नाशिक : नाशिक लोकसभा मतदारसंघासाठी निवडणूक आयोगाने नेमलेले निरीक्षक राजेशकुमार यांनी सिन्नर विधानसभा मतदारसंघात भेट देऊन निवडणूक तयारीचा आढावा घेतला. सहाय्यक निवडणूक निर्णय अधिकारी व निवडणूक यंत्रणेशी चर्चा करून त्यांना मार्गदर्शन करण्यात आले. त्यांनी तात्पुरत्या सुरक्षित कक्षास भेट देऊन तेथील सीसीटीव्ही यंत्रणा, सुरक्षेची माहिती घेतली. तसेच मतदारसंघातील दुर्गम भागातील मतदान केंद्रांना भेटी देऊन सुविधांची पाहणी करण्यात आली. नाशिक मध्य विधानसभा मतदारसंघाच्या सहाय्यक निर्णय अधिकाऱ्यांसमवेत शुक्रवारी गायकवाड सभागृह येथील तात्पुरत्या सुरक्षित कक्षास भेट देऊन तेथील व्यवस्थेची पाहणी राजेशकुमार यांनी केली. संवेदनशील मतदान केंद्राना भेटी देऊन खबरदारीबाबत सूचना देण्यात आल्या.
निवडणूक तयारीचा निरीक्षकांकडून आढावा
नाशिक लोकसभा मतदारसंघासाठी निवडणूक आयोगाने नेमलेले निरीक्षक राजेशकुमार यांनी सिन्नर विधानसभा मतदारसंघात भेट देऊन निवडणूक तयारीचा आढावा घेतला...
MT 14 Apr 2019, 4:00 am