नाशिक : अखिल भारतीय मराठी नाट्य परिषदेची घटक संस्था असलेल्या बालरंगभूमी परिषदेच्या मंगळवार (दि. १०) रोजी कालिदास कलामंदिर येथे झालेल्या सभेत सचिन शिंदे यांची अध्यक्ष म्हणून निवड करण्यात आले. अखिल भारतीय मराठी नाट्य परिषद नाशिक शाखेचे प्रमुख कार्यवाह व समन्वयक सुनील ढगे व अध्यक्ष प्रा. रवींद्र कदम यांनी बालरंगभूमी परिषदेची नवीन कार्यकारिणी घोषित केली त्यानुसार, अध्यक्षपदी सचिन शिंदे, उपाध्यक्षपदी रोहिणी ढवळे व आदिती मोराणकर, प्रमुख कार्यवाह पदी आनंद जाधव, सहकार्यवाह म्हणून रोहित जाधव, उर्वराज गायकवाड, राहुल गायकवाड, खजिनदार पदी प्रतीक विसपुते आणि सदस्य पदी कृतार्थ कंसारा, अरुण भावसार, शुभांगी पाठक, पूनम देशमुख, धनंजय वाबळे, प्रफुल्ल दीक्षित, किरण कुलकर्णी, सागर रत्नपारखी हे असतील. बालरंगभूमी परिषदेचे समन्वयक म्हणून सुनील ढगे व सल्लागार म्हणून प्रा. रवींद्र कदम व राजेंद्र जाधव आहेत.
बालरंगभूमी परिषदेच्या अध्यक्षपदी सचिन शिंदे
अखिल भारतीय मराठी नाट्य परिषदेची घटक संस्था असलेल्या बालरंगभूमी परिषदेच्या मंगळवार (दि...
महाराष्ट्र टाइम्स.कॉम 11 Mar 2020, 4:00 am