सटाणा महसूल व पोलिस प्रशासनाचा निर्णय
म. टा. वृत्तसेवा, सटाणा
उच्च न्यायालयाच्या आदेशानंतर निवासी भागात फटाके विक्री करण्यास मनाई करण्यात आली आहे. त्याचा परिणाम सटाण्यातील फटाके व्यापाऱ्यांवरही झाला आहे. या दिवाळीत सटाणा शहरातील फटाके विक्रीसाठी विक्रेत्यांना महसूल व पोलिस प्रशासनाने थेट आरम नदीपात्रात जागा दिली आहे. यामुळे यंदा फटाके विक्रेता संकटात सापडले आहेत.
गेल्या अनेक वर्षांपासून सटाणा शहर व परिसरात फटाके विक्री कचेरी येथील पोलिस कवायत मैदानावर करण्यात यायची. मात्र चार वर्षांपूर्वी पोलिसांनी जागा देण्यास नकार दिल्याने पालिका प्रशासनाने बसस्थानक पाठीमागे व्यवस्था केली होती. यावर्षी मात्र नुकत्याच उच्च न्यायालयाच्या निकालामुळे हा निर्णय बदलण्यात आला आहे. नुकतीच याबाबत एक बैठक घेऊन फटाके विक्रीसाठी विक्रेत्यांना आरम नदीपात्रातील जागा देण्यात आली आहे.
सटाणा पालिका सभागृहात तहसीलदार सुनील सैंदाणे, पोलिस निरीक्षक हिरालाल पाटील, नगराध्यक्ष सुनील मोरे, मुख्याधिकारी हेमलता दगळे यांच्या उपस्थितीत बैठक झाली. या वेळी बैठकीत चर्चेअंती अखेर सटाणा शहरातील आरम नदीपात्रात विक्रेत्यांना फटाके विक्रीसाठी जागा योग्य असल्याचे महसूल अधिकारी यांनी स्पष्ट केले. यामुळे फटाके व्यावसायिकांना अखेर स्थलांतरित व्हावे लागले आहे.
म. टा. वृत्तसेवा, सटाणा
उच्च न्यायालयाच्या आदेशानंतर निवासी भागात फटाके विक्री करण्यास मनाई करण्यात आली आहे. त्याचा परिणाम सटाण्यातील फटाके व्यापाऱ्यांवरही झाला आहे. या दिवाळीत सटाणा शहरातील फटाके विक्रीसाठी विक्रेत्यांना महसूल व पोलिस प्रशासनाने थेट आरम नदीपात्रात जागा दिली आहे. यामुळे यंदा फटाके विक्रेता संकटात सापडले आहेत.
गेल्या अनेक वर्षांपासून सटाणा शहर व परिसरात फटाके विक्री कचेरी येथील पोलिस कवायत मैदानावर करण्यात यायची. मात्र चार वर्षांपूर्वी पोलिसांनी जागा देण्यास नकार दिल्याने पालिका प्रशासनाने बसस्थानक पाठीमागे व्यवस्था केली होती. यावर्षी मात्र नुकत्याच उच्च न्यायालयाच्या निकालामुळे हा निर्णय बदलण्यात आला आहे. नुकतीच याबाबत एक बैठक घेऊन फटाके विक्रीसाठी विक्रेत्यांना आरम नदीपात्रातील जागा देण्यात आली आहे.
सटाणा पालिका सभागृहात तहसीलदार सुनील सैंदाणे, पोलिस निरीक्षक हिरालाल पाटील, नगराध्यक्ष सुनील मोरे, मुख्याधिकारी हेमलता दगळे यांच्या उपस्थितीत बैठक झाली. या वेळी बैठकीत चर्चेअंती अखेर सटाणा शहरातील आरम नदीपात्रात विक्रेत्यांना फटाके विक्रीसाठी जागा योग्य असल्याचे महसूल अधिकारी यांनी स्पष्ट केले. यामुळे फटाके व्यावसायिकांना अखेर स्थलांतरित व्हावे लागले आहे.