म. टा. खास प्रतिनिधी, नाशिक
नोटाबंदीनंतर पेट्रोलपंपावर २५ टक्क्यांहून अधिक विक्री वाढल्यामुळे प्राप्तिकर विभागाने पेट्रोल पंप चालकांना नोटिसा पाठवून त्यांच्याकडून माहिती मागितली आहे. त्यामुळे पेट्रोलपंप चालकांमध्ये खळबळ उडाली आहे. काळा पैसा पांढरा केल्याचा या खात्याला संशय असून, त्यामुळे देशभरातील काही पेट्रोल पंपांवर छापे टाकण्यात आले आहेत.
पेट्रोलपंप मालकांनी बँक खात्यांमध्ये किती पैसा जमा केला आणि किती विक्री केली, विक्री रक्कम आणि बँकेत जमा केलेली रक्कम हा सर्व हिशोब आता प्राप्तिकर विभाग तपासणार आहे. प्राप्तिकर विभागाच्या यावर पेट्रोलपंप मालकांनी तीव्र नाराजी व्यक्त केली असून, या काळात जास्त विक्री झाली असली तरी त्याचा हिशोब आमच्याकडे असतो असे सांगत कंपनीकडून आलेला माल व त्यानंतर तो विक्री झालेला माल याचे मिटर रीडिंग असते. त्यामुळे कंपनीव्यतिरिक्त असे कोणतेही जास्तीचे व्यवहार आम्हाला करता येत नाहीत. त्यामुळे या नोटिसा केवळ त्रास देण्याचा प्रकार असल्याचे पंपचालकांचे म्हणणे आहे. प्राप्तिकर विभागाला नोटाबंदीदरम्यान पेट्रोल पंपांकडून विक्री रकमेपेक्षा १५ टक्के रक्कम अधिक बँकेत जमा केल्याचाही संशय आहे. त्यामुळे जमा केलेल्या पैशांची जर योग्य माहिती नाही देता आली तर त्या पेट्रोलपंप मालकावर कारवाई होण्याची शक्यता आहे.
नोटाबंदीनंतर पेट्रोलपंपावर २५ टक्क्यांहून अधिक विक्री वाढल्यामुळे प्राप्तिकर विभागाने पेट्रोल पंप चालकांना नोटिसा पाठवून त्यांच्याकडून माहिती मागितली आहे. त्यामुळे पेट्रोलपंप चालकांमध्ये खळबळ उडाली आहे. काळा पैसा पांढरा केल्याचा या खात्याला संशय असून, त्यामुळे देशभरातील काही पेट्रोल पंपांवर छापे टाकण्यात आले आहेत.
पेट्रोलपंप मालकांनी बँक खात्यांमध्ये किती पैसा जमा केला आणि किती विक्री केली, विक्री रक्कम आणि बँकेत जमा केलेली रक्कम हा सर्व हिशोब आता प्राप्तिकर विभाग तपासणार आहे. प्राप्तिकर विभागाच्या यावर पेट्रोलपंप मालकांनी तीव्र नाराजी व्यक्त केली असून, या काळात जास्त विक्री झाली असली तरी त्याचा हिशोब आमच्याकडे असतो असे सांगत कंपनीकडून आलेला माल व त्यानंतर तो विक्री झालेला माल याचे मिटर रीडिंग असते. त्यामुळे कंपनीव्यतिरिक्त असे कोणतेही जास्तीचे व्यवहार आम्हाला करता येत नाहीत. त्यामुळे या नोटिसा केवळ त्रास देण्याचा प्रकार असल्याचे पंपचालकांचे म्हणणे आहे. प्राप्तिकर विभागाला नोटाबंदीदरम्यान पेट्रोल पंपांकडून विक्री रकमेपेक्षा १५ टक्के रक्कम अधिक बँकेत जमा केल्याचाही संशय आहे. त्यामुळे जमा केलेल्या पैशांची जर योग्य माहिती नाही देता आली तर त्या पेट्रोलपंप मालकावर कारवाई होण्याची शक्यता आहे.