नाशिक जिल्हा बँकेतील पिंगळे, पाटील सक्तीच्या रजेवर; ऑडिओ क्लिपप्रकरणी कारवाई

म. टा. विशेष प्रतिनिधी, नाशिक : गटसचिवांच्या बेकायदेशीर निधी अपहार प्रकरणाची ऑडिओ क्लिप बाहेर आल्यानंतर नाशिक जिल्हा बँकेचे मुख्य कार्यकारी अधिकारी शैलेंद्र पिंगळे आणि स्वीयसहायक योगेश पाटील यांना प्रशासक प्रतापसिंग चव्हाण यांनी सक्तीच्या रजेवर पाठवले आहे. जिल्हा बँक आर्थिक अडचणीत असताना बँकेतील अधिकाऱ्यांच्या कारनाम्यांमुळे बँकेच्या वसुलीला ब्रेक बसण्याची शक्यता आहे.

बेकायदेशीर निधी अपहार प्रकरण

नाशिक जिल्हा बँक सध्या आर्थिक संकटात आहे. जिल्हा बँकेच्या प्रशासकांनी बँकेला आर्थिक संकटातून बाहेर काढण्यासाठी प्रयत्न सुरू केले असताना, जिल्हा बँकेच्या अधिकाऱ्यांनी केलेल्या उद्योगामुळे बँक पुन्हा अडचणीत येत आहे. आता जिल्हा बँकेतील गटसचिवांच्या बेकायदेशीर निधी अपहार प्रकरणाची ऑडिओ क्लिप बाहेर आली असून, त्यात सीईओ पिंगळे आणि शाखाधिकाऱ्यांमध्ये संवादाने खळबळ उडाली आहे. या प्रकाराची गंभीर दखल प्रशासक सिंग यांनी घेतली आहे.
सभापतिपदी देवीदास पिंगळेच! नाशिक 'कृउबा'च्या उपसभापतिपदी खांडबहाले बिनविरोध
पिंगळे आणि स्वीयसहायक योगेश पाटील यांना सक्तीच्या रजेवर पाठवत, या प्रकरणाच्या चौकशीचे आदेश सिंग यांनी दिल्याने बँक वर्तुळात खळबळ उडाली आहे.