प्रशांत धिवंदे, देवळाली कॅम्प
कॅन्टोन्मेंट बोर्डातर्फे हौसनरोड व आनंदरोडसह आठवडेबाजारातील जुने शौचालय पाडण्याबाबत चौथ्यांदा निविदा प्रसिद्ध करण्यात आली आहे. मात्र, ठेकेदारांचा प्रतिसादच मिळत नसल्याने बोर्डाचा खर्च वाया जात असून, याबाबत प्रशासनाने गांभीर्याने विचार करून टेंडर रकमेत बदल करणे अनिवार्य झाले आहे किंवा वरिष्ठ कार्यालयाशी चर्चा करून यातून उपाय शोधणे अत्यंत गरजेचे बनले आहे.
कॅन्टोन्मेंट बोर्डाने वॉर्ड क्रमांक ३ मधील हौसनरोडवरील प्राथमिक मुलींची शाळा तोडून मटेरिअलसह घेऊन जाण्यासाठी कमीत कमी रक्कम ८ लाख ९० हजार रुपयांची निविदा प्रसिद्ध केली. याच वॉर्डातील आठवडेबाजारातील जुने सार्वजनिक शौचालय पाडून मटेरिअलसह घेऊन जाण्यासाठी १ लाख १७ हजार रुपयांची, तर वॉर्ड १ मधील आनंदरोडवरील प्राथमिक मुलांची शाळा पाडून मटेरिअलसह घेऊन जाण्यासाठी २१ लाख ८० हजार रुपयांचा निविदा प्रसिद्ध केली. सदर शाळा पाडणे व मटेरिअल घेऊन जाणे यासाठी बोर्डात मंजुरी देताना तांत्रिकदृष्ट्या पाहणी करून त्याचा अहवाल सादर करण्यात आला. बोर्डाचे सदस्य व गॅरिसन इंजिनीअर यांच्या सल्ल्यानंतर रकमेबाबतचा ठराव करण्यात आला. त्यानुसार आतापर्यंत चार वेळा जाहीर निविदा प्रसिद्धीस देत करून ऑनलाइन पद्धतीने टेंडर मागवूनदेखील किंमत जास्त असल्याच्या कारणास्तव कुणीही निविदा भरण्यास पुढे आलेले नाही. गेल्या दोन वर्षांपासून धूळ खात पडलेल्या आनंदरोडवरील शाळेतील इमारतीमधील सागवानी दरवाजे, खिडक्या, लोखंडाचे साहित्य यांची चोरी होण्याचे प्रमाण वाढले आहे. त्यामुळे असे काम करणारे कंत्राटदार हे काम घेण्यास पुढे येत नसल्याचे बोलले जात असून, बोर्डाचे हे काम कित्येक महिन्यांपासून लालफितीत अडकले आहे.
ही कामे रखडली
आनंदरोड मैदानावरील शाळेच्या जागेवर क्रीडा संकुल उभारण्यात येणार आहे, तर हौसनरोडवरील शाळेच्या जागी व्यापारी संकुलात ९० गाळे व सामाजिक सभागृह उभारले जाणार आहे. आठवडेबाजारात नवीन शौचालय उभारण्यात येणार आहे. मात्र, जुन्या इमारतीची पाडण्याची प्रक्रिया रेंगाळल्यामुळे वरील तीनही ठिकाणी होणारी विकासकामे खोळंबली आहेत.
---
निविदा प्रक्रिया पूर्ण करण्यासाठी तीन निविदा येणे आवश्यक असते. आतापर्यंत एकत्रित तीन निविदा न आल्याने वारंवार निविदा प्रसिद्धीस द्यावी लागत आहे.
- उमेश गोरवाडकर, कार्यालय अधीक्षक, कॅन्टोन्मेंट बोर्ड
कॅन्टोन्मेंट बोर्डातर्फे हौसनरोड व आनंदरोडसह आठवडेबाजारातील जुने शौचालय पाडण्याबाबत चौथ्यांदा निविदा प्रसिद्ध करण्यात आली आहे. मात्र, ठेकेदारांचा प्रतिसादच मिळत नसल्याने बोर्डाचा खर्च वाया जात असून, याबाबत प्रशासनाने गांभीर्याने विचार करून टेंडर रकमेत बदल करणे अनिवार्य झाले आहे किंवा वरिष्ठ कार्यालयाशी चर्चा करून यातून उपाय शोधणे अत्यंत गरजेचे बनले आहे.
कॅन्टोन्मेंट बोर्डाने वॉर्ड क्रमांक ३ मधील हौसनरोडवरील प्राथमिक मुलींची शाळा तोडून मटेरिअलसह घेऊन जाण्यासाठी कमीत कमी रक्कम ८ लाख ९० हजार रुपयांची निविदा प्रसिद्ध केली. याच वॉर्डातील आठवडेबाजारातील जुने सार्वजनिक शौचालय पाडून मटेरिअलसह घेऊन जाण्यासाठी १ लाख १७ हजार रुपयांची, तर वॉर्ड १ मधील आनंदरोडवरील प्राथमिक मुलांची शाळा पाडून मटेरिअलसह घेऊन जाण्यासाठी २१ लाख ८० हजार रुपयांचा निविदा प्रसिद्ध केली. सदर शाळा पाडणे व मटेरिअल घेऊन जाणे यासाठी बोर्डात मंजुरी देताना तांत्रिकदृष्ट्या पाहणी करून त्याचा अहवाल सादर करण्यात आला. बोर्डाचे सदस्य व गॅरिसन इंजिनीअर यांच्या सल्ल्यानंतर रकमेबाबतचा ठराव करण्यात आला. त्यानुसार आतापर्यंत चार वेळा जाहीर निविदा प्रसिद्धीस देत करून ऑनलाइन पद्धतीने टेंडर मागवूनदेखील किंमत जास्त असल्याच्या कारणास्तव कुणीही निविदा भरण्यास पुढे आलेले नाही. गेल्या दोन वर्षांपासून धूळ खात पडलेल्या आनंदरोडवरील शाळेतील इमारतीमधील सागवानी दरवाजे, खिडक्या, लोखंडाचे साहित्य यांची चोरी होण्याचे प्रमाण वाढले आहे. त्यामुळे असे काम करणारे कंत्राटदार हे काम घेण्यास पुढे येत नसल्याचे बोलले जात असून, बोर्डाचे हे काम कित्येक महिन्यांपासून लालफितीत अडकले आहे.
ही कामे रखडली
आनंदरोड मैदानावरील शाळेच्या जागेवर क्रीडा संकुल उभारण्यात येणार आहे, तर हौसनरोडवरील शाळेच्या जागी व्यापारी संकुलात ९० गाळे व सामाजिक सभागृह उभारले जाणार आहे. आठवडेबाजारात नवीन शौचालय उभारण्यात येणार आहे. मात्र, जुन्या इमारतीची पाडण्याची प्रक्रिया रेंगाळल्यामुळे वरील तीनही ठिकाणी होणारी विकासकामे खोळंबली आहेत.
---
निविदा प्रक्रिया पूर्ण करण्यासाठी तीन निविदा येणे आवश्यक असते. आतापर्यंत एकत्रित तीन निविदा न आल्याने वारंवार निविदा प्रसिद्धीस द्यावी लागत आहे.
- उमेश गोरवाडकर, कार्यालय अधीक्षक, कॅन्टोन्मेंट बोर्ड