म. टा. प्रतिनिधी, नाशिक
यंदाच्या पावसाने जरी दिवाळीच्या खरेदीवर विरजण पडल्याची स्थिती असली, तरी घरगुती पदार्थ किंवा दिवाळीचे इतर साहित्य तयार केलेल्या असंख्य विक्रेत्यांनी सोशल मीडियाद्वारे आपले पदार्थ, वस्तूंचे मार्केटिंग सुरू केल्याचे दिसून येत आहे.
सजवलेल्या पणत्या, दिवे, आकाशकंदील, प्लास्टिकच्या रांगोळ्या व मुख्य म्हणजे दिवाळीतील फराळांचे पदार्थ आदी वस्तूंचे अनेकांकडून फेसबुक, व्हॉट्सअॅपवर मार्केटिंग केले जात आहे. या वस्तू घरपोच देण्याची सुविधाही उपलब्ध करून दिली असल्याने अन्य व्यावसायिकांप्रमाणेच त्यांनाही चांगला प्रतिसाद मिळत आहे.
अनेकांकडून आपली कलाकुसर, कौशल्य केवळ एका ठराविक ठिकाणापुरते मर्यादित न ठेवता त्याला सोशल मीडियाच्या स्वरूपात व्यासपीठ उपलब्ध करून दिले जात आहे. त्यामुळे असंख्य गृहिणींना आर्थिक मिळकतीची कवाडे खुली झाली आहेत. अनेक महिला या व्यासपीठाचा लाभ घेताना दिसत आहेत. त्यांच्याकडून आपल्या छंदाला व्यवसायाचे रूप देऊन घरगुती पद्धतीने बनविलेल्या फराळाचे सोशल व्यासपीठामार्फत मार्केटिंग केले जात आहे. यामध्ये विविध प्रकारचे लाडू, शेव, चकल्या, चिवडा, शंकरपाळे, चिरोट्या, करंजा अादी पदार्थांचा समावेश आहे.
घरपोच सुविधेमुळे पसंती
कोणत्याही ऑनलाइन शॉपिंग साइट्सप्रमाणेच फराळाचे हे साहित्यदेखील घरपोच देण्याची सुविधा उपलब्ध करून दिली जात असल्याने विविध विक्रेत्यांप्रमाणेच अशा घरगुती पदार्थांना मिळणारा प्रतिसादही चांगला आहे. विशेष म्हणजे यातील अनेक जण स्थानिकच असल्याने वेळेत हे पदार्थ मिळत असल्याने ग्राहकांतही समाधान दिसून येत आहे.
---
आम्ही मैत्रिणींनी एकत्रितपणे दिवाळीनिमित्त हा व्यवसाय सुरू केला. आमच्याकडील पदार्थ इतरांपर्यंत पोहोचविण्यासाठी फेसबुक, व्हॉट्सअॅपवर त्याचे ब्रँडिंग करतो. त्याला प्रतिसादही चांगला मिळत आहे.
- स्वाती पवार, गृहिणी
यंदाच्या पावसाने जरी दिवाळीच्या खरेदीवर विरजण पडल्याची स्थिती असली, तरी घरगुती पदार्थ किंवा दिवाळीचे इतर साहित्य तयार केलेल्या असंख्य विक्रेत्यांनी सोशल मीडियाद्वारे आपले पदार्थ, वस्तूंचे मार्केटिंग सुरू केल्याचे दिसून येत आहे.
सजवलेल्या पणत्या, दिवे, आकाशकंदील, प्लास्टिकच्या रांगोळ्या व मुख्य म्हणजे दिवाळीतील फराळांचे पदार्थ आदी वस्तूंचे अनेकांकडून फेसबुक, व्हॉट्सअॅपवर मार्केटिंग केले जात आहे. या वस्तू घरपोच देण्याची सुविधाही उपलब्ध करून दिली असल्याने अन्य व्यावसायिकांप्रमाणेच त्यांनाही चांगला प्रतिसाद मिळत आहे.
अनेकांकडून आपली कलाकुसर, कौशल्य केवळ एका ठराविक ठिकाणापुरते मर्यादित न ठेवता त्याला सोशल मीडियाच्या स्वरूपात व्यासपीठ उपलब्ध करून दिले जात आहे. त्यामुळे असंख्य गृहिणींना आर्थिक मिळकतीची कवाडे खुली झाली आहेत. अनेक महिला या व्यासपीठाचा लाभ घेताना दिसत आहेत. त्यांच्याकडून आपल्या छंदाला व्यवसायाचे रूप देऊन घरगुती पद्धतीने बनविलेल्या फराळाचे सोशल व्यासपीठामार्फत मार्केटिंग केले जात आहे. यामध्ये विविध प्रकारचे लाडू, शेव, चकल्या, चिवडा, शंकरपाळे, चिरोट्या, करंजा अादी पदार्थांचा समावेश आहे.
घरपोच सुविधेमुळे पसंती
कोणत्याही ऑनलाइन शॉपिंग साइट्सप्रमाणेच फराळाचे हे साहित्यदेखील घरपोच देण्याची सुविधा उपलब्ध करून दिली जात असल्याने विविध विक्रेत्यांप्रमाणेच अशा घरगुती पदार्थांना मिळणारा प्रतिसादही चांगला आहे. विशेष म्हणजे यातील अनेक जण स्थानिकच असल्याने वेळेत हे पदार्थ मिळत असल्याने ग्राहकांतही समाधान दिसून येत आहे.
---
आम्ही मैत्रिणींनी एकत्रितपणे दिवाळीनिमित्त हा व्यवसाय सुरू केला. आमच्याकडील पदार्थ इतरांपर्यंत पोहोचविण्यासाठी फेसबुक, व्हॉट्सअॅपवर त्याचे ब्रँडिंग करतो. त्याला प्रतिसादही चांगला मिळत आहे.
- स्वाती पवार, गृहिणी