म. टा. खास प्रतिनिधी, नाशिक
सत्ता व वैयक्तिक स्वार्थासाठी छत्रपती शिवाजी महाराजांच्या नावाचा सर्वजण वापर करतात. आपल्याला त्याचा अभिमान आहे, असा समजही करतात. पण, व्यवहारात ते दिसत नसल्याचे खडे बोल शिवप्रतिष्ठान संघटनेचे संस्थापक संभाजी भिडे गुरुजींनी सुनावले. शिवाजी महाराजांबद्दल आदर असेल, तर व्यसनापासून दूर रहा असे सांगत नाशिकमधील मेळाव्यात त्यांनी कार्यकर्त्यांना व्यसनमुक्तीची शपथही दिली. दरम्यान, प्रचंड पोलिस बंदोबस्तात झालेल्या या मेळाव्यावर विरोधाचे सावट मात्र कायम होते.
रायगडावर १३८४ किलोचे छत्रपती शिवाजी महाराजांचे सिंहासन बनविण्यासाठी उत्तर महाराष्ट्राचा दौरा करणाऱ्या संभाजी भिडे गुरुजी यांचा नाशिक येथे मेळावा झाला. गोदाकाठावरील रविवार कारंजा येथील वडागंळीकर हॉलमध्ये भरलेल्या गुरुजींच्या या शाळेत कार्यकर्त्यांनी मोठी गर्दी केली होती. आंबेडकरवादी संघटनेचा विरोध व पोलिसांनी प्रक्षोभक भाषण करण्यास केलेल्या मनाईमुळे भिडे गुरुजींनी नाशिकच्या मेळाव्यात राष्ट्रप्रेमाचे धडे देत ऐतिहासिक दाखले दिले. देशात दारू पिण्यात महाराष्ट्र एक नंबरवर असल्याचे सांगत, १ कोटी ४३ लाख लिटर दारू विक्री होत असल्याचे नमूद करीत टीकाही केली. राष्ट्रीयत्व जागे करण्याची हाक देत भारताची सांपत्तिक स्थितीही त्यांनी सांगितली. अडीच तासाहून अधिक काळ सुरू असलेल्या भाषणात भिडे गुरुजींनी देशाचा इतिहास, परकियांचे आक्रमण व छत्रपती शिवाजी महाराजांचा इतिहास मांडला. या इतिहासातून आपण काय शिकलो व काय घेतले हे सांगत कार्यकर्त्यांचे कानही टोचले.
कडेकोट पोलिस बंदोबस्त
भिडे गुरुजींच्या सभेला कडेकोट बंदोबस्त ठेवल्यामुळे पोलिस छावणीचे स्वरूप आले होते. दहा निरीक्षक, ३० उपनिरीक्षक, १५० कर्मचारी, ५० महिला कर्मचारी, स्ट्रायकिंग फोर्स, साध्या वेशातील पोलिस असा बंदोबस्त तैनात करण्यात आला होता. या सभेसाठी वाहतुकीचा मार्गही बदलण्यात आल्यामुळे वाहनधारकांची गैरसोय झाली. सभेसाठी अशोकस्तंभ ते रविवार कारंजा मार्गावर वाहनांना प्रवेश बंद करण्यात आला होता. त्याचप्रमाणे इतर छोट्या मार्गावरील वाहतुकीसाठी बंद केली होती.
गुरुजींनी पोलिसांनी काढले बाहेर
मेळावा सुरू झाल्यानंतर सर्वांना बसण्याचे आवाहन केल्यानंतर गुरुजींनी पोलिसांनाही बसण्याचे आवाहन केले. पोलिस उभे असले तर सर्वांवर दडपण येते असे सांगत, बसणे शक्य नसल्यास बाहेर जाण्याची सूचना केली. यामुळे पोलिसही हॉलबाहेर गेले.
सत्ता व वैयक्तिक स्वार्थासाठी छत्रपती शिवाजी महाराजांच्या नावाचा सर्वजण वापर करतात. आपल्याला त्याचा अभिमान आहे, असा समजही करतात. पण, व्यवहारात ते दिसत नसल्याचे खडे बोल शिवप्रतिष्ठान संघटनेचे संस्थापक संभाजी भिडे गुरुजींनी सुनावले. शिवाजी महाराजांबद्दल आदर असेल, तर व्यसनापासून दूर रहा असे सांगत नाशिकमधील मेळाव्यात त्यांनी कार्यकर्त्यांना व्यसनमुक्तीची शपथही दिली. दरम्यान, प्रचंड पोलिस बंदोबस्तात झालेल्या या मेळाव्यावर विरोधाचे सावट मात्र कायम होते.
रायगडावर १३८४ किलोचे छत्रपती शिवाजी महाराजांचे सिंहासन बनविण्यासाठी उत्तर महाराष्ट्राचा दौरा करणाऱ्या संभाजी भिडे गुरुजी यांचा नाशिक येथे मेळावा झाला. गोदाकाठावरील रविवार कारंजा येथील वडागंळीकर हॉलमध्ये भरलेल्या गुरुजींच्या या शाळेत कार्यकर्त्यांनी मोठी गर्दी केली होती. आंबेडकरवादी संघटनेचा विरोध व पोलिसांनी प्रक्षोभक भाषण करण्यास केलेल्या मनाईमुळे भिडे गुरुजींनी नाशिकच्या मेळाव्यात राष्ट्रप्रेमाचे धडे देत ऐतिहासिक दाखले दिले. देशात दारू पिण्यात महाराष्ट्र एक नंबरवर असल्याचे सांगत, १ कोटी ४३ लाख लिटर दारू विक्री होत असल्याचे नमूद करीत टीकाही केली. राष्ट्रीयत्व जागे करण्याची हाक देत भारताची सांपत्तिक स्थितीही त्यांनी सांगितली. अडीच तासाहून अधिक काळ सुरू असलेल्या भाषणात भिडे गुरुजींनी देशाचा इतिहास, परकियांचे आक्रमण व छत्रपती शिवाजी महाराजांचा इतिहास मांडला. या इतिहासातून आपण काय शिकलो व काय घेतले हे सांगत कार्यकर्त्यांचे कानही टोचले.
कडेकोट पोलिस बंदोबस्त
भिडे गुरुजींच्या सभेला कडेकोट बंदोबस्त ठेवल्यामुळे पोलिस छावणीचे स्वरूप आले होते. दहा निरीक्षक, ३० उपनिरीक्षक, १५० कर्मचारी, ५० महिला कर्मचारी, स्ट्रायकिंग फोर्स, साध्या वेशातील पोलिस असा बंदोबस्त तैनात करण्यात आला होता. या सभेसाठी वाहतुकीचा मार्गही बदलण्यात आल्यामुळे वाहनधारकांची गैरसोय झाली. सभेसाठी अशोकस्तंभ ते रविवार कारंजा मार्गावर वाहनांना प्रवेश बंद करण्यात आला होता. त्याचप्रमाणे इतर छोट्या मार्गावरील वाहतुकीसाठी बंद केली होती.
गुरुजींनी पोलिसांनी काढले बाहेर
मेळावा सुरू झाल्यानंतर सर्वांना बसण्याचे आवाहन केल्यानंतर गुरुजींनी पोलिसांनाही बसण्याचे आवाहन केले. पोलिस उभे असले तर सर्वांवर दडपण येते असे सांगत, बसणे शक्य नसल्यास बाहेर जाण्याची सूचना केली. यामुळे पोलिसही हॉलबाहेर गेले.