अ‍ॅपशहर

कांदा दरावरून रास्ता रोको

भाजप सरकारने कांदा उत्पादक शेतकऱ्यांच्या विरोधात निर्णय घेतल्याने कांद्याचे भाव कोसळत असल्याचा आरोप करीत शुक्रवारी कळवण बसस्थानकासमोर सर्वपक्षीय रास्ता रोको आंदोलन करण्यात आले.

Maharashtra Times 28 Oct 2017, 4:00 am
कळवणला सर्वपक्षीय पदाधिकाऱ्यांचे बसस्थानकासमोर आंदोलन
महाराष्ट्र टाइम्स.कॉम road block for onion rate down
कांदा दरावरून रास्ता रोको


म. टा. वृत्तसेवा, कळवण

भाजप सरकारने कांदा उत्पादक शेतकऱ्यांच्या विरोधात निर्णय घेतल्याने कांद्याचे भाव कोसळत असल्याचा आरोप करीत शुक्रवारी कळवण बसस्थानकासमोर सर्वपक्षीय रास्ता रोको आंदोलन करण्यात आले. तसेच, भाजप सरकारच्या प्रतीकात्मक पुतळ्याचे आंदोलनकर्त्यांनी दहन करीत सरकारच्या निर्णयाचा निषेध केला.

तीन ते चार वर्षांपासून दुष्काळ व सततच्या नापिकीमुळे कांदा उत्पादक शेतकरी आर्थिक संकटात सापडला आहे. निसर्गाच्या अवकृपेमुळे चालू वर्षी कांदे कमी असून, थोडेफार भाव मिळू लागले होते. कांद्याला ३००० ते ३५०० रुपये क्विंटल दर मिळत होता. मात्र शासनाने जिल्हाधिकाऱ्यांमार्फत व्यापारीवर्गावर दबाव आणून कांदा बाजारभाव पाडण्याचे षडयंत्र प्रयत्न सुरू केले आहेत. यामध्ये शेतकरीराजा भरडला जात आहे. ज्यावेळी कांदा ३०० ते ५०० रुपयांनी विकला जातो, त्यावेळी शासन कुठे जाते, असा सवाल आंदोलनकर्त्यांनी यावेळी उप‌स्थित केला.

तहसीलदार कैलास चावडे यांना निवेदन देऊन आंदोलन मागे घेण्यात आले. यावेळी शेतकरी संघटनेचे प्रदेश उपाध्यक्ष देवीदास पवार, नगरपंचायतचे गटनेते कौतिक पगार, माजी जिल्हा परिषद सदस्य रवींद्र देवरे, कृषी उत्पादन बाजार समितीचे सभापती धनंजय पवार, राष्ट्रवादी तालुकाध्यक्ष राजेंद्र भामरे, काँग्रेस तालुकाध्यक्ष महेंद्र हिरे, माजी जिल्हा परिषद सदस्य शैलेश पवार, छावाचे तालुकाध्यक्ष प्रदीप पगार, दारूबंदी संघटनेचे जिल्हाध्यक्ष टिनू पगार, अमोल पगार, प्रवीण रौंदळ, अमित देवरे, दीपक वाघ, शिवसेना तालुकाध्यक्ष जितेंद्र वाघ, संभाजी पवार, सुनील पगार, रत्नाकर गांगुर्डे, संजय रौंदळ, बंडू पगार, ललित आहेर, पप्पू पवार, रामा पाटील, पंकज पाचपिंडे आदी शेतकरी उपस्थित होते.

खड्डे बुजविण्याची मागणी

कळवण तालुक्यातील मुख्य रस्त्यांवर मोठ्या प्रमाणात खड्डे पडले आहेत. रस्त्याची पूर्णतः चाळण झाली असून, तत्काळ खड्डे बुजविण्याचे काम शासनाने हाती घ्यावे, अशी मागणीही mयावेळी करण्यात आली. तसेच, महावितरण कंपनीने वसुली थांबवावी, या मागणीसाठीही आंदोलन करण्यात आले.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज