म. टा. खास प्रतिनिधी, नाशिक
महापालिकेने गणेशोत्सवात पालिकेच्या जागांवर गाळे उभारण्यासाठी येत्या सोमवारी (१४) लिलाव काढले आहेत. सहा विभागांतील ५७० गाळ्यांचे लिलाव केले जाणार आहेत.
२५ ऑगस्टपासून गणेशोत्सवाला सुरुवात होत आहे. त्या पार्श्वभूमीवर श्रीगणेशाच्या मूर्ती विक्रीसाठी शहरात गाळे उभारण्याचे काम सुरू झाले आहे. खासगी जागेव्यतिरिक्त महापालिकेच्या वतीने जागा निश्चित करून तेथे मूर्ती विकण्यासाठी परवानगी दिली जाते. शहरात गोल्फ क्लब मैदानावर गाळे उभारले जातात. त्यासाठी पालिकेच्या वतीने निविदा प्रक्रिया राबविली जाते.
गणेशोत्सवाच्या पार्श्वभूमीवर गोल्फ क्लब मैदानावर महापालिकेची परवानगी न घेताच काहींनी गाळे उभारण्यास सुरुवात केल्यानंतर पालिकेने त्याची गंभीर दखल घेतली आहे. लिलावापूर्वीच गाळेधारकांनी परस्पर गाळे तयार करण्यास सुरुवात केल्यानंतर शुक्रवारी पालिकेच्या अतिक्रमण विभागाने या गाळ्यांवर कारवाई केली. पश्चिम विभागाने यातील काही गाळे जमीनदोस्त केल्याने गाळेधारकांच्या अडचणी वाढल्या आहेत. दरम्यान, परंतु, परंपरेप्रमाणे यंदाही गाळेधारकांनी महापालिकेला अंधारात ठेवून परस्पर गोल्फ क्लब मैदानावरील जागेचा ताबा घेऊन गाळे बांधण्यास सुरुवात केली. त्याची शुक्रवारी पालिकेने गंभीर दखल घेत, या अनधिकृत गाळ्यांवर शुक्रवारी अतिक्रमण विभागामार्फत बुलडोझर फिरविण्यात आल्याने अनधिकृत गाळेधारकांमध्ये खळबळ उडाली आहे.
गोल्फ क्लबवर १५० गाळे
महापालिकेच्या वतीने सहा विभागांत खासगी व पालिकेच्या मालकीच्या जागांवर ५७० गाळे उभारले जाणार आहेत. त्यासाठी पालिकेकडून सोमवारी (१४) लिलाव करण्यात येणार आहे. त्यात गोल्फ क्लबवरील दीडशे गाळ्यांचा समावेश आहे. यासाठी चार हजार रुपये अनामत रक्कम निश्चित करण्यात आली आहे. पालिकेनेने लिलाव केलेल्या जागांव्यतिक्त गाळ्यांची उभारणी केल्यास कायदेशीर कारवाई करण्यात येणार आहे.
मंडप मालकावर गुन्हा
गोल्फ क्लब मैदानावर एका राजकीय नेत्याच्या आदेशानुसार पालिकेच्या परवानगीविना परस्पर गाळे उभारणी मंडप मालकांच्या अंगलट आली आहे. महापालिकेने येथील गाळ्यांवर कारवाई करण्याबरोबरच मंडप मालकावर गुन्हा दाखल करण्याचा निर्णय घेतला आहे. मुंबई नाका पोलिसांत पश्चिम विभागाच्या वतीने गुन्हा नोंदविला जाणार आहे.
पोलिसांच्या वेबसाइटवर भरा अर्ज
नाशिक ः सार्वजनिक गणेशोत्सव काळात कायदा आणि सुव्यवस्थेचा प्रश्न निर्माण होऊ नये यासाठी काही अटी आणि शर्तींवर गणेश मंडळांना परवानगी दिली जाते. यंदा प्रथमच गणशोत्सव मंडळांकडून ऑनलाइन अर्ज मागविण्याची तयारी पोलिस प्रशासनाने सुरू केली आहे. नाशिक शहर पोलिसांच्या वेबसाटवरून हा ऑनलाइन मंडळांना अर्ज भरता येईल. हा अर्ज पोलिस आयुक्तालयास प्राप्त झाल्यानंतर तो तपासून संबंधित पोलिस स्टेशनकडे ऑनलाइन पाठविण्यात येईल. प्रत्यक्ष उत्सवाच्या स्थळाची पाहणी करुन परवानगीबाबत निर्णय होईल.
परवानगी न घेणाऱ्या मंडळांवर कारवाई
विनापरवानगी गणेश मंडळांवर कारवाई करण्यात येणार असून, त्यांनी नोंदणी करून घ्यावी, असे आवाहन धर्मदाय आयुक्तांनी केले आहे. यासाठी मागील वर्षापासून ऑनलाइन अर्ज करण्याची सुविधा धर्मदाय आयुक्त कार्यालयाने केली आहे.
ज्या मंडळांकडे धर्मदाय आयुक्तांची परवानगी नाही, अशा मंडळांनी वर्गणी वसूल केल्यास पोलिसांकडून खंडणीचा गुन्हा व धर्मदाय आयुक्त अशा दोघांकडूनही कारवाई करण्यात येणार आहे. सार्वजनिक रित्या साजऱ्या होणाऱ्या उत्सवासाठी वर्गणी गोळा करण्यासाठी महाराष्ट्र सार्वजनिक विश्वस्त व्यवस्था अधिनियम, १९५०च्या उपकलम ४१ अ अन्वये धर्मादाय उपायुक्त यांची परवानगी घेणे आवश्यक आहे. तरीसुध्दा काही मंडळे या नियमाचे उल्लंघन करतात. अशा मंडळांवर कारवाई होऊ नये, यासाठी नोंदणी करण्यासाठी वेळ देण्यात आला आहे. यासाठी https://charity.maharashtra.gov.in या संकेतस्थळावर सुविधा उपलब्ध करून देण्यात आली आहे.
महापालिकेने गणेशोत्सवात पालिकेच्या जागांवर गाळे उभारण्यासाठी येत्या सोमवारी (१४) लिलाव काढले आहेत. सहा विभागांतील ५७० गाळ्यांचे लिलाव केले जाणार आहेत.
२५ ऑगस्टपासून गणेशोत्सवाला सुरुवात होत आहे. त्या पार्श्वभूमीवर श्रीगणेशाच्या मूर्ती विक्रीसाठी शहरात गाळे उभारण्याचे काम सुरू झाले आहे. खासगी जागेव्यतिरिक्त महापालिकेच्या वतीने जागा निश्चित करून तेथे मूर्ती विकण्यासाठी परवानगी दिली जाते. शहरात गोल्फ क्लब मैदानावर गाळे उभारले जातात. त्यासाठी पालिकेच्या वतीने निविदा प्रक्रिया राबविली जाते.
गणेशोत्सवाच्या पार्श्वभूमीवर गोल्फ क्लब मैदानावर महापालिकेची परवानगी न घेताच काहींनी गाळे उभारण्यास सुरुवात केल्यानंतर पालिकेने त्याची गंभीर दखल घेतली आहे. लिलावापूर्वीच गाळेधारकांनी परस्पर गाळे तयार करण्यास सुरुवात केल्यानंतर शुक्रवारी पालिकेच्या अतिक्रमण विभागाने या गाळ्यांवर कारवाई केली. पश्चिम विभागाने यातील काही गाळे जमीनदोस्त केल्याने गाळेधारकांच्या अडचणी वाढल्या आहेत. दरम्यान, परंतु, परंपरेप्रमाणे यंदाही गाळेधारकांनी महापालिकेला अंधारात ठेवून परस्पर गोल्फ क्लब मैदानावरील जागेचा ताबा घेऊन गाळे बांधण्यास सुरुवात केली. त्याची शुक्रवारी पालिकेने गंभीर दखल घेत, या अनधिकृत गाळ्यांवर शुक्रवारी अतिक्रमण विभागामार्फत बुलडोझर फिरविण्यात आल्याने अनधिकृत गाळेधारकांमध्ये खळबळ उडाली आहे.
गोल्फ क्लबवर १५० गाळे
महापालिकेच्या वतीने सहा विभागांत खासगी व पालिकेच्या मालकीच्या जागांवर ५७० गाळे उभारले जाणार आहेत. त्यासाठी पालिकेकडून सोमवारी (१४) लिलाव करण्यात येणार आहे. त्यात गोल्फ क्लबवरील दीडशे गाळ्यांचा समावेश आहे. यासाठी चार हजार रुपये अनामत रक्कम निश्चित करण्यात आली आहे. पालिकेनेने लिलाव केलेल्या जागांव्यतिक्त गाळ्यांची उभारणी केल्यास कायदेशीर कारवाई करण्यात येणार आहे.
मंडप मालकावर गुन्हा
गोल्फ क्लब मैदानावर एका राजकीय नेत्याच्या आदेशानुसार पालिकेच्या परवानगीविना परस्पर गाळे उभारणी मंडप मालकांच्या अंगलट आली आहे. महापालिकेने येथील गाळ्यांवर कारवाई करण्याबरोबरच मंडप मालकावर गुन्हा दाखल करण्याचा निर्णय घेतला आहे. मुंबई नाका पोलिसांत पश्चिम विभागाच्या वतीने गुन्हा नोंदविला जाणार आहे.
पोलिसांच्या वेबसाइटवर भरा अर्ज
नाशिक ः सार्वजनिक गणेशोत्सव काळात कायदा आणि सुव्यवस्थेचा प्रश्न निर्माण होऊ नये यासाठी काही अटी आणि शर्तींवर गणेश मंडळांना परवानगी दिली जाते. यंदा प्रथमच गणशोत्सव मंडळांकडून ऑनलाइन अर्ज मागविण्याची तयारी पोलिस प्रशासनाने सुरू केली आहे. नाशिक शहर पोलिसांच्या वेबसाटवरून हा ऑनलाइन मंडळांना अर्ज भरता येईल. हा अर्ज पोलिस आयुक्तालयास प्राप्त झाल्यानंतर तो तपासून संबंधित पोलिस स्टेशनकडे ऑनलाइन पाठविण्यात येईल. प्रत्यक्ष उत्सवाच्या स्थळाची पाहणी करुन परवानगीबाबत निर्णय होईल.
परवानगी न घेणाऱ्या मंडळांवर कारवाई
विनापरवानगी गणेश मंडळांवर कारवाई करण्यात येणार असून, त्यांनी नोंदणी करून घ्यावी, असे आवाहन धर्मदाय आयुक्तांनी केले आहे. यासाठी मागील वर्षापासून ऑनलाइन अर्ज करण्याची सुविधा धर्मदाय आयुक्त कार्यालयाने केली आहे.
ज्या मंडळांकडे धर्मदाय आयुक्तांची परवानगी नाही, अशा मंडळांनी वर्गणी वसूल केल्यास पोलिसांकडून खंडणीचा गुन्हा व धर्मदाय आयुक्त अशा दोघांकडूनही कारवाई करण्यात येणार आहे. सार्वजनिक रित्या साजऱ्या होणाऱ्या उत्सवासाठी वर्गणी गोळा करण्यासाठी महाराष्ट्र सार्वजनिक विश्वस्त व्यवस्था अधिनियम, १९५०च्या उपकलम ४१ अ अन्वये धर्मादाय उपायुक्त यांची परवानगी घेणे आवश्यक आहे. तरीसुध्दा काही मंडळे या नियमाचे उल्लंघन करतात. अशा मंडळांवर कारवाई होऊ नये, यासाठी नोंदणी करण्यासाठी वेळ देण्यात आला आहे. यासाठी https://charity.maharashtra.gov.in या संकेतस्थळावर सुविधा उपलब्ध करून देण्यात आली आहे.