म. टा. वृत्तसेवा, सिडको
अवैधरित्या शस्त्र बाळगल्याप्रकरणी चौघा जणांना अंबड पोलिसांनी अटक केली होती. अधिक चौकशी केली असता या युवकांनी सिडकोतील विविध ठिकाणी चोऱ्या केल्याची कबुली दिली असून, त्यांच्याकडून पोलिसांनी सुमारे पंधरा लाखांचा मुद्देमाल हस्तगत केला आहे. त्याचबरोबर एका अल्पवयीन मुलीला फूस लावून पळवून नेल्याप्रकरणी देखील गुन्हा दाखल करण्यात आला आहे.
माऊली लॉन्स येथील परिसरात टोळकी उभी असून, त्यांच्या कमरेला बंदुकीसारखे शस्त्र लावले असल्याची माहिती मिळाल्यानंतर अंबड पोलिसांनी सापळा रचून त्यांना चौकशीसाठी ताब्यात घेतले होते. पोलिसांनी यावेळी राजेश्वर रभा उर्फ एम. के. राजू (वय २९, फडोळ मळा, डीजीपी नगर), चंदन उर्फ दीपक ब्रह्मदेव दुबे (वय २१, महालक्ष्मी नगर, अंबड), अभिषेख उद्धव विश्वकर्मा (वय १९, स्वामी नगर, अंबड), प्रदीप केवट मंत्री उर्फ बाबा (वय २९, कारगिल चौक, दत्तनगर, अंबड) यांना चौकशी करीत ताब्यात घेतले.
या संशयितांकडून अंबड पोलिस ठाण्याच्या हद्दीतून दोन घरफोड्या व एकूण पाच दुचाकी चोरल्याची माहिती पोलिसांना दिली. या चोरीतील सर्व सामान प्रदीप मंत्री याच्या घरात ठेवण्यात आला असल्याचे पोलिसांनी सांगितले. सर्वांकडून एकूण नऊ गुन्हे उघडकीस आले असून, यातील अभिषेख विश्वकर्मा याने एका अल्पवयीन मुलीस फूस लावून पळवून नेले होते. या प्रकरणी त्यावर गुन्हा दाखल करण्यात आला आहे. या सर्व चोऱ्यांचा मास्टर माईंड अभिषेख विश्वकर्मा हा असल्याची माहिती पत्रकार परिषदेत उपयुक्त श्रीकांत धिवरे यांनी सांगितले. त्यांच्याकडे सापडलेली बंदूक बिहारमधून खरेदी केल्याचे समोर आले आहे.
ही कारवाई अंबड पोलिस ठाण्याचे वरिष्ठ पोलिस निरीक्षक मधुकर कड, अनिल पवार, गुन्हे शोध पथकाचे पोलिस उपनिरीक्षक रवींद्र सहारे, तुषार चव्हाण, दत्तात्रय विसा, शंकर काळे, धनंजय दोभाडे, चंद्रकांत गवळी, रावजी मगर, कैलास बच्छाव आदींनी केली. या गुन्ह्यांमध्ये सहभागी असलेले सर्वजण महाविद्यालय शिक्षण घेत असल्याचेही पोलीसांनी सांगितले आहे.
कार, लॅपटॉप आढळले
बंदूक, दोन जिवंत काडतुसे, दोन मोटरसायकल असा ऐवज मिळून आल्यानंतर त्यांची चौकशी सुरू असताना त्यांनी सिडको परिसरातून विविध ठिकाणाहून १३ नामांकित कंपनीचे एलसीडी, पाच लॅपटॉप, पाच मोबाइल, पाच दुचाकी व एक होंडा सिटी चारचाकी वाहन, कॅमेरा, तर म्युझिक सिस्टम असा सुमारे पंधरा लाख रुपयांचा मुद्देमाल हस्तगत केला आहे.
अवैधरित्या शस्त्र बाळगल्याप्रकरणी चौघा जणांना अंबड पोलिसांनी अटक केली होती. अधिक चौकशी केली असता या युवकांनी सिडकोतील विविध ठिकाणी चोऱ्या केल्याची कबुली दिली असून, त्यांच्याकडून पोलिसांनी सुमारे पंधरा लाखांचा मुद्देमाल हस्तगत केला आहे. त्याचबरोबर एका अल्पवयीन मुलीला फूस लावून पळवून नेल्याप्रकरणी देखील गुन्हा दाखल करण्यात आला आहे.
माऊली लॉन्स येथील परिसरात टोळकी उभी असून, त्यांच्या कमरेला बंदुकीसारखे शस्त्र लावले असल्याची माहिती मिळाल्यानंतर अंबड पोलिसांनी सापळा रचून त्यांना चौकशीसाठी ताब्यात घेतले होते. पोलिसांनी यावेळी राजेश्वर रभा उर्फ एम. के. राजू (वय २९, फडोळ मळा, डीजीपी नगर), चंदन उर्फ दीपक ब्रह्मदेव दुबे (वय २१, महालक्ष्मी नगर, अंबड), अभिषेख उद्धव विश्वकर्मा (वय १९, स्वामी नगर, अंबड), प्रदीप केवट मंत्री उर्फ बाबा (वय २९, कारगिल चौक, दत्तनगर, अंबड) यांना चौकशी करीत ताब्यात घेतले.
या संशयितांकडून अंबड पोलिस ठाण्याच्या हद्दीतून दोन घरफोड्या व एकूण पाच दुचाकी चोरल्याची माहिती पोलिसांना दिली. या चोरीतील सर्व सामान प्रदीप मंत्री याच्या घरात ठेवण्यात आला असल्याचे पोलिसांनी सांगितले. सर्वांकडून एकूण नऊ गुन्हे उघडकीस आले असून, यातील अभिषेख विश्वकर्मा याने एका अल्पवयीन मुलीस फूस लावून पळवून नेले होते. या प्रकरणी त्यावर गुन्हा दाखल करण्यात आला आहे. या सर्व चोऱ्यांचा मास्टर माईंड अभिषेख विश्वकर्मा हा असल्याची माहिती पत्रकार परिषदेत उपयुक्त श्रीकांत धिवरे यांनी सांगितले. त्यांच्याकडे सापडलेली बंदूक बिहारमधून खरेदी केल्याचे समोर आले आहे.
ही कारवाई अंबड पोलिस ठाण्याचे वरिष्ठ पोलिस निरीक्षक मधुकर कड, अनिल पवार, गुन्हे शोध पथकाचे पोलिस उपनिरीक्षक रवींद्र सहारे, तुषार चव्हाण, दत्तात्रय विसा, शंकर काळे, धनंजय दोभाडे, चंद्रकांत गवळी, रावजी मगर, कैलास बच्छाव आदींनी केली. या गुन्ह्यांमध्ये सहभागी असलेले सर्वजण महाविद्यालय शिक्षण घेत असल्याचेही पोलीसांनी सांगितले आहे.
कार, लॅपटॉप आढळले
बंदूक, दोन जिवंत काडतुसे, दोन मोटरसायकल असा ऐवज मिळून आल्यानंतर त्यांची चौकशी सुरू असताना त्यांनी सिडको परिसरातून विविध ठिकाणाहून १३ नामांकित कंपनीचे एलसीडी, पाच लॅपटॉप, पाच मोबाइल, पाच दुचाकी व एक होंडा सिटी चारचाकी वाहन, कॅमेरा, तर म्युझिक सिस्टम असा सुमारे पंधरा लाख रुपयांचा मुद्देमाल हस्तगत केला आहे.