…म. टा. प्रतिनिधी, नाशिक
रासबिहारी इंटरनॅशनल स्कूल आणि फुटबॉल असोसिएशन ऑफ नाशिक डिस्ट्रिक्ट यांच्या सहकार्याने आयोजित 'रासबिहारी आंतरशालेय फुटबॉल चषक' रासबिहारी इंटरनॅशनल स्कूलने पटकावला. दिल्ली पब्लिक स्कूलला उपविजेते पदावर समाधान मानावे लागले.
बुधवारी सकाळ सत्रातील उपांत्य फेरीत रासबिहारी आणि दिल्ली पब्लिक स्कूलचे संघाने अनुक्रमे विस्डम हाय आणि लिटल अँजेल्स स्कूल संघास ४-१ आणि १-० ने मात देत अंतिम फेरीत पोहोचले. दिल्ली पब्लिक आणि रासबिहारी स्कूलमध्ये झालेल्या अंतिम सामन्यांत रासबिहारी स्कूलने विजय मिळविला. दिल्ली पब्लिक स्कूलला उपविजेते पदावर समाधान मानावे लागले.
दरम्यान, सामना सुरू झाल्यानंतर रासबिहारी संघाचा कर्णधार मास्टर मानस देशमुख आणि मास्टर प्रसन्न मराठे यांनी धडाकेबाज खेळत प्रत्येकी १ गोल केला. तर दिल्ली पब्लिक स्कूल संघाच्या मास्टर राजरत्न सैंदाणे याने प्रतिउत्तर देत एकूण दोन गोल करून सामन्यावर कब्जा मिळविला व बरोबरीने सामना राखला. दोन्ही संघास त्यानंतर एकूण ११ पेनल्टी किक मिळाल्या. अत्यंत उत्कंठावर्धक अशा प्रत्येक पेनल्टी किकमधून अखेर रासबिहारीच्या मास्टर आदित्य झोमनचा गोल निर्णायक ठरला व विजयश्रीने माळ रासबिहारी संघाच्या गळ्यात पडली. फुटबॉल स्पर्धेत सहभागी झालेल्या आठ शाळांच्या सर्व खेळाडूंना यावेळी प्रमाणपत्र देण्यात आले.
पारितोषिक वितरण समारंभाला ला. इंडियन अॅथलेटिक्स टीम कोच श्रीयुत बाला गोविंद हे प्रमुख पाहुणे होते. त्यांच्या हस्ते बक्षिस वितरण करण्यात आले. याप्रसंगी श्रीयुत बाला गोविंद तसेच श्रीयुत अविनाश टिळे यांनी विजेता आणि उपविजेता संघांचे उत्तम खेळाबद्दल कौतुक केले.
उत्कृष्ट गोल किपर
शर्विल वाटपाडे, रासबिहारी इंटरनॅशनल स्कूल
उत्कृष्ट स्ट्रायकर
पृथ्वीराज चव्हाण, विस्डम हाय इंटरनॅशनल स्कूल
उत्कृष्ट फुटबॉल खेळाडू
तनिष्क जोशी, रासबिहारी इंटरनॅशनल स्कूल
उत्कृष्ट फेयर प्लेसंघ पुरस्कार
मानस देशमुख, कॅप्टन रासबिहारी इंटरनॅशनल स्कूल
उत्कृष्ट मालिकावीर
दीपांश श्रीवास्तव, दिल्ली पब्लिक स्कूल