नाशिक : अंतर्गत गटबाजी तसेच आपल्याच सहकाऱ्यांबद्दल निर्माण केले जाणारे संशयाचे धुके आणि पक्षातील ज्येष्ठांच्या घराणेशाहीमुळे शहरातील शिवसेना (उद्धव बाळासाहेब ठाकरे) फुटीच्या उंबरठ्यावर आहे. त्यामुळे पक्षातील डॅमेज कंट्रोलसाठी संपर्क नेते तथा खासदार संजय राऊत आज, गुरुवारी (दि. १) मैदानात उतरत आहेत. ते उद्या, शुक्रवारी (दि. २) दिवसभर पदाधिकाऱ्यांसह माजी नगरसेवकांशी ‘वन टू वन’ चर्चा करून त्यांच्या अडचणी समजून घेणार आहेत. त्यानंतर मेळाव्याच्या माध्यमातून ते भाजपसह शिंदे गटावर प्रहार करणार आहेत.
मुख्यमंत्री एकनाथ शिंदे यांनी केलेल्या बंडात नाशिकमधून एक खासदार दोन आमदार सहभागी झाले असले तरी, ठाकरे गटाला संघटनात्मक पातळीवर मोठा धक्का देण्यात यश आलेले नाही. नाशिकमध्ये शिंदे गटाला पालकमंत्री दादा भुसे, खासदार हेमंत गोडसे, आमदार सुहास कांदे पाठोपाठ प्रवीण तिदमे, श्यामकुमार साबळे वगळता मोठे पदाधिकारी शिंदे गटात गेलेले नाहीत. शहरातील ३५ पैकी दोन माजी नगरसेवक शिंदे गटात गेले. मात्र, ठाकरे गटातील अंतर्गत गटबाजी आणि ज्येष्ठ पदाधिकाऱ्यांच्या राजकारणामुळे एक गट नाराज असल्याची चर्चा आहे. ज्येष्ठांमध्ये सुरू असलेली घराणेशाही आणि नवोदितांना काम करण्यापासून रोखले जात असल्याने ठाकरे गटातील बारा माजी नगरसेवकांनी शिंदे गटात जाणार असल्याची अफवा ठाकरे गटातील काही असंतुष्टांनी पसरवली होती. मात्र, आता ही अफवा असल्याचे समोर आले आहे. चर्चा जरी थांबली असली तरी शिवसेनेतील मोठा गट नाराज असल्याने या गटाची बाजू ऐकून घेण्यासह पक्षांतर्गत डॅमेज कंट्रोलसाठी राऊत स्वत: नाशिकच्या दौऱ्यावर येत आहेत. ते गुरुवारी सायंकाळी नाशिकमध्ये दाखल होणार आहेत. शुक्रवारी पुन्हा सकाळच्या सत्रात निवडक पदाधिकाऱ्यांशी चर्चा, पत्रकार परिषद व सायंकाळी मेळावा होणार आहे.
शिंदे गट लक्ष्य
नाशिकमधून शिंदे गटात आमदार दादा भुसे, सुहास कांदे तसेच खासदार हेमंत गोडसे यांनी प्रवेश केला. या तिघांव्यतिरिक्त मोठा नेता अद्याप शिंदे गटात गेला नसला तरी, ठाकरे गटाला धक्का देण्यासाठी प्रयत्न केला जात आहे. या पार्श्वभूमीवर ठाकरे गटात फूट पडणार अशा अफवा पसरवल्या जात आहेत. त्यामुळे राऊतांकडून शिंदे गटाला पुन्हा लक्ष्य केले जाणार आहे. यासोबत ते भाजपचाही समाचार घेणार आहेत. त्यामुळे राऊतांच्या या दौऱ्याकडे सर्वांचे लक्ष लागलेले आहे.
उत्तर महाराष्ट्राचे संपर्क नेते संजय राऊत गुरुवारपासून दोन दिवस नाशिक दौऱ्यावर येणार आहेत. यात राऊत पदाधिकारी व नगरसेवकांशी ‘वन टू वन’ चर्चा करणार आहेत. तसेच कार्यकर्त्यांच्या मेळाव्याचे देखील नियोजन सुरू आहे. - भाऊसाहेब चौधरी, संपर्कप्रमुख
मुख्यमंत्री एकनाथ शिंदे यांनी केलेल्या बंडात नाशिकमधून एक खासदार दोन आमदार सहभागी झाले असले तरी, ठाकरे गटाला संघटनात्मक पातळीवर मोठा धक्का देण्यात यश आलेले नाही. नाशिकमध्ये शिंदे गटाला पालकमंत्री दादा भुसे, खासदार हेमंत गोडसे, आमदार सुहास कांदे पाठोपाठ प्रवीण तिदमे, श्यामकुमार साबळे वगळता मोठे पदाधिकारी शिंदे गटात गेलेले नाहीत. शहरातील ३५ पैकी दोन माजी नगरसेवक शिंदे गटात गेले. मात्र, ठाकरे गटातील अंतर्गत गटबाजी आणि ज्येष्ठ पदाधिकाऱ्यांच्या राजकारणामुळे एक गट नाराज असल्याची चर्चा आहे. ज्येष्ठांमध्ये सुरू असलेली घराणेशाही आणि नवोदितांना काम करण्यापासून रोखले जात असल्याने ठाकरे गटातील बारा माजी नगरसेवकांनी शिंदे गटात जाणार असल्याची अफवा ठाकरे गटातील काही असंतुष्टांनी पसरवली होती. मात्र, आता ही अफवा असल्याचे समोर आले आहे. चर्चा जरी थांबली असली तरी शिवसेनेतील मोठा गट नाराज असल्याने या गटाची बाजू ऐकून घेण्यासह पक्षांतर्गत डॅमेज कंट्रोलसाठी राऊत स्वत: नाशिकच्या दौऱ्यावर येत आहेत. ते गुरुवारी सायंकाळी नाशिकमध्ये दाखल होणार आहेत. शुक्रवारी पुन्हा सकाळच्या सत्रात निवडक पदाधिकाऱ्यांशी चर्चा, पत्रकार परिषद व सायंकाळी मेळावा होणार आहे.
शिंदे गट लक्ष्य
नाशिकमधून शिंदे गटात आमदार दादा भुसे, सुहास कांदे तसेच खासदार हेमंत गोडसे यांनी प्रवेश केला. या तिघांव्यतिरिक्त मोठा नेता अद्याप शिंदे गटात गेला नसला तरी, ठाकरे गटाला धक्का देण्यासाठी प्रयत्न केला जात आहे. या पार्श्वभूमीवर ठाकरे गटात फूट पडणार अशा अफवा पसरवल्या जात आहेत. त्यामुळे राऊतांकडून शिंदे गटाला पुन्हा लक्ष्य केले जाणार आहे. यासोबत ते भाजपचाही समाचार घेणार आहेत. त्यामुळे राऊतांच्या या दौऱ्याकडे सर्वांचे लक्ष लागलेले आहे.
उत्तर महाराष्ट्राचे संपर्क नेते संजय राऊत गुरुवारपासून दोन दिवस नाशिक दौऱ्यावर येणार आहेत. यात राऊत पदाधिकारी व नगरसेवकांशी ‘वन टू वन’ चर्चा करणार आहेत. तसेच कार्यकर्त्यांच्या मेळाव्याचे देखील नियोजन सुरू आहे. - भाऊसाहेब चौधरी, संपर्कप्रमुख