पं. गोपिकृष्ण जयंती महोत्सवाचा समारोप
म. टा. प्रतिनिधी, नाशिक
लयबध्द पध्दतीने होणारी शरीराची हालचाल, तितकाच चपळाईने होणारा पदन्यास, क्षणार्धात बदलणारी भावमुद्रा अशी अगळीवेगळी अनुभूती बुधवारी नाशिककरांना पहायला मिळाली. निमित्त होते ‘कलरीपयाट्टू’ या नृत्य प्रकाराचे. पं. गोपिकृष्ण जयंती महोत्सवाच्या २३ व्या पुष्पाच्या तिसऱ्या दिवशी बंगळुरुच्या तेजसकुमार यांनी या नृत्य प्रकारात ‘आर्यसच्च’ ही सम्राट अशोक यांच्यावरची कथा सादर केली.
कार्यक्रमाची सुरुवात जेष्ठ नृत्यगुरू पं. शमा भाटे यांच्या हस्ते दीपप्रज्वलनाने झाली. यावेळी आशीर्वादपर भाषणात त्या म्हणाल्या, की नाशिककर रसिकांनी नृत्यावर सातत्याने प्रेम केले आहे. गेल्या पंचवीस वर्षांपासून रेखा नाडगौडा या सातत्याने हा उपक्रम राबवित असून, तो नक्कीच कौतुकास्पद आहे. यावेळी तेजसकुमार यांनी सम्राट अशोक यांच्या जीवनावरील कथा नृत्याद्वारे सादर केली. सम्राट अशोक यांच्या जन्मापासून ते अध्यात्मिक वाटचालीचा लेखाजोखा त्यांनी यात सादर केला. पाली भाषेतील चार सत्य दुःख, समुदास, निरोदा, मग्गा याचे वर्णन या नृत्यात करण्यात आले. त्यांच्या नृत्यशैलीत समकालीन नृत्यशैलीचादेखील समावेश होता. समकालीन आणि कलरीपयाट्टू या दोघांचे मिश्रण त्यांच्या सादरीकरणात होते. या नृत्याची कोरियोग्राफी मधुनटराज किरण, जनार्दन राज अर्स, जस्टीन जेकब यांची होती. वेषभूषा मोनिका पोरवाल, साहित्य किवीकुमार, आदित्य नाग शेट्टी, नंदीनी मंजुनाथ यांचे होते. नृत्याचे गुरू रंजन मुलारट हे होते, तर मार्गदर्शन इंदुपार्थसारथी यांचे होते.
बकासुराचा वध पारंपरिक शैलीतून
बकावदम हा कथकलीतील नृत्यप्रकार सादर करण्यात आला. यात बकासुराचा वध कशा प्रकारे केला ते पारंपरिक शैलीतून मांडण्यात आले. यात भीमाची भूमिका रेनजीश नायर यांनी केली, तर बकासुराची भूमिका नारायणन् नंबुद्री नेटुमपल्ली यांनी केली. हाकावदम हा प्रकार मुंबई कलाक्षेत्रम डोंबिवली यांच्यातर्फे सादर करण्यात आला. या नृत्याचे दिग्दर्शन श्री गोपालकृष्णन् नायर यांनी केले होते. या दोन्ही कार्यक्रमांनी पं. गोपिकृष्ण जयंती महोत्सवाची सांगता झाली. कार्यक्रमाचे सूत्रसंचालन डॉ. वैशाली बालाजीवाले यांनी केले.
म. टा. प्रतिनिधी, नाशिक
लयबध्द पध्दतीने होणारी शरीराची हालचाल, तितकाच चपळाईने होणारा पदन्यास, क्षणार्धात बदलणारी भावमुद्रा अशी अगळीवेगळी अनुभूती बुधवारी नाशिककरांना पहायला मिळाली. निमित्त होते ‘कलरीपयाट्टू’ या नृत्य प्रकाराचे. पं. गोपिकृष्ण जयंती महोत्सवाच्या २३ व्या पुष्पाच्या तिसऱ्या दिवशी बंगळुरुच्या तेजसकुमार यांनी या नृत्य प्रकारात ‘आर्यसच्च’ ही सम्राट अशोक यांच्यावरची कथा सादर केली.
कार्यक्रमाची सुरुवात जेष्ठ नृत्यगुरू पं. शमा भाटे यांच्या हस्ते दीपप्रज्वलनाने झाली. यावेळी आशीर्वादपर भाषणात त्या म्हणाल्या, की नाशिककर रसिकांनी नृत्यावर सातत्याने प्रेम केले आहे. गेल्या पंचवीस वर्षांपासून रेखा नाडगौडा या सातत्याने हा उपक्रम राबवित असून, तो नक्कीच कौतुकास्पद आहे. यावेळी तेजसकुमार यांनी सम्राट अशोक यांच्या जीवनावरील कथा नृत्याद्वारे सादर केली. सम्राट अशोक यांच्या जन्मापासून ते अध्यात्मिक वाटचालीचा लेखाजोखा त्यांनी यात सादर केला. पाली भाषेतील चार सत्य दुःख, समुदास, निरोदा, मग्गा याचे वर्णन या नृत्यात करण्यात आले. त्यांच्या नृत्यशैलीत समकालीन नृत्यशैलीचादेखील समावेश होता. समकालीन आणि कलरीपयाट्टू या दोघांचे मिश्रण त्यांच्या सादरीकरणात होते. या नृत्याची कोरियोग्राफी मधुनटराज किरण, जनार्दन राज अर्स, जस्टीन जेकब यांची होती. वेषभूषा मोनिका पोरवाल, साहित्य किवीकुमार, आदित्य नाग शेट्टी, नंदीनी मंजुनाथ यांचे होते. नृत्याचे गुरू रंजन मुलारट हे होते, तर मार्गदर्शन इंदुपार्थसारथी यांचे होते.
बकासुराचा वध पारंपरिक शैलीतून
बकावदम हा कथकलीतील नृत्यप्रकार सादर करण्यात आला. यात बकासुराचा वध कशा प्रकारे केला ते पारंपरिक शैलीतून मांडण्यात आले. यात भीमाची भूमिका रेनजीश नायर यांनी केली, तर बकासुराची भूमिका नारायणन् नंबुद्री नेटुमपल्ली यांनी केली. हाकावदम हा प्रकार मुंबई कलाक्षेत्रम डोंबिवली यांच्यातर्फे सादर करण्यात आला. या नृत्याचे दिग्दर्शन श्री गोपालकृष्णन् नायर यांनी केले होते. या दोन्ही कार्यक्रमांनी पं. गोपिकृष्ण जयंती महोत्सवाची सांगता झाली. कार्यक्रमाचे सूत्रसंचालन डॉ. वैशाली बालाजीवाले यांनी केले.