. प्रभागातील एकूण लोकसंख्या ४४ हजार ३८२ एवढी आहे. त्यात अनुसूचित जातीच्या २८११, तर अनुसूचित जमातीच्या २४६९ लोकसंख्येचा समावेश आहे. प्रभागात एकूण ३६ हजार १५३ मतदार आहेत. प्रभागातील दोन जागा सर्वसाधारण महिला गटासाठी राखीव आहेत, तर एक जागा नागरिकांचा मागास प्रवर्ग आणि एक जागा सर्वसाधारणसाठी आहे. प्रभागात प्रा. फरांदे, डॉ. आहेर, हिरे, बोरस्ते हे विद्यमान नगरसेवक आहेत. या प्रभागात भाजपच्या इच्छुकांची रांग मोठी आहे. भाजपचे माजी जिल्हाध्यक्ष बाळासाहेब आहेर यांची कन्या हिमगौरी आहेर-आडके, आमदार हिरे यांचे दीर योगेश (मुन्ना) हिरे, अनिल भालेराव यांच्याबरोबरच त्यांच्या पत्नी डॉ. वर्षा भालेराव, माजी नगरसेवक मधुकर हिंगमिरे, भाजपचे दिवंगत नेते बंडोपंत जोशी यांचे चिरंजीव देवदत्त जोशी हे सारे प्रचाराला लागले आहेत. शिवसेनेच्या वतीने महानगरप्रमुख अजय बोरस्ते, राजेंद्र देसाई यांच्या पत्नी संगीता देसाई, शीतल देवरे, राष्ट्रवादी काँग्रेसमधून सेनेत दाखल झालेले माजी नगरसेवक गोकुळ पिंगळे हे या प्रभागातून इच्छुक आहेत. राष्ट्रवादी काँग्रेसमधून किशोर शिरसाट उमेदवारी करणार आहेत. काँग्रेसला या प्रभागात उमोदवाराचा शोध आहे. भाजप वगळता सर्वच पक्षांना विजयी उमेदवार आणि चेहऱ्याची प्रतीक्षा आहे. भाजपातील इच्छुकांची संख्या लक्षात घेता तिकीट नाही मिळाले, तर ऐनवेळी अन्य पक्षात जाऊन उमेदवारी करण्याचा प्रयत्न काही जण करू शकतात. त्यामुळे येथील लढती रंगतदार असतील.
प्रभाग १२
उमेदवारीवर ठरणार गणित
महात्मानगर, येवलेकर मळा, होलाराम कॉलनी, कालिका मंदिर, टिळकवाडी, राका कॉलनी, मिलिंदनगर, क्रांतीनगर झोपडपट्टी, सिद्धार्थनगर झोपडपट्टी महामार्ग बस स्टँड अशा विस्तारलेल्या या प्रभागाची लोकसंख्या ५० हजार २५७ आहे. यात अनुसूचित जातीच्या ६४५४, तर अनुसूचित जमातीच्या ३३२३ लोकसंख्येचा समावेश आहे. प्रभागात एकूण ३५ हजार ८४२ मतदार आहेत. या प्रभागातही उच्चभ्रू, मध्यमवर्गीय आणि झोपडपट्टीतील रहिवाशांचा समावेश आहे. प्रभागात अनुसूचित जाती महिला, नागरिकांचा मागास प्रवर्ग, सर्वसाधारण महिला आणि सर्वसाधारण असे आरक्षण आहे. प्रभागातील विद्यमान नगरसेवकांमध्ये मनसेच्या सुजाता डेरे, सुनीता मोटकरी, राष्ट्रवादीच्या छाया ठाकरे, काँग्रेसच्या योगिता आहेर, शिवाजी गांगुर्डे यांचा समावेश आहे. प्रभागात भाजपच्या वतीने सुरेश पाटील, काँग्रेसमधून भाजपत दाखल झालेले शिवाजी गांगुर्डे, त्यांचे चिरंजीव विक्रम गांगुर्डे, मधुकर हिंगमिरे, उद्योजक धनंजय बेळे यांच्या पत्नी प्रेरणा बेळे, गणेश पालवे, रोहिणी नायडू, हेमंत धात्रक, गणेश कांबळे हे इच्छुक आहेत. काँग्रेसमधून माजी नगरसेविका ममता पाटील, डॉ. हेमलता पाटील, नगरसेविका योगिता आहेर, माजी शहराध्यक्ष शैलेश कुटे, उत्तम कांबळे यांचे चिरंजीव समीर कांबळे, वर्षा तेजाळे इच्छुक आहेत. राष्ट्रवादी काँग्रेसचे शहराध्यक्ष रंजन ठाकरे आणि त्यांच्या मातोश्री छाया ठाकरे या प्रभागातून उमेदवारी करणार आहेत. शिवसेनेकडून विनोद लोणसे, रवी जाधव, मधुकर देवरे, संजय वाघमारे, नीता योगेश चव्हाणके यांनी प्रचार सुरू केला आहे. मनसेच्या सुजाता डेरे, सुनीता मोटकरी या उमेदवारीसाठी इच्छुक आहेत. शिवसेनेला मात्र या प्रभागात मातब्बर उमेदवाराचा शोध आहे. राष्ट्रवादी आणि मनसे यांनाही या प्रभागात प्रबळ उमेदवारीसाठी प्रतीक्षा आहे. इच्छुकांपैकी कुणाला तिकीट मिळते आणि कोण प्रबळ उमेदवार होतो, यावर या प्रभागातील गणिते अवलंबून आहेत.
प्रभाग १३
समस्या-विकास हे मुद्दे महत्त्वाचे
तेली गल्ली, नेहरू गार्डन, पंचशीलनगर, बुधवार पेठ, बडी दर्गा, कुंभारवाडा, काझी गढी, पठाणपुरा अशा पसरलेल्या या प्रभागाची लोकसंख्या ५२ हजार ५६५ आहे. त्यात अनुसूचित जातीच्या ३८३४ आणि अनुसूचित जमातीच्या २२१३ लोकसंख्येचा समावेश आहे. शहरातील सर्वाधिक म्हणजे ४५ हजार ३८१ मतदार या प्रभागात आहेत. प्रभागातील दोन जागा महिलांसाठी राखीव आहेत. त्यात नागरिकांचा मागास प्रवर्ग महिला आणि सर्वसाधारण महिला यांचा समावेश आहे. अन्य दोन जागा नागरिकांचा मागास प्रवर्ग आणि सर्वसाधारण यासाठी राखीव आहेत. या प्रभागात इच्छुकांची संख्या मोठी आहे. भारतीय जनता पक्षाच्या वतीने हरिभाऊ लोणारी, तसेच विजया लोणारी, माजी नगरसेवक विजय साने यांच्यासह त्यांचे चिरंजीव अजिंक्य साने, पुरोहित संघाचे अध्यक्ष सतीश शुक्ल, मनसेतून भाजपत आलेल्या माधुरी जाधव हे इच्छुक आहेत. शिवसेनेच्या वतीने माजी महापौर विनायक पांडे, मनसेतून सेनेत दाखल झालेले माजी महापौर अॅड. यतीन वाघ, विनायक खैरे यांनी प्रचार सुरू केला आहे. राष्ट्रवादी काँग्रेसच्या वतीने माजी शहराध्यक्ष गजानन शेलार, तसेच रंजना पवार इच्छुक आहेत. काँग्रेसच्या वतीने नगरसेविका वत्सला खैरे, नगरसेवक शाहू खैरे, बबलू खैरे हे संभाव्य उमेदवार आहेत. मनसेच्या वतीने सुरेखा भोसले यांचे नाव आहे. शिक्षण समिती सभापती संजय चव्हाण यांच्यासह त्यांच्या कन्या डॉ. स्नेहल चव्हाण यासुद्धा इच्छुक आहेत. सध्या तरी ते चिन्हाविनाच प्रचार करीत आहेत. त्यामुळे ते कुठल्या पक्षातून इच्छुक आहेत किंवा जाणार आहेत, याची प्रभागात चर्चा आहे. पूर्व भागातील मोठा परिसर यात जोडला गेल्याने या प्रभागात चुरस मोठी आहे. भद्रकाली आणि जुन्या नाशिकचा भाग, तेथील समस्या आणि विकासाची प्रतीक्षा हे मुद्दे या प्रभागात महत्त्वाचे ठरणार आहेत.
प्रभाग १४
पुनर्विकासाचा प्रश्न केंद्रस्थानी
गंजमाळ, चौक मंडई, काझीपुरा, भोईवाडा, नानावली, नागसेनवाडी, गुरुद्वारा परिसर आणि फाळके रोड अशा विस्तारलेल्या या प्रभागाची लोकसंख्या ५१ हजार ६१८ आहे. त्यात अनुसूचित जातीच्या ७१०४ आणि अनुसूचित जमातीच्या २०३९ लोकसंख्येचा समावेश आहे. या प्रभागात एकूण ३९ हजार ८०१ मतदार आहेत. प्रभागात अनुसूचित जाती महिला, नागरिकांचा मागास प्रवर्ग महिला आणि दोन जागा सर्वसाधारण गटासाठी राखीव आहेत. यात जुन्या नाशिकचा प्रामुख्याने समावेश आहे. या भागातील मुस्लिम मतदान निर्णायक ठरणार आहे. तसेच, पक्षांना मुस्लिम चेहरा उमेदवारीसाठी निवडावा लागणार आहे. या प्रभागात विद्यमान नगरसेवकांमध्ये सूफी जीन, विनायक खैरे, शबाना पठाण, निजाम कोकणी यांचा समावेश आहे. राष्ट्रवादी काँग्रेसच्या वतीने संजय साबळे, सूफी जीन, निजाम कोकणी, विनायक खैरे इच्छुक आहेत. शहर विकास आघाडी स्थापन करून नशीब आजमावणारे मुशीर सय्यद यंदाही इच्छुक आहेत. मात्र, ते अपक्ष लढतात की कुठल्या पक्षात प्रवेश करतात, हा मुद्दा महत्त्वाचा आहे. मनसेच्या वतीने शरद काळे, तर काँग्रेसच्या वतीने शबाना पठाण यांनी प्रचार सुरू केला आहे. शिवसेना आणि भाजप या दोन्ही पक्षांना या ठिकाणी चांगल्या उमेदवारांचा शोध आहे. दुबई वॉर्ड अशी ख्याती असलेला परिसर या प्रभागात येतो. स्मार्ट सिटीच्या प्रकल्पात या भागाचा पुनर्विकासासाठी समावेश करण्यात आल्याने ती बाब प्रचाराचा केंद्रबिंदू राहण्याची शक्यता आहे.
bhavesh.brahmankar
@timesgroup.com
Tweet - @BhaveshBMT
नाशिक ः शहराच्या मुख्य भागात असलेल्या आणि महापालिकेचे मुख्यालय ज्या हद्दीत येते अशा शहरातील सर्वाधिक मतदार असलेल्या पश्चिम प्रभागात यंदा मोठी चुरस पाहायला मिळणार आहे. गेल्या निवडणुकीत येथून पाच जागा जिंकणारा मनसे सध्या विजयी चेहऱ्याच्या शोधात असून, शिवसेनेचीही तीच अवस्था आहे. येथील भाजपचे तीन नगरसेवकच आता आमदार आहेत. त्या जोरावर भाजप जोरदार मुसंडी मारण्याच्या प्रयत्नात आहे. तसेच, तीन आमदार, दोन माजी महापौर आणि सर्वच पक्षांचे मातब्बर नेते या प्रभागात नशीब आजमावत असल्याने येथील लढती अतिशय रंगतदार होणार आहेत.
पक्षांतरामुळे बदलणार समीकरणे
गेल्या निवडणुकीत पश्चिम प्रभागामध्ये १३, १४, १५, २२, २३ आणि २४ असे एकूण ७ प्रभाग होते. आताच्या प्रभाग रचनेत प्रभाग क्रमांक ७, १२, १३ आणि १४ यांचा समावेश प्रभागात झाला आहे. गत निवडणुकीत मनसेच्या सुनीता मोटकरी, सुरेखा भोसले, अॅड. यतीन वाघ, सुजाता डेरे आणि माधुरी जाधव हे पाच नगरसेवक विजयी झाले, तर भाजपचे प्रा. देवयानी फरांदे, सीमा हिरे आणि डॉ. राहुल आहेर यांनी विजय मिळवला होता. काँग्रेसचे उत्तम कांबळे, शिवाजी गांगुर्डे आणि योगिता आहेर विजयी झाले होते. शिवसेनेचे अजय बोरस्ते आणि विनायक पांडे, तर राष्ट्रवादी काँग्रेसच्या छाया ठाकरे यांनीही विजय प्राप्त केला होता. गेल्या विधानसभा निवडणुकीत भाजपच्या प्रा. देवयानी फरांदे आणि सीमा हिरे यांना यश आले, तर प्रभागातीलच डॉ. राहुल आहेर हे चांदवड-देवळा मतदारसंघातून आमदार झाले. त्यामुळे भाजपचे तीन आमदार या प्रभागात सध्या वास्तव्यास आहेत. नगरसेवक आणि राजकीय नेत्यांच्या पक्षांतरामुळे प्रभागातील परिस्थिती बदलली आहे. मनसेचे पहिले महापौर अॅड. यतीन वाघ यांनी मनसेला सोडचिठ्ठी दिली आहे. सद्यःस्थितीत मनसेचे सुजाता डेरे, सुनीता मोटकरी आणि सुरेखा भोसले हे तीनच नगरसेवक आहेत. यातील आणखी एकजण सोडचिठ्ठी देण्याच्या तयारीत आहे. त्यामुळे या प्रभागात मनसेला विजयी चेहऱ्याची मोठी गरज आहे. यंदा प्रभाग विस्तारात गंगापूररोड, कॉलेजरोडपासून मुंबई नाका, तर महात्मानगरपासून सराफ बाजार, तसेच पुढे गंजमाळपर्यंत पसरला आहे. या भागात उच्चभ्रू, मध्यमवर्गीय वस्तीपासून झोपडपट्टीचाही भाग येतो. प्रभागातील चारही प्रभाग मिळून एकूण १६ नगरसेवक महापालिकेत प्रतिनिधित्व करणार आहेत. प्रभागात एकूण १ लाख ५७ हजार मतदार आहेत. या सर्वांनाच आकर्षित करण्यासाठी इच्छुक सरसावले असून, मतदार कुणाच्या पाठीशी उभे राहतात, ही मोठी उत्सुकता आहे.
प्रभाग ७
रंगतदार लढतींची चिन्हे
गंगापूररोडवरील प्रसाद मंगल कार्यालय, गोळे कॉलनी, अशोक स्तंभालगतचा घारपुरे घाट, कॉलेजरोड-डिसुझा कॉलनी, पाटील लेन, पंडित कॉलनी असा पसरलेला हा प्रभाग उच्चभ्रू आणि मध्यमवर्गीय वस्तीचा अधिक आहे. मात्र, मल्हार खाण झोपडपट्टीही याच प्रभागात येते. प्रभागातील एकूण लोकसंख्या ४४ हजार ३८२ एवढी आहे. त्यात अनुसूचित जातीच्या २८११, तर अनुसूचित जमातीच्या २४६९ लोकसंख्येचा समावेश आहे. प्रभागात एकूण ३६ हजार १५३ मतदार आहेत. प्रभागातील दोन जागा सर्वसाधारण महिला गटासाठी राखीव आहेत, तर एक जागा नागरिकांचा मागास प्रवर्ग आणि एक जागा सर्वसाधारणसाठी आहे. प्रभागात प्रा. फरांदे, डॉ. आहेर, हिरे, बोरस्ते हे विद्यमान नगरसेवक आहेत. या प्रभागात भाजपच्या इच्छुकांची रांग मोठी आहे. भाजपचे माजी जिल्हाध्यक्ष बाळासाहेब आहेर यांची कन्या हिमगौरी आहेर-आडके, आमदार हिरे यांचे दीर योगेश (मुन्ना) हिरे, अनिल भालेराव यांच्याबरोबरच त्यांच्या पत्नी डॉ. वर्षा भालेराव, माजी नगरसेवक मधुकर हिंगमिरे, भाजपचे दिवंगत नेते बंडोपंत जोशी यांचे चिरंजीव देवदत्त जोशी हे सारे प्रचाराला लागले आहेत. शिवसेनेच्या वतीने महानगरप्रमुख अजय बोरस्ते, राजेंद्र देसाई यांच्या पत्नी संगीता देसाई, शीतल देवरे, राष्ट्रवादी काँग्रेसमधून सेनेत दाखल झालेले माजी नगरसेवक गोकुळ पिंगळे हे या प्रभागातून इच्छुक आहेत. राष्ट्रवादी काँग्रेसमधून किशोर शिरसाट उमेदवारी करणार आहेत. काँग्रेसला या प्रभागात उमोदवाराचा शोध आहे. भाजप वगळता सर्वच पक्षांना विजयी उमेदवार आणि चेहऱ्याची प्रतीक्षा आहे. भाजपातील इच्छुकांची संख्या लक्षात घेता तिकीट नाही मिळाले, तर ऐनवेळी अन्य पक्षात जाऊन उमेदवारी करण्याचा प्रयत्न काही जण करू शकतात. त्यामुळे येथील लढती रंगतदार असतील.
प्रभाग १२
उमेदवारीवर ठरणार गणित
महात्मानगर, येवलेकर मळा, होलाराम कॉलनी, कालिका मंदिर, टिळकवाडी, राका कॉलनी, मिलिंदनगर, क्रांतीनगर झोपडपट्टी, सिद्धार्थनगर झोपडपट्टी महामार्ग बस स्टँड अशा विस्तारलेल्या या प्रभागाची लोकसंख्या ५० हजार २५७ आहे. यात अनुसूचित जातीच्या ६४५४, तर अनुसूचित जमातीच्या ३३२३ लोकसंख्येचा समावेश आहे. प्रभागात एकूण ३५ हजार ८४२ मतदार आहेत. या प्रभागातही उच्चभ्रू, मध्यमवर्गीय आणि झोपडपट्टीतील रहिवाशांचा समावेश आहे. प्रभागात अनुसूचित जाती महिला, नागरिकांचा मागास प्रवर्ग, सर्वसाधारण महिला आणि सर्वसाधारण असे आरक्षण आहे. प्रभागातील विद्यमान नगरसेवकांमध्ये मनसेच्या सुजाता डेरे, सुनीता मोटकरी, राष्ट्रवादीच्या छाया ठाकरे, काँग्रेसच्या योगिता आहेर, शिवाजी गांगुर्डे यांचा समावेश आहे. प्रभागात भाजपच्या वतीने सुरेश पाटील, काँग्रेसमधून भाजपत दाखल झालेले शिवाजी गांगुर्डे, त्यांचे चिरंजीव विक्रम गांगुर्डे, मधुकर हिंगमिरे, उद्योजक धनंजय बेळे यांच्या पत्नी प्रेरणा बेळे, गणेश पालवे, रोहिणी नायडू, हेमंत धात्रक, गणेश कांबळे हे इच्छुक आहेत. काँग्रेसमधून माजी नगरसेविका ममता पाटील, डॉ. हेमलता पाटील, नगरसेविका योगिता आहेर, माजी शहराध्यक्ष शैलेश कुटे, उत्तम कांबळे यांचे चिरंजीव समीर कांबळे, वर्षा तेजाळे इच्छुक आहेत. राष्ट्रवादी काँग्रेसचे शहराध्यक्ष रंजन ठाकरे आणि त्यांच्या मातोश्री छाया ठाकरे या प्रभागातून उमेदवारी करणार आहेत. शिवसेनेकडून विनोद लोणसे, रवी जाधव, मधुकर देवरे, संजय वाघमारे, नीता योगेश चव्हाणके यांनी प्रचार सुरू केला आहे. मनसेच्या सुजाता डेरे, सुनीता मोटकरी या उमेदवारीसाठी इच्छुक आहेत. शिवसेनेला मात्र या प्रभागात मातब्बर उमेदवाराचा शोध आहे. राष्ट्रवादी आणि मनसे यांनाही या प्रभागात प्रबळ उमेदवारीसाठी प्रतीक्षा आहे. इच्छुकांपैकी कुणाला तिकीट मिळते आणि कोण प्रबळ उमेदवार होतो, यावर या प्रभागातील गणिते अवलंबून आहेत.
प्रभाग १३
समस्या-विकास हे मुद्दे महत्त्वाचे
तेली गल्ली, नेहरू गार्डन, पंचशीलनगर, बुधवार पेठ, बडी दर्गा, कुंभारवाडा, काझी गढी, पठाणपुरा अशा पसरलेल्या या प्रभागाची लोकसंख्या ५२ हजार ५६५ आहे. त्यात अनुसूचित जातीच्या ३८३४ आणि अनुसूचित जमातीच्या २२१३ लोकसंख्येचा समावेश आहे. शहरातील सर्वाधिक म्हणजे ४५ हजार ३८१ मतदार या प्रभागात आहेत. प्रभागातील दोन जागा महिलांसाठी राखीव आहेत. त्यात नागरिकांचा मागास प्रवर्ग महिला आणि सर्वसाधारण महिला यांचा समावेश आहे. अन्य दोन जागा नागरिकांचा मागास प्रवर्ग आणि सर्वसाधारण यासाठी राखीव आहेत. या प्रभागात इच्छुकांची संख्या मोठी आहे. भारतीय जनता पक्षाच्या वतीने हरिभाऊ लोणारी, तसेच विजया लोणारी, माजी नगरसेवक विजय साने यांच्यासह त्यांचे चिरंजीव अजिंक्य साने, पुरोहित संघाचे अध्यक्ष सतीश शुक्ल, मनसेतून भाजपत आलेल्या माधुरी जाधव हे इच्छुक आहेत. शिवसेनेच्या वतीने माजी महापौर विनायक पांडे, मनसेतून सेनेत दाखल झालेले माजी महापौर अॅड. यतीन वाघ, विनायक खैरे यांनी प्रचार सुरू केला आहे. राष्ट्रवादी काँग्रेसच्या वतीने माजी शहराध्यक्ष गजानन शेलार, तसेच रंजना पवार इच्छुक आहेत. काँग्रेसच्या वतीने नगरसेविका वत्सला खैरे, नगरसेवक शाहू खैरे, बबलू खैरे हे संभाव्य उमेदवार आहेत. मनसेच्या वतीने सुरेखा भोसले यांचे नाव आहे. शिक्षण समिती सभापती संजय चव्हाण यांच्यासह त्यांच्या कन्या डॉ. स्नेहल चव्हाण यासुद्धा इच्छुक आहेत. सध्या तरी ते चिन्हाविनाच प्रचार करीत आहेत. त्यामुळे ते कुठल्या पक्षातून इच्छुक आहेत किंवा जाणार आहेत, याची प्रभागात चर्चा आहे. पूर्व भागातील मोठा परिसर यात जोडला गेल्याने या प्रभागात चुरस मोठी आहे. भद्रकाली आणि जुन्या नाशिकचा भाग, तेथील समस्या आणि विकासाची प्रतीक्षा हे मुद्दे या प्रभागात महत्त्वाचे ठरणार आहेत.
प्रभाग १४
पुनर्विकासाचा प्रश्न केंद्रस्थानी
गंजमाळ, चौक मंडई, काझीपुरा, भोईवाडा, नानावली, नागसेनवाडी, गुरुद्वारा परिसर आणि फाळके रोड अशा विस्तारलेल्या या प्रभागाची लोकसंख्या ५१ हजार ६१८ आहे. त्यात अनुसूचित जातीच्या ७१०४ आणि अनुसूचित जमातीच्या २०३९ लोकसंख्येचा समावेश आहे. या प्रभागात एकूण ३९ हजार ८०१ मतदार आहेत. प्रभागात अनुसूचित जाती महिला, नागरिकांचा मागास प्रवर्ग महिला आणि दोन जागा सर्वसाधारण गटासाठी राखीव आहेत. यात जुन्या नाशिकचा प्रामुख्याने समावेश आहे. या भागातील मुस्लिम मतदान निर्णायक ठरणार आहे. तसेच, पक्षांना मुस्लिम चेहरा उमेदवारीसाठी निवडावा लागणार आहे. या प्रभागात विद्यमान नगरसेवकांमध्ये सूफी जीन, विनायक खैरे, शबाना पठाण, निजाम कोकणी यांचा समावेश आहे. राष्ट्रवादी काँग्रेसच्या वतीने संजय साबळे, सूफी जीन, निजाम कोकणी, विनायक खैरे इच्छुक आहेत. शहर विकास आघाडी स्थापन करून नशीब आजमावणारे मुशीर सय्यद यंदाही इच्छुक आहेत. मात्र, ते अपक्ष लढतात की कुठल्या पक्षात प्रवेश करतात, हा मुद्दा महत्त्वाचा आहे. मनसेच्या वतीने शरद काळे, तर काँग्रेसच्या वतीने शबाना पठाण यांनी प्रचार सुरू केला आहे. शिवसेना आणि भाजप या दोन्ही पक्षांना या ठिकाणी चांगल्या उमेदवारांचा शोध आहे. दुबई वॉर्ड अशी ख्याती असलेला परिसर या प्रभागात येतो. स्मार्ट सिटीच्या प्रकल्पात या भागाचा पुनर्विकासासाठी समावेश करण्यात आल्याने ती बाब प्रचाराचा केंद्रबिंदू राहण्याची शक्यता आहे.