नाशिक : मेहेर सिग्नल येथील एका पाववडा विक्रेत्यावर सायंकाळी वर्दळीच्यावेळी पाच ते सहा जणांनी धारदार हत्यारांनी वार केले. या हल्ल्यात संजय मुर्तडक (रा. तुळजाभवानी नगर, पंचवटी) हा गंभीर जखमी झाला आहे. पोलिसांनी दिलेल्या माहितीनुसार संजय आणि संशयितांचे आर्थिक व्यवहार आहेत. या व्यवहारातूनच त्यांच्यामध्ये सायंकाळी वाद झाले. यातूनच संजय यांच्या हातावर आणि पाठीवर धारदार हत्यारांनी वार करण्यात आले. यामध्ये ते गंभीर जखमी झाले असून, त्यांना उपचारासाठी सिव्हिल हॉस्पिटलमध्ये दाखल करण्यात आले. या प्रकरणी सरकारवाडा पोलिस स्टेशनमध्ये गुन्हा दाखल करण्याचे काम रात्री उशिरापर्यंत सुरू होते.
पाववडा विक्रेत्यावर वार
मेहेर सिग्नल येथील एका पाववडा विक्रेत्यावर सायंकाळी वर्दळीच्यावेळी पाच ते सहा जणांनी धारदार हत्यारांनी वार केले या हल्ल्यात संजय मुर्तडक (रा...
30 21 Feb 2019, 4:00 am