कॅनडा कॉर्नर (इम्पॅक्ट लोगो)
महापालिकेने घेतली दखल
कॅनडा कॉर्नर येथील पाटील प्लाझा परिसरातील ड्रेनेज धोकादायक झाले होते. ही समस्या मटा सिटिझन रिपोर्टर अॅपद्वारे मांडली. ती 'मटा'त प्रसिद्ध होताच महापालिकेने तातडीने दखल घेऊन येथील ढापा बदलला. त्याबद्दल 'मटा' व महापालिका या दोघांचेही आभार!
-प्रकाश भदाणे
--
शहर परिसर
छोट्या नोटांची टंचाई
बहुसंख्य नागरिकांना सध्या दिवाळीची खरेदी करायची आहे. पण, शहरातील बहुतांश एटीएममध्ये १०० रुपयांच्या नोटाच मिळत नाहीत. त्यामुळे मोठी अडचण होत आहे. दोन हजारांची नोट असली, तर सुटेच मिळत नाहीत. छोट्या नोटांच टंचाई दूर करावी.
-रश्मी शेट्ये
--
शहर परिसर
एसटीची भाडेवाढ नको
दिवाळीत जवळपास प्रत्येक जणच गावाला जातो. हक्काचे साधन म्हणून बहुसंख्य नागरिकांकडून एसटीलाच प्रथम प्राधान्य दिले जाते. त्यामुळे एसटीने दिवाळीत भाडेवाढ करायला नको. असे केल्याने इतर वाहनांचेही प्रवासीभाडे वाढते. त्यांची झळ नागरिकांना बसते.
-राजेंद्र खुटे
--
कॉलेजरोड
सोसायट्यांमध्ये प्रबोधन
कॉलेजरोड परिसरातील येवलेकर मळ्यातील रचित सोसायटीत जिन्यामध्ये असा प्रबोधन करणारा फलक लावला आहे. त्यामुळे अनेकांचे प्रबोधन होताना दिसून येत आहे. हा उपक्रम इतरांनादेखील अनुकरणीय ठरणारा आहे. इतरांनीही याबाबत विचार करायला हवा.
-प्रकाश गानू
--
दीपालीनगर
वारंवार ड्रेनेज चोकअप
दीपालीनगरमध्ये ड्रेनेज सतत चोकअप होत आहे. त्यामुळे परिसरात दुर्गंधी पसरत असून, नागरिकांच्या आरोग्याचाही प्रश्न निर्माण झाला आहे. महापालिकेने याकडे दुर्लक्ष करू नये. यापूर्वीदेखील या परिसरात अशी समस्या उद्भवली होती. मात्र, जुजबी कामाने ती पुन्हा उद्भवत आहे.
-ओंकार जगळे
--
शहर परिसर
कोंडीवर काढावा तोडगा
सणासुदीत शहरातील मुख्य बाजारपेठेत हमखास वाहतूक कोंडी होते. त्यामुळे नागरिकाचे इंधन, वेळ आणि पैसा यांचा अपव्यय होतो. त्याचप्रमाणे त्यामुळे निर्माण होणारे प्रदूषणही डोकेदुखी निर्माण करणारे ठरते. यावर कायमस्वरुपी तोडगा काढण्यात यावा.
-सतीश सूर्यवंशी