म. टा. प्रतिनिधी, नाशिक
नाशिक जिल्हा व्हॉलीबॉल असोसिएशनच्या वतीने गुरवार (१६ मे) रोजी युथ गटाच्या मुलांच्या आणि मुलींच्या नाशिक जिल्हा निवड चाचणीचे मित्र विहार स्पोर्ट्स क्लब येथे आयोजन करण्यात आले आहे.
या गटासाठी खेळाडूंची जन्मतारीख १ जानेवारी, १९९८ किंवा त्यानंतरची असावी. निवड चाचणीत सहभागी होणाऱ्या खेळाडूंनी आपला जन्मतारखेचा दाखला, इंग्रजीमध्ये बोनाफाईड प्रमाणपत्र, इयत्ता १०वी अथवा १२वीचे प्रमाणपत्र किंवा हॉल तिकिट, आधार कार्ड सादर करणे आवश्यक आहे. या युथ गटाच्या महाराष्ट्र राज्याचा संघ निवड करण्यासाठी राज्य स्पर्धा आणि निवड चाचणीचे आयोजन २२ मे रोजी कुरुंदवाड, जिल्हा कोल्हापूर येथे करण्यात आले आहे. या स्पर्धेत नाशिक जिल्हाचे संघ सहभागी होतील. तरी नाशिक जिल्हातील युथ गटाच्या खेळाडूंनी गुरुवारी (दि.१६ ) रोजी सकाळी ८.३० वाजता मित्र विहार क्लब, मेहर सिग्नल, नाशिक येथे उपस्थित राहावे, असे आवाहन नाशिक जिल्हा व्हॉलीबॉल असोसिएशनच्या वतीने करण्यात आले आहे. अधिक माहितीसाठी जिल्हा सचिव रामदास होते यांच्याशी ९९२२३३०७०२ अथवा आनंद खरे ९४०३२८०१८२ यांच्याशी संपर्क करावा.