स्मार्ट सिटीत ऑप्टिकल फायबरचे नेटवर्क

का या नेटवर्कवर सध्या काम करत आहे. तीन मह‌िन्यांपूर्वीच माहिती व तंत्रज्ञान विभागाचे सचिव विजय गौतम यांनी महापालिकेला भेट देऊन पालिकेच्या सेवांची माहिती घेतली होती. त्यात स्मार्ट सिटीत पालिकेने स्वतःचे ऑप्ट‌िकल फायबर नेटवर्क उभे करावे, असा प्रस्ताव त्यांनी दिला होता. त्यासाठी अर्थसहाय्य देण्याची तयारीही दर्शवली होती. त्यामुळे पालिकेने या प्रस्तावावर काम सुरू केले आहे. शहरात मोठे नेटवर्क उभारले जाणार असून, त्यावर भरपूर खर्च येणार आहे. परंतु, रस्त्यांच्या वारंवार रस्त्याच्या डागडुजीवर खर्च करण्यापेक्षा नेटवर्कचा खर्च परवडेल, यासंबंधीचा प्रस्ताव पालिकेच्या माहिती व तंत्रज्ञान विभागाकडून केला जात आहे. हा प्रस्ताव महासभेवर ठेवून त्याला मंजुरी मिळाल्यास कामाला तातडीने सुरुवात होणार आहे. सेवांची माहिती घेतल्यानंतर निर्णय घेण्यात आला आहे.

दीड वर्षात होणार काम

स्मार्ट सिटीच्या निवडीनंतर पालिकेतील माहिती व तंत्रज्ञान विभागाचे विस्तारीकरण केले जाणार आहे. या विभागासाठी स्वतंत्र आयटी क्षेत्रातील तज्ञांची नेमणूक केली जाणार आहे. या कामासाठी दीड वर्षाची डेडलाइन निश्चित करण्यात आली आहे. खासगी कंपनीच्या वतीने हे नेटवर्क उभारले जाणार असून, इतर कंपन्यांनाही त्यातून सुविधा दिली जाणार आहे. त्यामुळे पालिकेला त्यासाठी येणारा खर्चही कमी होणार आहे.