म. टा. वृत्तसेवा, निफाड शून्य टक्क्यांवरून ८५० रुपये निर्यात मूल्य केल्यानंतर कांद्याच्या भावात घसरण होईल हा अंदाज खोटा ठरला. शुक्रवारनंतर सोमवारी सुरू झालेल्या लासलगाव बाजार समितीत कांद्याचे भाव शुक्रवारच्या तुलनेत प्रतिक्विंटल ३०० रुपयांनी वाढले. लासलगाव समितीत १४ हजार ९७ क्विंटल आवक होती. कमीत कमी १२००, जास्तीत जास्त ३३९८ तर सरासरी ३२०० रु प्रतिक्विंटल भाव होता. पिंपळगाव बाजार समितीत २१२६० क्विंटल आवक होती. तेथे कमीत कमी १८५१, जास्तीत जास्त ३४३० आणि सरासरी ३१५१ रुपये प्रतिक्विंटल भाव होता. लांबणीवर पडलेल्या पावसामुळे लाल कांदा अजून दीड ते दोन महिन्यांनी लिलावासाठी येईल, तोपर्यंत लाल कांदाच उपलब्ध होणार आहे. सध्या नाशिक जिल्ह्यातील शेतकऱ्यांनी चाळीत साठवलेला फक्त ३० टक्के कांदा शिल्लक आहे. त्यामुळेच निर्यातमूल्य वाढून देखील कांद्याच्या भावात घसरण न होता कांद्याचे भाव ३०० ते ४०० रुपयांनी वाढले आहे.
आवक कमी असल्याने लाल कांदा वधारला
म टा वृत्तसेवा, निफाडशून्य टक्क्यांवरून ८५० रुपये निर्यात मूल्य केल्यानंतर कांद्याच्या भावात घसरण होईल हा अंदाज खोटा ठरला...
महाराष्ट्र टाइम्स.कॉम 17 Sep 2019, 4:00 am