म. टा. वृत्तसेवा, नाशिकरोड
रेल्वे मोटार निर्मिती करणाऱ्या एकलहरेतील रेल्वे ट्रॅक्शन कारखाना विस्तारीकरणाचे संकेत मिळाले आहेत. कारखान्याच्या वीस एकर जागेत ५२ कोटींचा नवा प्रकल्प उभारला जाणार असून, त्यात रेल्वेची चाके आणि अॅक्सल तयार केले जाणार आहेत. विस्तारीकरणाचा प्रस्ताव मध्य रेल्वेला पाठविण्यात आला आहे. रेल्वे बोर्डाची मंजुरी मिळाल्यानंतर प्रकल्प उभारणीस सुरुवात होईल.
हा प्रकल्प झाल्यास आऊटसोर्सिंगची कामे रेल्वेला करावी लागणार नाहीत. उत्पादन खर्चात कपात होईल. तसेच सुमारे पाच हजार जणांना रोजगार मिळेल, अशी माहिती खासदार हेमंत गोडसे यांनी ‘मटा’ ला दिली. मध्य रेल्वेचे मुख्य वीज अभियंता अग्रवाल यांच्यापर्यंत हा प्रस्ताव पोहचला आहे. तो मध्य रेल्वेचे महाव्यवस्थापक डी. के. शर्मा यांच्याकडे जाईल. खासदार गोडसे यांनी अग्रवाल यांची भेट घेऊन हा प्रस्ताव त्वरित रेल्वे बोर्डाकडे पाठवण्याची सूचना केली. देशातील रेल्वे ट्रॅक्शनचे प्रमुख घनशाम सिंग यांनीही नवीन प्रकल्पास सकारात्मक प्रतिसाद दिला आहे.
युनियनचे प्रयत्न
एकलहरे ट्रॅक्शन कारखान्याला गेल्या महिन्यात दिल्लीतील रेल्वे बोर्डाचे सदस्य घन्यशाम सिंग आणि मध्य रेल्वेचे महाव्यवस्थापक डी. के. शर्मा यांनी भेट दिली होती. त्यावेळी नॅशनल रेल्वे मजदूर युनियनने त्यांना विस्तारी करण्याच्या मागणीचे निवेदन दिले होते. या दोघांनी युनियनचे सचिव भारत पाटील, उपाध्यक्ष, पी. एम. जाधव, अनिल दराडे, मनोज नागरे यांच्या शिष्टमंडळाला सकारात्मक प्रतिसाद दिला होता. विस्तारीकरणासाठी ही युनियन २२ वर्षापासून प्रयत्न करत आहे. विस्तारीकरणानंतर कारखान्यात चार वर्कशॉप होणार आहेत.
खासदार हेमंत गोडसे कारखाना विस्तारीकरणासाठी रेल्वेमंत्री सुरेश प्रभू यांच्याकडे दोन वर्षांपासून पाठपुरावा करत आहेत. रेल्वे बोर्ड सदस्य नवीन टंडन यांनीही सकारात्मक प्रतिसाद दिला होता. रेल्वे अर्थसंकल्पीय अधिवेशनातही गोडसे यांनी हा प्रश्न उपस्थित केला होता. कारखाना विस्तारीकरणामुळे सुमारे पाच हजार जणांना रोजगार मिळेल. रेल्वेचा आऊटसोर्सिंगचा खर्च वाचेल. कारखाना विस्तारीकरणाचा अहवाल तयार करण्याचे काम मध्य रेल्वेच्या मुख्य विद्युत अभियंत्यावर सोपविण्यात आले होते. तत्कालीन रेल्वे मंत्री मधु दंडवते यांनी १९८१ साली अडीचशे एकर जागा अधिग्रहित करुन एकलहरे रोडवरील हा कारखाना सुरू केला. येथे पाचशे कामगार आहेत.
रेल्वे मोटार निर्मिती करणाऱ्या एकलहरेतील रेल्वे ट्रॅक्शन कारखाना विस्तारीकरणाचे संकेत मिळाले आहेत. कारखान्याच्या वीस एकर जागेत ५२ कोटींचा नवा प्रकल्प उभारला जाणार असून, त्यात रेल्वेची चाके आणि अॅक्सल तयार केले जाणार आहेत. विस्तारीकरणाचा प्रस्ताव मध्य रेल्वेला पाठविण्यात आला आहे. रेल्वे बोर्डाची मंजुरी मिळाल्यानंतर प्रकल्प उभारणीस सुरुवात होईल.
हा प्रकल्प झाल्यास आऊटसोर्सिंगची कामे रेल्वेला करावी लागणार नाहीत. उत्पादन खर्चात कपात होईल. तसेच सुमारे पाच हजार जणांना रोजगार मिळेल, अशी माहिती खासदार हेमंत गोडसे यांनी ‘मटा’ ला दिली. मध्य रेल्वेचे मुख्य वीज अभियंता अग्रवाल यांच्यापर्यंत हा प्रस्ताव पोहचला आहे. तो मध्य रेल्वेचे महाव्यवस्थापक डी. के. शर्मा यांच्याकडे जाईल. खासदार गोडसे यांनी अग्रवाल यांची भेट घेऊन हा प्रस्ताव त्वरित रेल्वे बोर्डाकडे पाठवण्याची सूचना केली. देशातील रेल्वे ट्रॅक्शनचे प्रमुख घनशाम सिंग यांनीही नवीन प्रकल्पास सकारात्मक प्रतिसाद दिला आहे.
युनियनचे प्रयत्न
एकलहरे ट्रॅक्शन कारखान्याला गेल्या महिन्यात दिल्लीतील रेल्वे बोर्डाचे सदस्य घन्यशाम सिंग आणि मध्य रेल्वेचे महाव्यवस्थापक डी. के. शर्मा यांनी भेट दिली होती. त्यावेळी नॅशनल रेल्वे मजदूर युनियनने त्यांना विस्तारी करण्याच्या मागणीचे निवेदन दिले होते. या दोघांनी युनियनचे सचिव भारत पाटील, उपाध्यक्ष, पी. एम. जाधव, अनिल दराडे, मनोज नागरे यांच्या शिष्टमंडळाला सकारात्मक प्रतिसाद दिला होता. विस्तारीकरणासाठी ही युनियन २२ वर्षापासून प्रयत्न करत आहे. विस्तारीकरणानंतर कारखान्यात चार वर्कशॉप होणार आहेत.
खासदार हेमंत गोडसे कारखाना विस्तारीकरणासाठी रेल्वेमंत्री सुरेश प्रभू यांच्याकडे दोन वर्षांपासून पाठपुरावा करत आहेत. रेल्वे बोर्ड सदस्य नवीन टंडन यांनीही सकारात्मक प्रतिसाद दिला होता. रेल्वे अर्थसंकल्पीय अधिवेशनातही गोडसे यांनी हा प्रश्न उपस्थित केला होता. कारखाना विस्तारीकरणामुळे सुमारे पाच हजार जणांना रोजगार मिळेल. रेल्वेचा आऊटसोर्सिंगचा खर्च वाचेल. कारखाना विस्तारीकरणाचा अहवाल तयार करण्याचे काम मध्य रेल्वेच्या मुख्य विद्युत अभियंत्यावर सोपविण्यात आले होते. तत्कालीन रेल्वे मंत्री मधु दंडवते यांनी १९८१ साली अडीचशे एकर जागा अधिग्रहित करुन एकलहरे रोडवरील हा कारखाना सुरू केला. येथे पाचशे कामगार आहेत.