म. टा. वृत्तसेवा, मनमाड
बंगल्याचा दरवाजा तोडून घरातील महिलांना शस्त्राचा धाक दाखवित तीन तोळे सोन्यासह एकूण ७० हजारांचा ऐवज चोरट्यांनी चोरून नेला. सोमवारी रात्री जनार्दननगर परिसरात ही घटना घडली. श्वान पथकाने चोरट्यांचा माग काढण्याचा प्रयत्न केला. चोरटे नगरचौकी भागाकडे पळाल्याचे तपासात समोर आले आहे.
मनमाड येथील जनार्दननगर येथे वर्षा शामराव आहेर (३०) या आपल्या मुलांसह बंगल्यात राहतात. त्यांचे पती शामराव आहेर हे लष्करी सेवेत बाहेरगावी असतात. वर्षा आहेर या मुलांसह व नातेवाईक महिलेसह घरात झोपलेल्या असताना सोमवारी रात्री दीड वाजेच्या सुमारास दोन ते तीन चोरट्यांनी बंगल्याचा दरवाजा तोडून घरात प्रवेश केला. शस्त्राचा धाक दाखवित जीवे मारण्याची धमकी देत महिलांच्या अंगावरील तीन तोळे सोन्याच्या दागिन्यांसह ७० हजार रुपयांचा ऐवज लुटून नेला. चोरट्यांनी मारहाण अथवा शस्त्राचा वापर न केल्याने कोणीही जखमी झाले नाही. मात्र, या घटनेने महिला आणि मुले भेदरून गेली. या प्रकरणी वर्षा आहेर यांच्या फिर्यादीवरून मनमाड पोलिसांनी गुन्हा दाखल केला आहे.
दागिन्यांसह चोरट्यांनी चाकूचा धाक दाखवून आहेर कुटुंबीयांकडे असलेले आधारकार्ड, स्मार्ट कार्ड, बँकेचे पासबुकही चोरून नेले.
बंगल्याचा दरवाजा तोडून घरातील महिलांना शस्त्राचा धाक दाखवित तीन तोळे सोन्यासह एकूण ७० हजारांचा ऐवज चोरट्यांनी चोरून नेला. सोमवारी रात्री जनार्दननगर परिसरात ही घटना घडली. श्वान पथकाने चोरट्यांचा माग काढण्याचा प्रयत्न केला. चोरटे नगरचौकी भागाकडे पळाल्याचे तपासात समोर आले आहे.
मनमाड येथील जनार्दननगर येथे वर्षा शामराव आहेर (३०) या आपल्या मुलांसह बंगल्यात राहतात. त्यांचे पती शामराव आहेर हे लष्करी सेवेत बाहेरगावी असतात. वर्षा आहेर या मुलांसह व नातेवाईक महिलेसह घरात झोपलेल्या असताना सोमवारी रात्री दीड वाजेच्या सुमारास दोन ते तीन चोरट्यांनी बंगल्याचा दरवाजा तोडून घरात प्रवेश केला. शस्त्राचा धाक दाखवित जीवे मारण्याची धमकी देत महिलांच्या अंगावरील तीन तोळे सोन्याच्या दागिन्यांसह ७० हजार रुपयांचा ऐवज लुटून नेला. चोरट्यांनी मारहाण अथवा शस्त्राचा वापर न केल्याने कोणीही जखमी झाले नाही. मात्र, या घटनेने महिला आणि मुले भेदरून गेली. या प्रकरणी वर्षा आहेर यांच्या फिर्यादीवरून मनमाड पोलिसांनी गुन्हा दाखल केला आहे.
दागिन्यांसह चोरट्यांनी चाकूचा धाक दाखवून आहेर कुटुंबीयांकडे असलेले आधारकार्ड, स्मार्ट कार्ड, बँकेचे पासबुकही चोरून नेले.