म. टा. वृत्तसेवा, नाशिकरोड
महापालिकेने सहा वर्षांपूर्वी चेहेडी पंपींग येथे बांधलेली व्यायामशाळेची इमारत धूळ खात पडून आहे. या इमारतीत वापर अभ्यासिका सुरू करावी, अशी युवावर्गाकडून मागणी करण्यात आली आहे.
चेहेडी पंपींग परिसरात लोकसंख्या वाढली आहे. नवीन इमारती येथे उभारल्या जात आहेत. येथे महापालिकेने बांधलेली वास्तू सहा वर्षांपासून विनावापर आहे. तक्रार करूनदेखील पालिका प्रशासन व लोकप्रतिनिधींनी दुर्लक्ष केल्याची नागरिकांची तक्रार आहे. याची दखल घेत सहा महिन्यांपूर्वी आयुक्तांनी या वास्तूची पाहणी केली. परंतु, याबाबत आजपर्यंत कोणताही निर्णय घेण्यात आलेला नाही. त्यामुळे ही वास्तू अभ्यासिका म्हणून घोषित करून सुरू करण्याची मागणी विद्यार्थ्यांकडून होत आहे.
निधीचा अपव्यय
सहा वर्षांपूर्वी व्यायामशाळा म्हणून ही इमारत बांधण्यात आली होती. मात्र, आजपर्यंत त्यात व्यायाम साहित्य नाही. नवीन नगरसेवक आल्यानंतर नागरिकांनी त्यांना भेटून व्यायामशाळेऐवजी अभ्यासिका सुरू करण्याची विनंती केली. तरीही, उपयोग झालेला नाही. आयुक्तांनी भेट दिली तेव्हा अभ्यासिका सुरू करण्याचे आश्वासन दिले होते, तेही हवेत विरले आहे. त्यामुळे या इमारतीसाठी खर्च निधी वाया जाण्याची भीती आहे. इमारतीशेजारीच स्वच्छतागृहाचा वापर मात्र सुरू आहे.
चावी कोणाकडे
या इमारतीची पाहणी करण्यासाठी नागरिकांनी महापालिकेच्या नाशिकरोड कार्यालयात चावीची मागणी केली. तेव्हा त्यांनी चावी आपल्याकडे नसून, नगरसेवकाकडे असल्याचे सांगितले. नगरसेवकांना भेटल्यावर त्यांनी चावी आपल्याकडे नसल्याचे स्पष्ट केले. त्यामुळे इमारत कोणाच्या ताब्यात आहे, याबाबत संभ्रम निर्माण झाला आहे.
अभ्यासासाठी येथील विद्यार्थी अटल ज्ञान संकुल व अन्यत्र जातात. त्यामुळे व्यायामशाळेत अभ्यासिका सुरू केली तर त्यांना उपयोग होईल. जाण्यायेण्याचा वेळ व त्रास वाचेल.
प्रसाद घुमरे, विद्यार्थी
महापालिकेने सहा वर्षांपूर्वी चेहेडी पंपींग येथे बांधलेली व्यायामशाळेची इमारत धूळ खात पडून आहे. या इमारतीत वापर अभ्यासिका सुरू करावी, अशी युवावर्गाकडून मागणी करण्यात आली आहे.
चेहेडी पंपींग परिसरात लोकसंख्या वाढली आहे. नवीन इमारती येथे उभारल्या जात आहेत. येथे महापालिकेने बांधलेली वास्तू सहा वर्षांपासून विनावापर आहे. तक्रार करूनदेखील पालिका प्रशासन व लोकप्रतिनिधींनी दुर्लक्ष केल्याची नागरिकांची तक्रार आहे. याची दखल घेत सहा महिन्यांपूर्वी आयुक्तांनी या वास्तूची पाहणी केली. परंतु, याबाबत आजपर्यंत कोणताही निर्णय घेण्यात आलेला नाही. त्यामुळे ही वास्तू अभ्यासिका म्हणून घोषित करून सुरू करण्याची मागणी विद्यार्थ्यांकडून होत आहे.
निधीचा अपव्यय
सहा वर्षांपूर्वी व्यायामशाळा म्हणून ही इमारत बांधण्यात आली होती. मात्र, आजपर्यंत त्यात व्यायाम साहित्य नाही. नवीन नगरसेवक आल्यानंतर नागरिकांनी त्यांना भेटून व्यायामशाळेऐवजी अभ्यासिका सुरू करण्याची विनंती केली. तरीही, उपयोग झालेला नाही. आयुक्तांनी भेट दिली तेव्हा अभ्यासिका सुरू करण्याचे आश्वासन दिले होते, तेही हवेत विरले आहे. त्यामुळे या इमारतीसाठी खर्च निधी वाया जाण्याची भीती आहे. इमारतीशेजारीच स्वच्छतागृहाचा वापर मात्र सुरू आहे.
चावी कोणाकडे
या इमारतीची पाहणी करण्यासाठी नागरिकांनी महापालिकेच्या नाशिकरोड कार्यालयात चावीची मागणी केली. तेव्हा त्यांनी चावी आपल्याकडे नसून, नगरसेवकाकडे असल्याचे सांगितले. नगरसेवकांना भेटल्यावर त्यांनी चावी आपल्याकडे नसल्याचे स्पष्ट केले. त्यामुळे इमारत कोणाच्या ताब्यात आहे, याबाबत संभ्रम निर्माण झाला आहे.
अभ्यासासाठी येथील विद्यार्थी अटल ज्ञान संकुल व अन्यत्र जातात. त्यामुळे व्यायामशाळेत अभ्यासिका सुरू केली तर त्यांना उपयोग होईल. जाण्यायेण्याचा वेळ व त्रास वाचेल.
प्रसाद घुमरे, विद्यार्थी