म. टा. खास प्रतिनिधी, नाशिक
दुकाने उघडण्यास परवानगी मिळत नसल्याने सलून व्यावसायिक आर्थिक संकटात सापडले आहेत. मंत्रिमंडळाच्या बुधवारी (दि. १७) होणाऱ्या बैठकीत सलून व्यवसाय सुरू करण्याचा किंवा व्यावसायिकांना भरीव आर्थिक मदत देण्याचा निर्णय न घेतल्यास गुरुवारी (दि. १८) राज्यव्यापी जेलभरो आंदोलन करण्यात येणार आहे.
राष्ट्रीय नाभिक महासंघ, महाराष्ट्र नाभिक महामंडळाने हा इशारा दिला असून, राज्यातील हजारो नाभिकबांधव या आंदोलनात सहभागी होणार असल्याची माहिती राष्ट्रीय नाभिक महासंघाचे अध्यक्ष भगवान बिडवे यांनी दिली.
करोनाचा संसर्ग पसरू नये याकरिता सरकारकडून लॉकडाउनचा निर्णय घेण्यात आला होता. सलून दुकानेदेखील बंद करण्याचे निर्देश मार्च महिन्यात सरकारकडून देण्यात आले. व्यावसायिकांनी सरकारला सहकार्य केले. परंतु, लॉकडाउनचे नियम शिथिल करून प्रशासनाने अन्य अनेक व्यवसायांना खुले करण्यास परवानगी दिली आहे. परंतु, सलून दुकाने, ब्यूटिपार्लर खुले करण्यास परवानगी मिळू शकलेली नाही. त्यामुळे सलून व्यावसायिकांना आर्थिक कोंडीचा सामना करावा लागत आहे. याबाबत राज्यात विविध ठिकाणी मंत्र्यांना साकडे घालण्यात आले असून, बुधवारी निर्णय घेतला जाईल, असे आश्वासन संघटनांना देण्यात आले आहे. मात्र, सकारात्मक तोडगा निघाला नाही, तर गुरुवारी आंदोलन करण्याचा निर्णय राष्ट्रीय नाभिक महासंघ, महाराष्ट्र नाभिक महामंडळासह सलून ब्यूटिपार्लर असोसिएशन, महाराष्ट्र नाभिक सलून असोसिएशन, नाभिक युवा सेना, महाराष्ट्र हेअर ड्रेसर्स अँड ब्यूटिशिअन असोसिएशन, नाभिक कर्मचारी महासंघ यांसह राज्यातील सलून व ब्यूटिपार्लर व्यावसायिकांच्या संघटनांच्या नेतृत्वाखाली हजारो सलून व्यावसायिक सहभागी होतील, असा इशारा संघटनेचे राष्ट्रीय अध्यक्ष भगवान बिडवे, प्रदेशाध्यक्ष दत्ता अनारसे, महासचिव प्रभाकर फुलबांधे, दिलीप अनार्थे, अंबादास पाटील यांनी दिला आहे.
दुकाने उघडण्यास परवानगी मिळत नसल्याने सलून व्यावसायिक आर्थिक संकटात सापडले आहेत. मंत्रिमंडळाच्या बुधवारी (दि. १७) होणाऱ्या बैठकीत सलून व्यवसाय सुरू करण्याचा किंवा व्यावसायिकांना भरीव आर्थिक मदत देण्याचा निर्णय न घेतल्यास गुरुवारी (दि. १८) राज्यव्यापी जेलभरो आंदोलन करण्यात येणार आहे.
राष्ट्रीय नाभिक महासंघ, महाराष्ट्र नाभिक महामंडळाने हा इशारा दिला असून, राज्यातील हजारो नाभिकबांधव या आंदोलनात सहभागी होणार असल्याची माहिती राष्ट्रीय नाभिक महासंघाचे अध्यक्ष भगवान बिडवे यांनी दिली.
करोनाचा संसर्ग पसरू नये याकरिता सरकारकडून लॉकडाउनचा निर्णय घेण्यात आला होता. सलून दुकानेदेखील बंद करण्याचे निर्देश मार्च महिन्यात सरकारकडून देण्यात आले. व्यावसायिकांनी सरकारला सहकार्य केले. परंतु, लॉकडाउनचे नियम शिथिल करून प्रशासनाने अन्य अनेक व्यवसायांना खुले करण्यास परवानगी दिली आहे. परंतु, सलून दुकाने, ब्यूटिपार्लर खुले करण्यास परवानगी मिळू शकलेली नाही. त्यामुळे सलून व्यावसायिकांना आर्थिक कोंडीचा सामना करावा लागत आहे. याबाबत राज्यात विविध ठिकाणी मंत्र्यांना साकडे घालण्यात आले असून, बुधवारी निर्णय घेतला जाईल, असे आश्वासन संघटनांना देण्यात आले आहे. मात्र, सकारात्मक तोडगा निघाला नाही, तर गुरुवारी आंदोलन करण्याचा निर्णय राष्ट्रीय नाभिक महासंघ, महाराष्ट्र नाभिक महामंडळासह सलून ब्यूटिपार्लर असोसिएशन, महाराष्ट्र नाभिक सलून असोसिएशन, नाभिक युवा सेना, महाराष्ट्र हेअर ड्रेसर्स अँड ब्यूटिशिअन असोसिएशन, नाभिक कर्मचारी महासंघ यांसह राज्यातील सलून व ब्यूटिपार्लर व्यावसायिकांच्या संघटनांच्या नेतृत्वाखाली हजारो सलून व्यावसायिक सहभागी होतील, असा इशारा संघटनेचे राष्ट्रीय अध्यक्ष भगवान बिडवे, प्रदेशाध्यक्ष दत्ता अनारसे, महासचिव प्रभाकर फुलबांधे, दिलीप अनार्थे, अंबादास पाटील यांनी दिला आहे.