ऑनलाइन निकालासाठी क्लाऊड टेक्नोलॉजी

म. टा. प्रतिनिधी, नाशिक वृत्तपत्रांमधून दहावीचा निकाल जाहीर होण्याचे सुरस किस्से नव्या पिढ्या पालकांकडून केवळ ऐकून आहेत. मात्र, आधुनिक तंत्रामुळे निकालासारख्या उत्सुकता वाढविणाऱ्या बाबींचे सोपे बनलेले कम्युनिकेशनही पालकांना आश्चर्याचा सुखद धक्का देते आहे. दहावीचा ऑनलाइन निकाल बघण्यासाठी एमकेसीएलच्या वतीने प्रगत देशात वापरली जाणारी अॅमेझॉनच्या क्लाउड टेक्नोलॉजी उपयोगात आणली अन् जिल्हाभरातील सुमारे ९० हजार परीक्षार्थींनी लॉग केल्यापासून अवघ्या सव्वा सेकंदात निकाल बघितला.

जपान, ऑस्ट्रेलिया या देशांसह अमेरिकेसारख्या प्रगत व टेक्नॉसॅव्ही राष्ट्रांमध्ये अॅमेझॉन क्लाऊड टेक्नोलॉजी वापरली जाते. या तंत्रज्ञानाच्या सहाय्याने निकालासारख्या प्रसंगी वेबसाईटला भेट देणाऱ्या मास व्हीजीटर्सना समाधानकारक सेवा पुरविण्यात येते. दहावीचा ऑनलाईन निकाल http://result.mkcl.org या संकेतस्थळावर सोमवारी जाहीर करण्यात आला.

निकालपूर्वी सुमारे ५० हजार लोक या साइटवर रिझल्ट जाहीर होण्याची वाट पाहत होते. रिझल्ट जाहीर होताच म्हणजे १ वाजताच ही संख्या काही क्षणात ही संख्या १ लाख २८ हजारावर पोहोचली. सीट क्रमांक व आईचे नाव टाकल्यानंतर अवघ्या १.२५ सेकंदात विद्यार्थ्यांनी निकाल पाहिला. पहिल्या ३ मिनिटात सुमारे ३ लाख ७५ हजार वेळा निकाल पाहिला गेला. १२ व्या

मिनिटाला ही संख्या वाढून १२ लाख ५० हजार होती. यासाठी टोकियो, अमेरिका आणि ऑस्ट्रेलिया येथे असलेल्या अॅमेझॉनच्या क्लाऊड टेक्नोलॉजीचा वापर केला गेला. त्यात ५ क्लाऊड सर्व्हर्स वापरले गेले. या प्रत्येक सर्व्हरमध्ये ३२ कोअरचा सीपीयू आणि ६० जीबी रॅम होती. हा प्रत्येक सर्व्हर प्रती सेकंद १० जीबी बँडविड्थ साठी सज्ज होता. परंतु, १ ते १.३० च्या दरम्यान फक्त ३.७ जीबी बँडविड्थ वापरली गेली. प्रणाली अचूक असल्यामुळे इतकं ट्रॅफिक असूनही सीपीयू फक्त २ टक्के कार्यरत होता. ३ वाजेपर्यंत (पहिल्या २ तासात) ६५ लाख वेळा निकाल पाहिला गेला.

२० देशांमधून निकालाची नोंद जगभरातील २० देशातून रिझल्ट पहिल्याची नोंद झाली त्यात भारत ८८ टक्के, अमेरिका ८ टक्के व इतर देशातून ४ टक्के निकाल पहिला. आतापर्यंत ६२ टक्के लोकांनी मोबाइलवर निकाल पहिला गेल्याची माहिती ‘एमकेसीएल’चे नाशिक विभाग प्रमुख सुभाष पाटील यांनी ही माहिती दिली. या माहितीसाठी गुगल अॅनालिटिक्सचे संदर्भ वापरले असल्याचेही त्यांनी ‘मटा’ला सांगितले.