म. टा. वृत्तसेवा, नाशिकरोड
नाशिकरोड परिसरात खड्डे बुजविण्यासाठी महापालिकेने मोहीम राबवल्याचा दावा केला असला तरी अनेक प्रमुख ठिकाणी रस्त्यांवर जीवघेणे खड्डे कायम आहेत. त्यामुळे अपघाताची भीती व्यक्त होत आहे. यंदा पावसाळा जास्तच लांबला. जोरदार पावसामुळे नाशिकरोड, जेलरोड, उपनगर आदी भागांत रस्त्यांवर खड्डे पडले होते. आंबेडकर सिग्नलपुढील पोलिस उपायुक्त कार्यालयापुढे पाच फुटांचा खड्डा पडला होता. द्वारका ते बिटकोदरम्यान अनेक ठिकाणी खड्डे झाले होते. त्यातील बहुतांश बुजवून डांबरीकरण झाले असले तरी काही प्रमुख ठिकाणी खड्डे तसेच आहेत.
पुलाखाली खड्डा
नाशिकरोड उड्डाणपुलाखाली बिटको चौकातील वाहतूक बेटाभोवतीचे खड्डे बुजविलेले नाहीत. येथे वाहनचालक घसरून पडू शकतो. सिन्नर फाट्याकडे जाताना जो छोटा पूल सुरू होता. तेथेच मोठा खड्डा आहे. त्यामध्ये दुचाकीच नव्हे, तर चारचाकी आदळून अपघाताची भीती असल्याने नागरिकांनी त्यात फांद्या रोऊन धोक्याचा इशारा दिला आहे. बिटको कॉलेजशेजारील के. जे. मेहता शाळेकडे जाणाऱ्या भा. वि. जोशी मार्गाच्या कोपऱ्यावरच रस्ता खोदून अनेक दिवस झाले. मात्र, दुरुस्ती झालेली नाही. ओढ्याहून नांदूरनाक्यावर आल्यावर जेलरोडकडे वळताना असलेला खड्डा कायम आहे. उपनगरांमधील खड्डेही कायम आहेत.
नाशिकरोड परिसरात खड्डे बुजविण्यासाठी महापालिकेने मोहीम राबवल्याचा दावा केला असला तरी अनेक प्रमुख ठिकाणी रस्त्यांवर जीवघेणे खड्डे कायम आहेत. त्यामुळे अपघाताची भीती व्यक्त होत आहे. यंदा पावसाळा जास्तच लांबला. जोरदार पावसामुळे नाशिकरोड, जेलरोड, उपनगर आदी भागांत रस्त्यांवर खड्डे पडले होते. आंबेडकर सिग्नलपुढील पोलिस उपायुक्त कार्यालयापुढे पाच फुटांचा खड्डा पडला होता. द्वारका ते बिटकोदरम्यान अनेक ठिकाणी खड्डे झाले होते. त्यातील बहुतांश बुजवून डांबरीकरण झाले असले तरी काही प्रमुख ठिकाणी खड्डे तसेच आहेत.
पुलाखाली खड्डा
नाशिकरोड उड्डाणपुलाखाली बिटको चौकातील वाहतूक बेटाभोवतीचे खड्डे बुजविलेले नाहीत. येथे वाहनचालक घसरून पडू शकतो. सिन्नर फाट्याकडे जाताना जो छोटा पूल सुरू होता. तेथेच मोठा खड्डा आहे. त्यामध्ये दुचाकीच नव्हे, तर चारचाकी आदळून अपघाताची भीती असल्याने नागरिकांनी त्यात फांद्या रोऊन धोक्याचा इशारा दिला आहे. बिटको कॉलेजशेजारील के. जे. मेहता शाळेकडे जाणाऱ्या भा. वि. जोशी मार्गाच्या कोपऱ्यावरच रस्ता खोदून अनेक दिवस झाले. मात्र, दुरुस्ती झालेली नाही. ओढ्याहून नांदूरनाक्यावर आल्यावर जेलरोडकडे वळताना असलेला खड्डा कायम आहे. उपनगरांमधील खड्डेही कायम आहेत.