नूतन विद्यालयाचे विभाजन कधी?

म. टा. वृत्तसेवा, त्र्यंबकेश्वर

त्र्यंबकेश्वर तालुक्यात इयत्ता बारावीच्या परीक्षेचे नूतन त्र्यंबक विद्यालय हे एकमेव केंद्र असल्याने विद्यार्थ्यांची गैरसोय टाळण्यासाठी केंद्राचे विभाजन करण्यात यावे, अशी मागणी विद्यार्थ्यांसह पालकांकडून होत आहे.

त्र्यंबकेश्वर तालुक्यात नूतन त्र्यंबक ज्युनिअर कॉलेज, कला, विज्ञान व वाणिज्य महाविद्यालय ञ्यंबकेश्वर, ब्रम्हाव्हॅली पब्लिक स्कूल अंजनेरी, कर्मवीर भाऊसाहेब हिरे महाविद्यालय हरसूल, कला विज्ञान महाविद्यालय हरसूल, शासकिय आश्रमशाळा बोरीपाडा, गजानन महाराज उच्च माध्यमिक विद्यालय आव्हाटे, गाडगे महाराज माध्य व उच्च माध्य., आश्रमशाळा मुलवड, भारतरत्न डॉ. बाबासाहेब आंबेडकर आश्रमशाळा खरशेत, आर्किड इंटरनॅशनल स्कूल अशी दहा कनिष्ठ महाविद्यालय आहेत. या सर्व महाविद्यालयांमध्ये दीड हजारांपेक्षा अधिक विद्यार्थी फेब्रुवारी ते मार्च २०१७ दरम्यान झालेल्या बारावीच्या परीक्षेस बसले होते. यावर्षी पटसंख्येत झालेल्या वाढीनुसार ही विद्यार्थी संख्या १ हजार ८०० च्या दरम्यान असेल, असा अंदाज व्यक्त होत आहे.

त्र्यंबकेश्वर येथील नूतन त्र्यंबक विद्यालय हे बारावीसाठी केंद्र क्रमांक ०११६ हे केंद्र मार्च १९९७ पासून देण्यात आला आहे. या विस वर्षांत कनिष्ठ महाविद्यालयांची संख्या आणि पर्यायाने विद्यार्थ्यांची संख्या दिवसोंदिवस वाढत आहे.