म. टा. प्रतिनिधी, नाशिक
नाशिक शहरासह जिल्ह्यात संततधार श्रावण सरींचे पुन्हा आगमन झाले. तब्बल दहा दिवसांच्या विश्रांतीनंतर पुन्हा पावसाला सुरुवात झाली असून, बुधवारी मध्यरात्रीपासून कधी उघडीप, तर कधी संततधार यामुळे शहरवासीयांची त्रेधातिरपीट उडाली.
गेल्या काही दिवसांपासून पावसाने शहरात विश्रांती घेतली होती. मात्र मंगळवारपासून पुन्हा संततधार पावसाला सुरुवात झाली. मंगळवारी सकाळी साडेआठ ते बुधवारी (दि. २४ ऑगस्ट) सकाळी साडेआठ या २४ तासांत जिल्ह्यात ८६.८ मि.मी. पाऊस झाला. इगतपुरीत सर्वाधिक २८ मि.मी., पेठमध्ये २७ मि.मी., तर सुरगाण्यात १३ मि.मी. पावसाची नोंद झाली. नाशिक तालुक्यात पाच मि.मी. तर दिंडोरीत चार मि.मी. पावसाची नोंद झाली. येवला, सिन्नर, देवळा, चांदवड, नांदगाव, मालेगाव या तालुक्यांमध्ये मात्र पावसाने दांडी मारली. कळवण आणि बागलाणमध्ये प्रत्येकी एक मि.मी. पावसाची नोंद झाली, तर निफाडमध्ये २.८ मि.मी. पाऊस झाला. नाशिक शहरात सकाळी साडेआठपर्यंत ८.६ मि.मी. पावसाची नोंद झाली होती. सकाळी साडेआठ ते सायंकाळी साडेपाच यावेळेत १.८ मि.मी. पावसाची नोंद झाली. कधी श्रावणसरी, कधी ऊन तर कधी संततधार यामुळे पावसाने नागरिकांची धांदल उडवली.
नाशिक शहरासह जिल्ह्यात संततधार श्रावण सरींचे पुन्हा आगमन झाले. तब्बल दहा दिवसांच्या विश्रांतीनंतर पुन्हा पावसाला सुरुवात झाली असून, बुधवारी मध्यरात्रीपासून कधी उघडीप, तर कधी संततधार यामुळे शहरवासीयांची त्रेधातिरपीट उडाली.
गेल्या काही दिवसांपासून पावसाने शहरात विश्रांती घेतली होती. मात्र मंगळवारपासून पुन्हा संततधार पावसाला सुरुवात झाली. मंगळवारी सकाळी साडेआठ ते बुधवारी (दि. २४ ऑगस्ट) सकाळी साडेआठ या २४ तासांत जिल्ह्यात ८६.८ मि.मी. पाऊस झाला. इगतपुरीत सर्वाधिक २८ मि.मी., पेठमध्ये २७ मि.मी., तर सुरगाण्यात १३ मि.मी. पावसाची नोंद झाली. नाशिक तालुक्यात पाच मि.मी. तर दिंडोरीत चार मि.मी. पावसाची नोंद झाली. येवला, सिन्नर, देवळा, चांदवड, नांदगाव, मालेगाव या तालुक्यांमध्ये मात्र पावसाने दांडी मारली. कळवण आणि बागलाणमध्ये प्रत्येकी एक मि.मी. पावसाची नोंद झाली, तर निफाडमध्ये २.८ मि.मी. पाऊस झाला. नाशिक शहरात सकाळी साडेआठपर्यंत ८.६ मि.मी. पावसाची नोंद झाली होती. सकाळी साडेआठ ते सायंकाळी साडेपाच यावेळेत १.८ मि.मी. पावसाची नोंद झाली. कधी श्रावणसरी, कधी ऊन तर कधी संततधार यामुळे पावसाने नागरिकांची धांदल उडवली.