क्रीडा साधनातर्फे खेळाडुंचा सन्मान
म. टा. प्रतिनिधी, नाशिक
क्रीडा साधना आणि दुधारे स्पोर्ट्स फाउंडेशन यांच्या वतीने शहरातील ७६ कुस्तीपटूंचा सन्मान खाशाबा जाधव यांचे चिरंजीव रणजीत यांच्या हस्ते करण्यात आला. यावेळी कालिका देवी मंदिरच्या हॉलमध्ये जिल्ह्यातील विविध शैक्षणिक संस्था, शाळा, महाविद्यालये यांचे मुख्याध्यापक आणि प्राचार्य अशा ३५ मान्यवरांना सन्मानित करण्यात आले.
या कार्यक्रमाचे प्रमुख पाहुणे नाशिकची सुवर्णकन्या सावरपाडा एक्सप्रेस आणि ऑल्मिपियन कविता राऊत-तुंगार, जिल्हा क्रीडा अधिकारी रवींद्र नाईक, कालिका मंदिर देवी ट्रस्टचे संचालक दत्ता पाटील, क्रीडा संघटक अशोक दुधारे आदी मान्यवरांच्या हस्ते याचा सन्मान करण्यात आला. या सन्मान सोहळ्यात या सर्व सत्कारार्थींना खाशाबा जाधव यांचे छायाचित्र असलेले स्मृतीचिन्ह देण्यात आले.
या कार्यक्रमाचे प्रास्तविक अशोक दुधारे यांनी केले तर सूत्रसंचालन आनंद खरे यांनी केले. तर आभार प्रदर्शन नितीन हिंगमिरे यांनी केले. हा कार्यक्रम यशस्वी करण्यासाठी नितीन हिंगमिरे, मनोज म्हस्के, शशांक वझे, राजू शिंदे, दीपक निकम, अक्षय गामणे, बंडू जमदाडे, मनीषा काठे, आविनाश वाघ, कुणाल अहिरे आदिंनी परिश्रम घेतले.