अ‍ॅपशहर

नगरसेवकांनी फिरवली पाठ

प्रभागातील कामांच्या मंजुरीसाठी आणि नागरिकांच्या तक्रारी अधिकाऱ्यांपर्यंत पोहचवून त्या सोडविण्यासाठी प्रभागात होणाऱ्या बैठकींना नगरसेवकांची उदासीनता असल्याचे प्रत्येक बैठकींच्या वेळी बघायला मिळते. पंचवटी प्रभाग समितीच्या सभेस २४ पैकी सात ते आठ नगरसेवकांची हजेरी असते. सभेसाठी अगोदर संपर्क साधलेला असतानाही सभेची वेळ झाल्यानंतरही वारंवार संपर्क साधून कोरम पूर्ण करण्यासाठी सभापतींची दमछाक होत असते. बुधवारी (दि. २६) पंचवटी प्रभाग समितीच्या सभेच्यावेळीही असेच चित्र दिसले.

Maharashtra Times 27 Oct 2016, 4:00 am
प्रभागात होणाऱ्या बैठकींना नगरसेवकांची उदासीनता
महाराष्ट्र टाइम्स.कॉम panchvati prabhag meeting no more than seven corporator present in meeting
नगरसेवकांनी फिरवली पाठ


म. टा. वृत्तसेवा, पंचवटी

प्रभागातील कामांच्या मंजुरीसाठी आणि नागरिकांच्या तक्रारी अधिकाऱ्यांपर्यंत पोहचवून त्या सोडविण्यासाठी प्रभागात होणाऱ्या बैठकींना नगरसेवकांची उदासीनता असल्याचे प्रत्येक बैठकींच्या वेळी बघायला मिळते. पंचवटी प्रभाग समितीच्या सभेस २४ पैकी सात ते आठ नगरसेवकांची हजेरी असते. सभेसाठी अगोदर संपर्क साधलेला असतानाही सभेची वेळ झाल्यानंतरही वारंवार संपर्क साधून कोरम पूर्ण करण्यासाठी सभापतींची दमछाक होत असते. बुधवारी (दि. २६) पंचवटी प्रभाग समितीच्या सभेच्यावेळीही असेच चित्र दिसले.

पाच लाख रुपयांपेक्षा कमी रक्कमेच्या कामांसाठी प्रभागात दर महिन्याला सभा घेतली जाते. या सभांना महापालिकेत मोठ्या पदावर विराजमान झालेले नगरसेवक कधी फिरकत नाहीत. आमदार, महापौर, स्थायी समिती सभापती यांचे या सभांकडे कायम दुर्लक्ष असते. पंचवटीतील २४ पैकी १५ ते १६ नगरसेवकांची गैरहजेरी असते. सभेस नगरसेवक आपले मुद्दे मांडण्याचा प्रयत्न करतात. ‘नगरसेवकांना दर पाच वर्षांनी नागरिकांच्या परीक्षेला तोंड द्यावे लागते. अधिकाऱ्यांच्या बाबतीतही अशी परीक्षा असायला हवी होती, मग अधिकाऱ्या कळले असते’, असा मुद्दा उद्धव निमसे यांनी मांडला. दिवाळी सणाच्या काळात पथदीपांची कामे पूर्ण करून परिसर प्रकाशमान करण्याची विनंती नगरसेवकांनी केली. ‘डासांच्या प्रादुर्भावामुळे डेंग्यूच्या रुग्णांची संख्या वाढत आहे.

अशा परिस्थितीत प्रतिबंधात्मक धुरळणी आणि फवारणीचे कामे होत नाहीत, दिखावूपणासाठी नगरसेवकांच्या घराभोवती फवारणीचे नाटक केले जाते हे बंद करा, नागरिकांच्या आरोग्याची काळजी घेऊन सर्व परिसरात फवारण्या व धुरळणी करा,’ असे मनीषा हेकरे यांनी सांगितले.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज