म. टा. प्रतिनिधी, नाशिक आकार वेल्फेअर फाउंडेशनच्या वतीने नाशिक शहरातील सुसंस्कार प्रतिष्ठानच्या अंबड येथील विद्यालयात गरजू विद्यार्थ्यांना शैक्षणिक साहित्याचे वाटप करण्यात आले. अंबड येथील जितमल छाजेड विद्यालयातील गरजू विद्यार्थ्यांना आकार वेल्फेअर फाउंडेशनच्या संस्थापिका अनिता पाटील यांच्या मार्गदर्शनाखाली २१ जुलै रोजी नाशिक येथे झालेल्या रन फॉर ऑर्गन या उपक्रमात विद्यार्थ्यांना शाळेचे दप्तर, वह्या, पुस्तके, पेन, पेन्सिल इत्यादी स्टेशनरी वाटप करण्यात आली. आकार वेल्फेअर फाउंडेशनच्या माध्यमातून येत्या शैक्षणिक वर्षात अशा गरजू विद्यार्थ्यांचे शैक्षणिक खर्च उचलून त्यांना वर्षभर मदत करण्यात येईल असे प्रतिपादन स्मिता पाटील यांनी व्यक्त केले. यावेळी पोलिस उपायुक्त लक्ष्मीकांत पाटील, शेफाली भुजबळ, नाशिक जिमखान्याचे अध्यक्ष नरेंद्र छाजेड, नाशिक जिल्हा क्रिकेट असोसिएशनचे अध्यक्ष विनोद शहा आदी उपस्थित होते. याचबरोबर ज्योती कर्पे, पूनम कनव, अरुणा राणे व आकार ग्रुपचे सर्व सभासद उपस्थित होते.
आकार वेल्फेअरचा गरजू विद्यार्थ्यांना आधार
म टा...
महाराष्ट्र टाइम्स.कॉम 25 Jul 2019, 4:00 am