वीज ग्राहकांसाठी तक्रार निवारण दिन

म. टा. वृत्तसेवा, सिन्नर फाटा

वीज ग्राहकांच्या तक्रारी सोडविण्यासाठी महावितरणतर्फे मालेगाव, मनमाड, कळवण, सटाणासह नाशिक ग्रामीण मंडळातील विविध ठिकाणी ग्राहक तक्रार निवारण व संवाद दिनाचे आयोजन करण्यात आले आहे. या उपक्रमाचा वीज ग्राहकांनी लाभ घेण्याचे आवाहन महावितरणतर्फे करण्यात आले आहे.

कळवण विभागातील सर्व उपविभागीय कार्यालयांसह मालेगाव मंडळातील पाटणे व रावळगाव शाखा कार्यालयात सोमवारी (दि. २४), सिन्नर एक आणी दोन उपविभागातील वीज ग्राहकांसाठी मंगळवारी (दि. २५) उपविभाग कार्यालय येथे ग्राहक तक्रार निवारण व सुसंवाद दिन होणार आहे. मनमाड विभागातील मनमाडसह नांदगाव व येवला शहर आणि ग्रामीण उपविभागातील सर्व शाखा कार्यालयांमध्ये १ ऑगस्ट रोजी तर विभागीय कार्यालयात २८ ऑगस्ट रोजी ग्राहक तक्रार निवारण व संवाद दिन होणार आहे. यापुढे प्रत्येक महिन्याच्या चौथ्या सोमवारी उपविभाग तर पहिल्या सोमवारी सर्व शाखा कार्यालयांत ग्राहक संवाद दिनाचे आयोजन करण्यात येणार आहे.