नवनिर्माणासाठी झाडांवर कुऱ्हाड?

मनसे अध्यक्ष राज ठाकरेंच्या संकल्पनेतून पांडव लेणीशेजारी असलेल्या ९३ हेक्टर वनजमीनीवर बोटॅनिकल गार्डन साकारण्यात येत आहे. टाटा फाऊंडेशन सीएसआर निधीतून हे बोटॅनिकल गार्डन विकसित केले जात असून त्याचे कामही सुरू आहे. परंतु, या गार्डनमध्ये पाथवे करण्यासाठी १७४ औषधी झाडे आडवी येत आहेत. त्यामुळे ही झाडे तोडण्याची मागणी टाटाने महापालिकेकडे केली आहे. महापालिकेने ही १७४ झाडे तोडण्यासाठी थेट वनविभागाकडे अर्ज केला आहे. पांडवलेणीतील झाडे तोडण्याचा वाद जिल्हाधिकारी कार्यालयात प्रलंबित असतांनाच संभाव्य वृक्षतोडीवरून नवा वाद निर्माण होण्याची शक्यता आहे.

सोलर सेन्सर बसविणार टाटातर्फे बोटॅनिकल गार्डनचे काम सुरू करण्यात आले असून गार्डनच्या सुरक्षेसाठी चार किलोमीटरचे सोलर फेन्सिंग बसविण्यात येणार आहे. या सोलर फेन्सिंगमुळे गार्डनमध्ये कोणी अनधिकृत प्रवेश केल्यास तत्काळ यंत्रणेला समजणार आहे.