सिन्नर : शहरात तसेच तालुक्यात विविध संघटना, मित्रमंडळ, शाळा, महाविद्यालयात विविध सामाजिक उपक्रम, ऐतिहासिक देखावे, मिरवणुका, सांस्कृतिक कार्यक्रमांनी शिवजयंती साजरी करण्यात आली. शिजन्मोत्सव सोहळा समितीचे अध्यक्ष विठ्ठल उगले यांच्या नेतृत्वाखाली येथील आडवाफाटा संभाजीराजे चौकातून शाही मिरवणूक निघाली. आमदार माणिकराव कोकाटे यांनी छत्रपती शिवाजी महाराजांच्या प्रतिमेस अभिवादन करण्यात आले. मिरवणुकीत विविध प्राथमिक शाळा तसेच माध्यमिक विद्यालय यांच्यावतीने सहभागी झालेल्या चित्ररथांचे स्वागत करण्यात आले. यावेळी आमदार कोकाटे, जिल्हा राष्ट्रवादीचे अध्यक्ष कोंडाजी आव्हाड, जि. प. सदस्या सीमंतिनी कोकाटे, सीमा कोकाटे, इंदूताई कोकाटे, राजेश गडाख, अभिषेक गडाख, अमित गडाख, दिलीप बिन्नर, कृष्णा कासार आदी मान्यवर उपस्थित होते. मिरवणुकीचे मुख्य आकर्षण म्हणजे पाथरे हायस्कूलच्या विद्यार्थ्यांनी बनविलेल्या विशिष्ट तोफेतून शिवाजी महाराजांच्या प्रतिमेवर पुष्पवृष्टी करण्यात आली. पाथरे येथील सरपंच मच्छिंद्र चिने यांच्या संकल्पनेतून ही तोफ शिक्षक व विद्यार्थ्यांनी बनविली. सिन्नर शहरातील एस.जी.पब्लिक प्राथमिक व माध्यमिक विद्यालय, सिल्व्हर लोटस, महात्मा फुले विद्यालय, संजीवनी प्राथमिक विद्या मंदिर, चांडक कन्या तसेच ब. ना. सारडा विद्यालय, भिकुसा हायस्कूल, नवजीवन डे स्कूल, एस. बी. वाजे विद्यालय तसेच तालुक्यातील सोनांबे, कोनांबे, पाथरे येथील विद्यालयांनी सहभाग घेतला.
सिन्नरला शिवजन्मोत्सव सोहळा
शहरात तसेच तालुक्यात विविध संघटना, मित्रमंडळ, शाळा, महाविद्यालयात विविध सामाजिक उपक्रम, ऐतिहासिक देखावे, मिरवणुका, सांस्कृतिक कार्यक्रमांनी शिवजयंती ...
महाराष्ट्र टाइम्स.कॉम 20 Feb 2020, 4:00 am