पोलिस आयुक्तांची ग्वाही
म. टा. प्रतिनिधी, नाशिक
निवडणुकीच्या पार्श्वभूमीवर आचारसंहिता भंगप्रकरणासह सोशल मीडियाच्या दुरूपयोगाबाबत नागरिकांना काही तक्रारी असल्यास त्यांनी लागलीच अॅप अथवा व्हॉट्सअॅपवर संपर्क साधावा. तक्रारींची लागलीच शहानिशा करून कारवाई करण्यात येईल, अशी ग्वाही पोलिस आयुक्त डॉ. रवींद्र सिंगल यांनी दिली.
महापालिका निवडणुकीच्या मतदानाला अवघे दोन दिवस बाकी आहेत. प्रचाराच्या तोफा रविवारी संध्याकाळी थंडावतील. यानतंर राजकीय पक्षांकडून प्रचार सुरूच ठेवला जातो. कायदा व सुव्यवस्थेच्या दृष्टीने पुढील ४८ तास महत्त्वाचे असून, पोलिसांनी त्या दृष्टीने नियोजन सुरू केले आहे. पोलिस आयुक्तालयात आचारसंहिता अंमलबजावणी कक्ष सुरू करण्यात आला आहे. त्यात एक अधिकारी व चार कर्मचारी २४ तास लक्ष ठेवून आहत. या कक्षामार्फत निवडणूक आयोगाच्या COP citizen on patrol या अॅप्लिकेशनवर तसेच व्हॉट्सअॅप क्रमांकांवर (९७६२१००१००) येणाऱ्या प्रत्येक तक्रारीवर लक्ष ठेवण्यात येत आहे. निवडणुकीसंदर्भात कामकाज पाहणारे सर्व पोलिस उपायुक्त, सहायक पोलिस आयुक्त, वरिष्ठ पोलिस निरीक्षक व इतर अधिकारी यांचा एक ग्रुप तयार करून त्याद्वारे निवडणुकीसंदर्भात येणाऱ्या तक्रारींची विशेष दखल घेण्यात येणार आहे. अद्यापपर्यंत या कक्षामध्ये तीन तक्रारी प्राप्त झाल्या असून, त्यावर लागलीच कारवाई झाल्याचे पोलिस आयुक्त सिंगल यांनी स्पष्ट केले.
सायबर गुन्हे शाखेमध्ये सोशल मीडिया अंमलबजावणी कक्षदेखील कार्यन्वित करण्यात आला आहे. याद्वारे सोशल मीडिया म्हणजे फेसबुक, व्हॉट्सअॅप, ट्विटर, टेलिग्राम इत्यादींमध्ये होणाऱ्या घडामोडींवर लक्ष ठेवण्यात येत आहे. यासाठी एक अधिकारी व दोन कर्मचारी नियुक्त करण्यात आले आहेत.
सोशल मीडियावरही लक्ष
सोशल मीडियावर समाजात दुही निर्माण करणारा, निवडणुकीबाबत अफवा पसरवणारा मजकूर प्रसिध्द झाल्याचे दिसून आल्यास लागलीच कडक कारवाई करण्यात येणार असल्याचे पोलिस आयुक्तांनी स्पष्ट केले. दरम्यान, नागरिकांनीही सोशल मीडियावर काही आक्षेपार्ह आढळल्यास सायबर सेलशी संपर्क साधावा. उमेदवारांकडून पैसे, मद्य, भेटवस्तू वाटपाबाबत, तसेच मतदानाच्या दिवशी वाहनांचा वापराबाबत नागरिक तक्रारी करू शकतील.
कोट फोटो आहे.
मतदानाच्या दिवशी नागरिकांनी लवकरात लवकर मतदान प्रक्रियेत सहभाग घ्यावा. तसेच अॅप किंवा व्हॉट्सअॅप क्रमाकांचा वापर करून तक्रारी कराव्यात. तक्रारदाराच्या नावाबाबत गोपनीयता बाळगण्यात येईल.
- डॉ. रवींद्र सिंगल, पोलिस आयुक्त
म. टा. प्रतिनिधी, नाशिक
निवडणुकीच्या पार्श्वभूमीवर आचारसंहिता भंगप्रकरणासह सोशल मीडियाच्या दुरूपयोगाबाबत नागरिकांना काही तक्रारी असल्यास त्यांनी लागलीच अॅप अथवा व्हॉट्सअॅपवर संपर्क साधावा. तक्रारींची लागलीच शहानिशा करून कारवाई करण्यात येईल, अशी ग्वाही पोलिस आयुक्त डॉ. रवींद्र सिंगल यांनी दिली.
महापालिका निवडणुकीच्या मतदानाला अवघे दोन दिवस बाकी आहेत. प्रचाराच्या तोफा रविवारी संध्याकाळी थंडावतील. यानतंर राजकीय पक्षांकडून प्रचार सुरूच ठेवला जातो. कायदा व सुव्यवस्थेच्या दृष्टीने पुढील ४८ तास महत्त्वाचे असून, पोलिसांनी त्या दृष्टीने नियोजन सुरू केले आहे. पोलिस आयुक्तालयात आचारसंहिता अंमलबजावणी कक्ष सुरू करण्यात आला आहे. त्यात एक अधिकारी व चार कर्मचारी २४ तास लक्ष ठेवून आहत. या कक्षामार्फत निवडणूक आयोगाच्या COP citizen on patrol या अॅप्लिकेशनवर तसेच व्हॉट्सअॅप क्रमांकांवर (९७६२१००१००) येणाऱ्या प्रत्येक तक्रारीवर लक्ष ठेवण्यात येत आहे. निवडणुकीसंदर्भात कामकाज पाहणारे सर्व पोलिस उपायुक्त, सहायक पोलिस आयुक्त, वरिष्ठ पोलिस निरीक्षक व इतर अधिकारी यांचा एक ग्रुप तयार करून त्याद्वारे निवडणुकीसंदर्भात येणाऱ्या तक्रारींची विशेष दखल घेण्यात येणार आहे. अद्यापपर्यंत या कक्षामध्ये तीन तक्रारी प्राप्त झाल्या असून, त्यावर लागलीच कारवाई झाल्याचे पोलिस आयुक्त सिंगल यांनी स्पष्ट केले.
सायबर गुन्हे शाखेमध्ये सोशल मीडिया अंमलबजावणी कक्षदेखील कार्यन्वित करण्यात आला आहे. याद्वारे सोशल मीडिया म्हणजे फेसबुक, व्हॉट्सअॅप, ट्विटर, टेलिग्राम इत्यादींमध्ये होणाऱ्या घडामोडींवर लक्ष ठेवण्यात येत आहे. यासाठी एक अधिकारी व दोन कर्मचारी नियुक्त करण्यात आले आहेत.
सोशल मीडियावरही लक्ष
सोशल मीडियावर समाजात दुही निर्माण करणारा, निवडणुकीबाबत अफवा पसरवणारा मजकूर प्रसिध्द झाल्याचे दिसून आल्यास लागलीच कडक कारवाई करण्यात येणार असल्याचे पोलिस आयुक्तांनी स्पष्ट केले. दरम्यान, नागरिकांनीही सोशल मीडियावर काही आक्षेपार्ह आढळल्यास सायबर सेलशी संपर्क साधावा. उमेदवारांकडून पैसे, मद्य, भेटवस्तू वाटपाबाबत, तसेच मतदानाच्या दिवशी वाहनांचा वापराबाबत नागरिक तक्रारी करू शकतील.
कोट फोटो आहे.
मतदानाच्या दिवशी नागरिकांनी लवकरात लवकर मतदान प्रक्रियेत सहभाग घ्यावा. तसेच अॅप किंवा व्हॉट्सअॅप क्रमाकांचा वापर करून तक्रारी कराव्यात. तक्रारदाराच्या नावाबाबत गोपनीयता बाळगण्यात येईल.
- डॉ. रवींद्र सिंगल, पोलिस आयुक्त