सटाणा पोलिसांचे आवाहन
म. टा. वृत्तसेवा, सटाणा
सटाणा शहरात करोना विषाणूचा प्रार्दुभाव रोखण्यासाठी जिल्हाधिकारी नाशिक यांच्या आवाहनाला हरताळ फासणाऱ्यांवर गुन्हे दाखल करण्यास सटाणा पोलिसांनी प्रारंभ केला आहे. दरम्यान सटाणा शहरात मालेगाव येथून दाखल झालेल्यांनी अथवा माहिती असलेल्यांनी पोलिसांना तत्काळ सूचना करावी, सदरची माहिती लपविल्यास कारवाइचा इशारा पोलिस निरीक्षक नंदकुमार गायकवाड यांनी दिला आहे.
सटाणा शहरात खास करून युवकांकडून सोशल डिस्टन्श न पाळणे, विनाकारण रस्त्यांवर हिंडणे, तोंडाला मास्क न लावणे या सारखे प्रकार होत आहेत. सकाळ व सायंकाळी फेरफटका मारणाऱ्यांना समज देण्यात येत आहे. मात्र सांगूनही कोणी ऐकत नसेल पोलिसांनी फौजदारी गुन्हे दाख करण्या सुरुवात करण्यात आली आहे. तीन जणांवर सटाणा पोलिसांनी गुन्हा दाखल केला असल्याची माहिती पोलिस निरीक्षक नंदकुमार गायकवाड यांनी माहिती दिली. गत दोन दिवसांपासून सटाणा शहरात मालेगाव येथून युवक दाखल हेात असल्याच्या पार्श्वभूमीवर लखमापूर येथे नाकाबंदी करण्यात आली आहे. तसेच मालेगावकडून येणाऱ्या प्रत्येक वाहनाची कसून चौकशी करून शहानिशा करण्यात येवून मालेगाव येथून येणाऱ्या कोणत्याही व्यक्तीचा शिरकाव होवू दिला जाणार नाही, यासाठी यंत्रणा अधिक सर्तक करण्यात आली असल्याचे गायकवाड यांनी सांगितले.