नाशिक : विद्यार्थ्यांना नोकरीच्या उत्तमोत्तम संधी मिळाव्यात, यासाठी संदीप फाउंडेशन संचलित एसआयटीआरसी कॉलेजमध्ये झालेल्या कॅम्पस इंटरव्ह्यूमध्ये भक्ती देसाईला १६.२ लाखांचे पॅकेज मिळाल्याची माहिती संदीप फाउंडेशनच्या महाविद्यालयातर्फे देण्यात आली. ती इलेक्ट्रॉनिक्स अँड टेलिकम्युनिकेशन विभागाची विद्यार्थिनी असून, तिच्यासह या विभागाच्या ५३ विद्यार्थ्यांना वेगवेगळ्या मल्टिनॅशनल कंपनीमध्ये कॅम्पस प्लेसमेंट मिळाली आहे. भक्तीला जपानच्या ओएस टेक्नॉलॉजीतर्फे हे पॅकेज मिळाले असून, प्लेसमेंट ड्राइव्हला सहभागी झालेल्या विद्यार्थ्यांमधून तीन विद्यार्थ्यांची निवड या कंपनीने केली आहे. भक्तीसोबतच विभागातील इतर विद्यार्थ्यांनाही टाटा कन्सल्टन्सी सर्व्हिसेस, इन्फोसिस, कॉग्निझेण्ट, केपीआयटी, अॅमेझॉन, आयमस पीपल, वेब्बीझ प्रायव्हेट लिमिटेड, धूत इलेक्ट्रॉनिक्स औरंगाबाद, इपिक रिसर्च इंदोर या कंपन्यांमध्ये संधी मिळाली आहे. टाटा कन्सल्टन्सी सर्व्हिसेस, इन्फोसिस, कॉग्निझेण्ट या कंपन्यांनी विद्यार्थ्यांना ३.५० लाखांचे पॅकेज दिले आहे. ट्रेनिंग- प्लेसमेंट विभागाचे समन्वयक प्रा. एम. डी. निकोसे यांनी ही माहिती दिली. संदीप फाउंडेशनचे अध्यक्ष डॉ. संदीपकुमार झा, प्राचार्य डॉ. संजय गंधे आणि विभागप्रमुख डॉ. गायत्री फडे यांनी विद्यार्थ्यांचा गौरव केला.
भक्ती देसाईला १६.२ लाखांचे पॅकेज
विद्यार्थ्यांना नोकरीच्या उत्तमोत्तम संधी मिळाव्यात, यासाठी संदीप फाउंडेशन संचलित एसआयटीआरसी कॉलेजमध्ये झालेल्या कॅम्पस इंटरव्ह्यूमध्ये भक्ती ...
महाराष्ट्र टाइम्स.कॉम 4 Jul 2019, 10:14 am