'जेसीआय नासिक ग्रेपसिटी क्वीन्स'च्या
अध्यक्षपदी शीतल जोशी
…
म. टा. प्रतिनिधी, नाशिक
जेसीआय नाशिक ग्रेपसिटी क्वीन्स संस्थेची वार्षिक सर्वसाधारण सभा नुकतीच पार पडली. त्यामध्ये नवीन कार्यकारणीची निवड करण्यात आली. शीतल जोशी पाचव्या अध्यक्षा म्हणून तर सचिवपदी दीपिका तांबट यांची निवड करण्यात आली.
हॉटेल रॉयल हेरिटेज येथे झालेल्या सभेत जेसीआय नाशिक ग्रेपसिटी क्वीन्स यांच्या कोषाध्यक्षांनी वार्षिक ताळेबंद सादर केला. नवनियुक्त अध्यक्षा शीतल जोशी यांच्या कार्यकारणीत सारिका वाघमारे यांनी कोषाध्यक्ष पदाची जबाबदारी स्वीकारली. वीणा चांडक, गायत्री शिरापुरे, सुवर्णा रोकडे, अस्मा मन्सुरी, पूनम दीक्षित, सुनीता पारख, आणि प्रज्ञा आपटे यांची विविध पदावर निवड करण्यात आली. डॉ. विनया तिसगावकर, माधुरी पवार, स्थापना अध्यक्षा वैशाली भाभी पारख, अजय चव्हाण, पराग जोशी यांनी निवडणूक अधिकारी म्हणून काम पाहिले. जेसीआय ग्रेपसिटीचे संस्थापक अध्यक्ष प्रफुल्ल पारख, संस्थापक अध्यक्षा वैशाली पारख, २०१९ च्या अध्यक्षा सुप्रिया जैन यांनी नवनिर्वाचित अध्यक्षा शीतल जोशी आणि नूतन कार्यकारिणीला पुढील वाटचालीसाठी शुभेच्छा दिल्या.