म. टा. खास प्रतिनिधी ,नाशिक
राज्याचे सहकार, पणन व वस्त्रोद्योग मंत्री सुभाष देशमुख हे बुधवारपासून नाशिक दौऱ्यावर आले असून, गुरुवारी त्यांच्या उपस्थितीत आढावा बैठकीत झाडाझडती होणार आहे. सहकार व पणन विभागाच्या बैठकीत ते काय निर्णय घेतात, याकडेही सर्वांचे लक्ष लागले आहे.
या दौऱ्यात ते सकाळी साडेआठ वाजता सह्याद्री अॅग्रो कंपनीस भेट देणार आहे. त्यानंतर ते जिल्हयातील १७ कृषी उत्पन्न बाजार समितीचा आढावा गडकरी चौकात आयोजित केलेल्या बैठकीत १० वाजता घेणार आहे. त्यानंतर दुपारी ११.१५ वाजता नाशिक विभागाच्या बैठकीत सहकाराचा आढावा घेणार आहे. कृषी उत्पन्न बाजार समितीची एकूण वाटचाल व त्यांच्या कामाच्या पद्धतीबद्दल अगोदरच ओरड आहे. त्यात अनेक योजनांची अंमलबजावणी ते करत नाही. त्यामुळे शेतकऱ्यांना चांगल्या सुविधा मिळाव्या व या समितीच्या कारभारात सुधारणा व्हाव्या या मागण्या अनेक दिवसांपासून शेतकरी करत आहे.
त्याचप्रमाणे सहकाराच्या नाईसच्या हॉलमध्ये होणाऱ्या बैठकीत नाशिक, अहमदनगर, जळगाव, धुळे व नंदुरबार जिल्ह्यातील सहकार विभागाचा आढावाही ते घेणार आहेत. नोटाबंदीमुळे अडचणीत आलेल्या जिल्हा बँका, त्यानंतर या विभागात असलेल्या ठेवीदारांचे प्रश्नापासून बँकेच्या अनागोंदी कारभारावरही या बैठकीत झाडाझडती होणार असल्याचे बोलले जात आहे.
राज्याचे सहकार, पणन व वस्त्रोद्योग मंत्री सुभाष देशमुख हे बुधवारपासून नाशिक दौऱ्यावर आले असून, गुरुवारी त्यांच्या उपस्थितीत आढावा बैठकीत झाडाझडती होणार आहे. सहकार व पणन विभागाच्या बैठकीत ते काय निर्णय घेतात, याकडेही सर्वांचे लक्ष लागले आहे.
या दौऱ्यात ते सकाळी साडेआठ वाजता सह्याद्री अॅग्रो कंपनीस भेट देणार आहे. त्यानंतर ते जिल्हयातील १७ कृषी उत्पन्न बाजार समितीचा आढावा गडकरी चौकात आयोजित केलेल्या बैठकीत १० वाजता घेणार आहे. त्यानंतर दुपारी ११.१५ वाजता नाशिक विभागाच्या बैठकीत सहकाराचा आढावा घेणार आहे. कृषी उत्पन्न बाजार समितीची एकूण वाटचाल व त्यांच्या कामाच्या पद्धतीबद्दल अगोदरच ओरड आहे. त्यात अनेक योजनांची अंमलबजावणी ते करत नाही. त्यामुळे शेतकऱ्यांना चांगल्या सुविधा मिळाव्या व या समितीच्या कारभारात सुधारणा व्हाव्या या मागण्या अनेक दिवसांपासून शेतकरी करत आहे.
त्याचप्रमाणे सहकाराच्या नाईसच्या हॉलमध्ये होणाऱ्या बैठकीत नाशिक, अहमदनगर, जळगाव, धुळे व नंदुरबार जिल्ह्यातील सहकार विभागाचा आढावाही ते घेणार आहेत. नोटाबंदीमुळे अडचणीत आलेल्या जिल्हा बँका, त्यानंतर या विभागात असलेल्या ठेवीदारांचे प्रश्नापासून बँकेच्या अनागोंदी कारभारावरही या बैठकीत झाडाझडती होणार असल्याचे बोलले जात आहे.