शिंदे सरकारमध्ये खातेवाटपावरून नाराजी? गिरीश महाजन जरा स्पष्टच बोलले

नाशिक : पालकमंत्री कोण कुठल्या जिल्ह्याचे हे अजून ठरलेलं नाही. ते येत्या एक दोन दिवसांत निश्चित होईल. त्यानंतरच ते स्पष्ट होईल. पण मी अजूनतरी नाशिक जिल्ह्याचा पालकमंत्री नाही, असं गिरीश महाजन यांनी स्पष्ट केलं. आगामी मंत्रिमंडळ विस्तारात महिलांनाही स्थान दिले जाईल. आणि बॅकलॉग भरून काढू. निकषाप्रमाणे जेवढं देणं आवश्यक आहेत, ते महिलांना दिलं जाईल किंवा त्यापेक्षाही अधिक मिळेल, असं महाजन म्हणाले.

शिंदे गटातील मंत्री खातेवाटपावरून नाराज असल्याचं बोललं जात आहे. त्यावरही गिरीश महाजन बोलले. खातेवाटपावरून कोणाची नाराजी नाही. दीपक केसरकर यांनीही नंतर स्पष्टीकरण दिलं आहे. एक दोन तीन दिवस थोडंफार हे चालेल. सर्वांनी आपला कार्यभार हाती घेतला की कामाला सुरळीत सुरवात होईल. कुठेही नाराजीचा सूर राहणार नाही. अजून मंत्रिमंडळाचा निम्मा विस्तार व्हायचा आहे. त्यातून नाराजी दूर होईल. आणि पुढील अडीच वर्षे राज्याचा कारभार यशस्वीपणे चालवू, असा विश्वास महाजन यांनी व्यक्त केला.

कोण होणार नाशिक, जळगावचे पालकमंत्री? खातेवाटप जाहीर होण्यापूर्वीच महाजनांचं मोठं वक्तव्य

दुय्यम खाती शिंदे गटाला दिल्याचा आरोप महाजनांनी फेटाळून लावला. भाजपने चांगले खाते ठेवले असे काही नाही कोणतंही खातं दुय्यम नाही. खातं कुठलंही असू द्या आपण प्रामाणिकपणे आणि पूर्ण ताकदीने काम केलं पाहिजे. त्याचा लाभ आणि त्याचा उपयोग जनतेला आणि राज्याचा विकासासाठी कसा होईल, यासाठी आपण केला पाहिजे. खातं दुय्यम आहे, तिय्यम आहे असं म्हणण्याला काहीच अर्थ नाही, असं महाजन म्हणाले.

निधी संपवा, अन्यथा कारवाई;विभाग प्रमुखांना महापालिका आयुक्तांच्या इशारा

ग्रामविकास सारखं खात मला मिळालं. माझी नाळ ग्रामीण भागाशी आहे. त्याचा मला आनंद आहे. क्रीडा खातं देखील माझ्याकडे आहे. मी खेळाडू आहे शालेय जीवनापासून. आणि आपल्याकडे क्रीडा खातं आल्याने त्याचाही मला आनंद आहे. खेळाडूंना न्याय देण्याचा विशेष प्रयत्न करेल, असं गिरीश महाजन म्हणाले.