म. टा. वृत्तसेवा, नाशिकरोड
चेहेडी येथे शनिवारी रात्री बिबट्याच्या हल्ल्यात आयुष जयंत सातपुते हा मुलगा जखमी झाल्याची घटना घडल्यानंतर दुसऱ्या दिवशी वन विभागाच्या बचाव पथकाने चेहेडी गावाजवळील पालिकेच्या मलनिस्सारण केंद्राच्या परिसरात बिबट्याला जेरबंद करण्यासाठी दोन पिंजरे ठेवल्याची माहिती वन परिक्षेत्र अधिकारी विवेक भदाणे यांनी दिली. रविवारी या ठिकाणी पिंजरे ठेवून वन विभागाचे बचाव पथक माघारी परतत नाही तोच सायंकाळी साडेसातच्या दरम्यान सागर दिनकर ताजनपुरे यांच्या घरासमोर अंगणात खेळणाऱ्या लहान मुलांवर हल्ला करण्याच्या तयारीत असलेल्या बिबट्याने दर्शन दिल्याची घटना घडली.
बिबट्याच्या हल्ल्यांच्या पार्श्वभूमीवर वन विभागाच्या पथकाने परिसरास भेट देऊन पाहणी केली आणि रविवारी दोन पिंजरेही ठेवले. नागरिकांना सुरक्षिततेबाबत सूचना देऊन वन विभागाचे बचाव पथक माघारी परतताच साडेसातला मलनिस्सारण केंद्राजवळच वास्तव्यास असलेले सागर ताजनपुरे यांच्या घरासमोरील अंगणात खेळणाऱ्या लहान मुलांवर हल्ल्याच्या तयारीत दबा धरून बसलेल्या बिबट्याने दर्शन दिले. मात्र, बिबट्या दिसताच सागर ताजनपुरे यांच्या कुटुंबीयांनी अंगणातील मुलांना तत्काळ घरात घेतल्याने बिबट्या शेजारच्या पिकांत निघून गेला.
क्षणभर जरी विलंब झाला असता तरी बिबट्याने खेळणाऱ्या मुलांवर झडप घातली असती; परंतु ताजनपुरे कुटुंबीयांच्या सतर्कतेने अनर्थ टळला. या घटनेची माहिती मिळताच चेहेडीत वन विभागाचे बचाव पथक दाखल झाले. शनिवारच्या घटनेतील जखमी आयुष या मुलाला रविवारी सिन्नर फाटा येथील रुग्णालयातून नाशिकमधील एका खासगी रुग्णालयात उपचारासाठी हलविल्याची माहिती त्याच्या कुटुंबीयांनी दिली.
चेहेडी येथे शनिवारी रात्री बिबट्याच्या हल्ल्यात आयुष जयंत सातपुते हा मुलगा जखमी झाल्याची घटना घडल्यानंतर दुसऱ्या दिवशी वन विभागाच्या बचाव पथकाने चेहेडी गावाजवळील पालिकेच्या मलनिस्सारण केंद्राच्या परिसरात बिबट्याला जेरबंद करण्यासाठी दोन पिंजरे ठेवल्याची माहिती वन परिक्षेत्र अधिकारी विवेक भदाणे यांनी दिली. रविवारी या ठिकाणी पिंजरे ठेवून वन विभागाचे बचाव पथक माघारी परतत नाही तोच सायंकाळी साडेसातच्या दरम्यान सागर दिनकर ताजनपुरे यांच्या घरासमोर अंगणात खेळणाऱ्या लहान मुलांवर हल्ला करण्याच्या तयारीत असलेल्या बिबट्याने दर्शन दिल्याची घटना घडली.
बिबट्याच्या हल्ल्यांच्या पार्श्वभूमीवर वन विभागाच्या पथकाने परिसरास भेट देऊन पाहणी केली आणि रविवारी दोन पिंजरेही ठेवले. नागरिकांना सुरक्षिततेबाबत सूचना देऊन वन विभागाचे बचाव पथक माघारी परतताच साडेसातला मलनिस्सारण केंद्राजवळच वास्तव्यास असलेले सागर ताजनपुरे यांच्या घरासमोरील अंगणात खेळणाऱ्या लहान मुलांवर हल्ल्याच्या तयारीत दबा धरून बसलेल्या बिबट्याने दर्शन दिले. मात्र, बिबट्या दिसताच सागर ताजनपुरे यांच्या कुटुंबीयांनी अंगणातील मुलांना तत्काळ घरात घेतल्याने बिबट्या शेजारच्या पिकांत निघून गेला.
क्षणभर जरी विलंब झाला असता तरी बिबट्याने खेळणाऱ्या मुलांवर झडप घातली असती; परंतु ताजनपुरे कुटुंबीयांच्या सतर्कतेने अनर्थ टळला. या घटनेची माहिती मिळताच चेहेडीत वन विभागाचे बचाव पथक दाखल झाले. शनिवारच्या घटनेतील जखमी आयुष या मुलाला रविवारी सिन्नर फाटा येथील रुग्णालयातून नाशिकमधील एका खासगी रुग्णालयात उपचारासाठी हलविल्याची माहिती त्याच्या कुटुंबीयांनी दिली.