सटाणा : भारतीय सैन्यदलात सेवेत असलेल्या सटाणा येथील कुलदीप नंदकिशोर जाधव या जवानाचा लेहनजीक बलसीजवळ मृत्यू झाला. जाधव कारगिल येथे कर्तव्यावर होते. त्यांना आठ दिवसांपूर्वीच मुलगा झाला होता. त्याला पाहण्यासाठी ते सुटी घेऊन येत होते. तत्पूर्वीच त्यांचा मृत्यू झाल्याने शहरात हळहळ व्यक्त होत आहे. जाधव यांच्या मागे आईवडील, भाऊ, पत्नी, मुलगा असा परिवार आहे. बागलाण तालुक्यातील पिंगळवाडे येथील रहिवासी असलेले जाधव कुटुंब सध्या सटाणा येथील भाक्षी रोड येथे वास्तव्यास आहे. कुलदीप यांचे वडील जिल्हा परिषदेच्या शाळेत शिक्षक आहेत. कारगिल येथून लेहकडे येत असताना वाटेत ते बलसी येथे थांबले होते. तेथे काही लोकांना त्यांचा मृतदेह आढळला. त्यांचा मृत्यू कशामुळे झाला हे उत्तरीय तपासणीनंतरच समजू शकेल, अशी माहिती जिल्हा सैनिक अधिकारी ओमकार कापले यांनी दिली.
सटाणा येथील जवानाचा मृत्यू
भारतीय सैन्यदलात सेवेत असलेल्या सटाणा येथील कुलदीप नंदकिशोर जाधव या जवानाचा लेहनजीक बलसीजवळ मृत्यू झाला जाधव कारगिल येथे कर्तव्यावर होते...
महाराष्ट्र टाइम्स 22 Nov 2020, 12:45 pm