म. टा. प्रतिनिधी, नाशिक
विविध गुंतवणूक कंपन्या सुरू करून गुंतवणुकीवर जादा व्याजाचे आमिष दाखवत गुंतवणूकदारांची फसवणूक करणाऱ्या ‘साई डे स्टार मल्टिट्रेड प्रायव्हेट लिमिटेड’ कंपनीचा सूत्रधार विजय नंदू वानखेडे तसेच अजय अशोक राणे यास अखेर सरकारवाडा पोलिसांनी अटक केली. वानखेडेने जिल्ह्यातील अनेक गुंतवणूकदारांना गंडा घातला आहे.
निफाड तालुक्यातील डोंगरगाव येथील एकनाथ सुधाकर नागरे (३७) यांनी डिसेंबर २०१५ मध्ये सरकारवाडा पोलिस ठाण्यात साई डे स्टार मल्टिट्रेड प्रायव्हेट लिमिटेडचे संचालक विजय नंदू वानखेडे, सीमा विजय वानखेडे (दोघे रा. स्मिता अपार्टमेंट, पाटील लेन, कॉलेजरोड), अमोल प्रभाकर बाविस्कर व अजय अशोक राणे (दोघे रा. अमिगो रॉयल, गुलमोहर कॉलनी, ध्रुवनगर) यांनी कंपनीत गुंतवणूक करून घेऊन लाखो रुपयांची फसवणूक केल्याची फिर्याद दिली होती. त्यानंतर नोव्हेंबर २०१६ मध्ये मुकुंद रकटे यांनीही सरकारवाडा पोलिसांकडे फसवणुकीची फिर्याद दिली होती. बांधकाम, जमीन खरेदी विक्री, गोट फार्मिंग अशा अनेक उद्योगांमध्ये त्याने गुंतवणूकदारांची फसवणूक केल्याचे समोर आले आहे. पोलिसांनी कॉलेजरोड परिसरातील वानखेडेच्या घरी छापा मारून त्यास आणि राणेला अटक केली. त्यांना कोर्टाने पाच दिवसांची कोठडी सुनावली.
विविध गुंतवणूक कंपन्या सुरू करून गुंतवणुकीवर जादा व्याजाचे आमिष दाखवत गुंतवणूकदारांची फसवणूक करणाऱ्या ‘साई डे स्टार मल्टिट्रेड प्रायव्हेट लिमिटेड’ कंपनीचा सूत्रधार विजय नंदू वानखेडे तसेच अजय अशोक राणे यास अखेर सरकारवाडा पोलिसांनी अटक केली. वानखेडेने जिल्ह्यातील अनेक गुंतवणूकदारांना गंडा घातला आहे.
निफाड तालुक्यातील डोंगरगाव येथील एकनाथ सुधाकर नागरे (३७) यांनी डिसेंबर २०१५ मध्ये सरकारवाडा पोलिस ठाण्यात साई डे स्टार मल्टिट्रेड प्रायव्हेट लिमिटेडचे संचालक विजय नंदू वानखेडे, सीमा विजय वानखेडे (दोघे रा. स्मिता अपार्टमेंट, पाटील लेन, कॉलेजरोड), अमोल प्रभाकर बाविस्कर व अजय अशोक राणे (दोघे रा. अमिगो रॉयल, गुलमोहर कॉलनी, ध्रुवनगर) यांनी कंपनीत गुंतवणूक करून घेऊन लाखो रुपयांची फसवणूक केल्याची फिर्याद दिली होती. त्यानंतर नोव्हेंबर २०१६ मध्ये मुकुंद रकटे यांनीही सरकारवाडा पोलिसांकडे फसवणुकीची फिर्याद दिली होती. बांधकाम, जमीन खरेदी विक्री, गोट फार्मिंग अशा अनेक उद्योगांमध्ये त्याने गुंतवणूकदारांची फसवणूक केल्याचे समोर आले आहे. पोलिसांनी कॉलेजरोड परिसरातील वानखेडेच्या घरी छापा मारून त्यास आणि राणेला अटक केली. त्यांना कोर्टाने पाच दिवसांची कोठडी सुनावली.