सातपूर : नाशिक महापालिकेने शहरातील मोकाट जनावरे पकडण्यासाठी ठेकेदाराची नेमणूक केली आहे. गेल्या वर्षी सातपूर भागातील सर्वच मोकाट जनावरे खासगी
ठेकेदाराने कोंडवाड्यात टाकली होती. मात्र, यंदा पावसाळा सुरू झाल्यानंतर पुन्हा मोकाट जनावरांचा सातपूरच्या मुख्य रस्त्यांवर वावर दिसून येत आहे. यामुळे वाहतुकीला मोठा अडथळा निर्माण होत असल्याने संबंधित जनावरांना महापालिका ठेकेदाराने ताब्यात घ्यावे, अशी मागणी वाहनचालकांकडून केली जात आहे.